《聖經故事三字詩》

 | | | 轉寄

10. Hun-in .... 婚姻

作者 Tân Tshing-tsùn 2009.02.08

Khí-thâu lūn, Sîn siat hun,
起頭論，神設婚，
Lâm-lú khùn, Siōng-tè tsún,
男女睏，上帝准，
Tsō͘ tshiá tsun, thiàⁿ jîn-kûn,
助且尊，疼人群，
Thuân kiáⁿ sun, ài-tsîng tshun,
傳子孫，愛情春；

Kiat hó hun, ài iū un,
結好婚，愛又恩，
Bô khing-hun, tio̍h ûn-khûn,
無輕分*，著慇勤，
Thé-thiap tsûn. sìng tsiām kūn.
體貼存，性漸近，
Siú hun-tshùn, bô kè hūn.
守分寸，無過份；

Kiû ha̍k-būn, tsik kim-gûn,
求學問，積金銀，
Tsun ngó͘-lûn, bô tîm-lûn,
遵五倫，無沈淪。
Hó miā-ūn, kò͘ tit ún,
好命運，顧得穩，
Tshn̂g thâu kún, tshn̂g bé un,
床頭滾，床尾溫；

Bô pok hun, bô huà kûn,
無卜薰**，無喊拳***，
Bô kâ-kún, bô luān pûn,
無擾滾，無亂噴****，
Tsió buah hún, sim un-sûn.
少摸粉，心溫純，
Hui pîng-hun, hui ngī sūn.
非平分，非硬順；

Lâm thàn tsîⁿ, Ka lú tshî.
男賺錢，家女持，
Lâm-lú pîⁿ, bô saⁿ phiⁿ,
男女平，無相偏*****‧

* Kin-kin kè-kàu 斤斤計較 ；
** 抽煙；
*** 猜拳；
**** pûn ke-kui, 吹牛，亂講話；
***** tsiàm piān-gî 占便宜。