《聖經故事三字詩》

 | | | 轉寄

14. Sìng-ing .... 聖嬰

作者 Tân Tshing-tsùn 2009.04.05

Mé-tsô lāi, sìng ing-hâi,
馬槽內，聖嬰孩，
Thong sè-kài, kuí-lâng tsai?
通世界，幾人知？

Tuì thiⁿ-sài, bo̍k-tsiá tsai,
從天使，牧者知，
Ji̍p siâⁿ-lāi, khì tiâu-pài;
入城內，去朝拜；

Tshiⁿ an-pâi, phok-sū tsai,
星安排，博士知，
Guā-kok lâi, ū khì-phài,
外國來，有氣派，
Sîng sim pài, huê-lō͘ kái;
誠心拜，回路改；

Sìng-tiān lāi, Sìng-lîng phài,
聖殿內，聖靈派，
Gán-kong kài, Se-biān tsai,
眼光界，西面知，
Kuá-hū tsâi, A-ná tsai;
寡婦才，亞拿知；

Hi-lu̍t tsai, bô kong-khai,
希律知，無公開，
Ing-á thâi, ông-uī tsāi,
嬰仔殺，王位在，
Tuā gō͘-kái, uan-óng tāi;
大誤解，冤枉事；

Pē-bú tsai, thàu-mî sái,
父母知，透冥駛，
Kín siám-tsai, bián siū-hāi.
緊閃災，免受害，
Sîn sik-sāi, Iâ-so͘ “tshai”,
神熟似(識)，耶穌差，
Bān-sè-tāi, kiù-sio̍k lâi.
萬世代，救贖來。