《趁iau2日時》

 | | | 轉寄

敬畏生命‧關懷視障

作者 林俊育 2008.09.14

自一九九三年八月擔任視障者福利協會顧問後，kap本身弱視ê執行秘書吳敏惠接觸漸多，知影伊歡喜寫作，我舉「失明hō͘我ê挑戰」一書作者程文輝為例來勉勵伊──以一個全盲者tuì封建ê中國廣州到美國波金斯盲校求學時，透過點字機ê對話，受tio̍h海倫凱勒ê鼓勵而寫落來家己ê奮鬥故事出版成冊(該冊《OE OF LUCKY ONES》現已譯成德、日、韓、丹麥文等版本)，學成後，to̍h是返港開創視障者福利事工，現今則賴該冊版稅貼補其退休生活。程文輝ê突破激勵了敏惠，阮koh進一步請到現任志文出版社總編輯ê人道主義者曹永洋老師來視障協會開「視障寫作班」，一方面鼓勵視障朋友透過寫作來分享生命ê光輝，mā希望ē-tàng提供視障者一條寫作ê生涯路。Tī敏惠ê興奮kap熱情催生落來，「視障寫作班」真緊成立了，我mā飛到美國波斯頓ê波金斯盲校研究圖書館搜集了六本盲人作家ê作品帶tńg來台灣，phah算譯成中文hō͘ koh-khah tsē人瞭解盲人ê心靈世界是如何一番ê友情天地。

投入關懷視障事工七年guā來，我發現有真tsē視障朋友lóng真獨立自主，若有人助in一臂之力，hō͘ in一點發展ê空間，肯定in ê潛能，其成就往往並無輸明眼人。神點to̍h視障朋友生命之火，我只是為in添點油罷了，我ê生命之火亦因此而koh-khah光輝，我靈性上ê收成遠比有限ê付出koh-khah tsē。耶穌mā講「當愛你ê鄰舍」，我一直認為周遭ê弱勢族群lóng是咱ê鄰舍，而視障者koh-khah是弱勢中ê弱勢，多用點時間kap精力tī關懷視障事工上，kám m̄是tī體現「愛就是tī別人ê需要上看tio̍h家己ê責任」ê精義mah？

《曠野》素來關懷弱勢有年，當南洲兄邀我請陳五福醫師擔任總策畫，同齊編輯出版「慕光叢書」系列，有計畫地推動視障文學，亦同時tī《曠野》開闢慕光天地專欄，耕耘一畝視障者kap視障關懷者ê園地，我隨時tshuē來視障寫作班班長廖惠文女士談tsit項計畫，伊講「今á日是我siōng快樂ê一工，我kap真tsē kah意寫作ê視障者，終其尾有了發表ê園地........」，陳五福醫師則常tuì宜蘭khà電話來提供真tsē構想，伊mā心動了。我想tī陳五福醫師ê總策畫kap鼓勵支持下，「敬畏生命 關懷視障」ê慕光精神應thang久長傳承落去，而明眼人kap視障者之間ê高牆倒下之日應該mā buē太遠了。