《蘇老師 ê 台語教室》

| | | 轉寄

林素如

我名叫做林素如~岡山
細漢身軀袂做主
阿爸叫我去學武
拳路刀劍逐工舞
動作慢鈍親像龜
食老松大學詩賦
老師教阮寫母語
項項課程有興趣

春暉~林素如

春暉的花蕊
芳氣娘仔淚
沈醉閣安慰
高貴常相隨

春雨~林素如

春雨叮咚晟
田蛤交互拚
狗吠二三聲
車過聲作定

阿爸是騙徒~林素如

細漢時陣愛綴路
綴若無著一直魯
三跤跳來四跤助
無奈阿爸是騙徒
騙我昨昏來划船
害我入學頭混沌
昨昏今日抑明旬
真正實在鈍閣笨

囡仔時~林素如

月娘圓圓雲頂遊
阿娘牽我ta̍uh-ta̍uh泅
M̄看路裡看月娘
月光伴咱到老壽

雙十ê天頂~林素如

噴射藍天大畫家
鴻雁八字摻一跤
厝鳥會齊叫ka-ka
青天白日萬里霞