《趁iau2日時》

 | | | 轉寄

視障音樂家國際比賽ê規章

作者 林俊育 2008.08.24

br> 1) 視障音樂家國際比賽是由捷克視障者協會（SONS）主辦，比賽一經宣佈，該年度比賽ê規則kap報名表就必須馬上就寄出。
2) 捷克視障者協會負責比賽ê組織，處理收受ê報名表。
3) 樂器kap聲樂比賽tī馬連巴德舉行，原則上每三年一pái，時間訂在學校ê春假期間（二、三月間），下次ê比賽是1997 年。
4) 參賽資格是所有視障ê樂器kap聲樂音樂家，音樂學院或其他音樂專校ê在學生kap畢業生，tī開賽hit工ê年齡16歲kap 33歲之間，並符合比賽規章，lóng thang申請參賽。視障程度mā是決定因素之一，有視障協會ê會員資格tsiah得參賽。前屆ê第一名得主bē-tàng koh再參賽。
5) 比賽ê樂器是：橫笛、單簧管、小號、法國號、長號、小提琴、中提琴、大提琴、低音提琴、鋼琴、手風琴、吉伊、聲樂。
參賽者只ē-tàng單獨演出，鋼琴kap吉他tī第一kap第二回合比賽只ē-tàng獨奏，吉伊tī第三回合ê決賽則thang有鋼琴伴奏，鋼琴則只ē-tàng獨奏。其他樂器tī三回合只ē-tàng有鋼琴伴奏，bē-tàng有其他樂器ê伴奏。參賽者必須自備鋼琴伴奏者，但如無自備者，主辦單位應為伊提供伴奏。比賽委員會會按參賽者ê曲目來選定伴奏，所有ê比賽回合lóng m̄得看譜，所以背譜是件重要ê條件。
6) tī比賽期間，主辦單位負責所有參賽者kap其一位導盲人ê膳宿，thang申請主辦單位代辦其他同行者費用自負ê膳宿；一經宣判未入選，如願koh再留落來，其膳宿則自負；主辦單位不負責旅費。
7) 參賽報名分兩個階段：
A)申請報名必須tī比賽前一年ê第一學期結束（一月底）前寄達捷克視障者協會，記名參賽者ê全名、生日、地址、參賽項目、視障程度kap教育程度（學校性質kap學年數）。主辦單位收tio̍h申請報名後，會馬上寄正式報名表hō͘所有申請人；按該年度比賽ê規定，比賽項目若有捷克作曲家作品，主辦單位會提供該曲目的譜，但不提供點字譜。
B) 正式ê報名表必須tī比賽前一年ê九月底以前寄到捷克視障者協會，除了姓名kap個人資料之外，iáu-beh提供三回合ê參賽曲目、是m̄是需要伴奏、是m̄是有隨行同伴kap眼科醫生ê視力證明。主辦單位收tio̍h正式報名表了後，審查結果會通知申請人是m̄是ē-tàng參賽。隨同參賽邀請函，申請人iáu會收tio̍h比賽程序kap時間表、旅遊指引、膳宿說明kap繳交報名費ê方法。
8) 報到時，參賽者必須提出身分證明kap繳交報名費證明。
9) 各項樂器只有一個比賽，取前三名獎金如下：
第一名 捷克幣$9,000或美金$300.
第二名 捷克幣$6,000或美金$200.
第三名 捷克幣$3,000或美金$100.
評審會有權不提供所有獎金，或以其他方法分配；tsiah-ê主要獎金之外，評審會ē-tàng決定頒其他ê獎金或獎牌hō͘特優表演者，但必須經主辦單位同意；評審會ê裁決就是最後ê定論。
10) 主辦單位按各種樂器選派評審委員，siōng tsē不超過十二位，一般lóng是由布拉格藝術學院ê一位老師擔任主委，另設兩為副主委，其中一位必須是外國人，mā有幾席委員是外國人，三分之一ê委員由視障音樂專家擔任，開賽典禮中宣佈委員名單。評審委員必須遵照頒佈ê程序kap規則，評審會ê決定過程kap評分是保密ê，不隊外公開。
11) 所有ê表演lóng有錄音，以做評審決定之用，尤其是有爭論時。
12) 得獎者必須無償參加成果發表會中ê表演節目，會中同時頒獎金kap獎狀。無正當理由無參加成果發表會者，不頒hō͘獎金、獎狀或「比賽榮冠」ê頭銜。
13) 需伴奏ê參賽者必須配合下列ê時間規定：
第一回合....總共45分
第二回合....總共60分
第三回合....總共90分
所以建議參賽者mài選太難ê鋼琴伴奏ê曲目，或比賽中需求siuⁿ大ê曲目。
14) 如果捷克參賽申請人數siuⁿ-tsē時，報名結束時經選拔後參賽。
15) 捷克視障者協會為每pái ê比賽以捷克文發行特別規章，如對比賽規則kap辦法ê理解有爭議時，lóng tio̍h以捷克文版本為根據。