《聖經故事三字詩》

 | | | 轉寄

17. Tsa̍p-kài .... 十誡

作者 Tân Tshing-tsùn 2009.05.17

Se-nái suaⁿ, tsa̍p-kài puâⁿ,
西乃山，十誡盤，
Tsio̍h-pī phuà, tîng-tsài uāⁿ;
石碑破，重再換，
Khè-iok tuaⁿ, hīng-hok tsuâⁿ.
契約單，幸福泉，
It-sing phuāⁿ, Sîn kàm khuàⁿ,
一生伴，神鑒看；

Siōng-tè tsin, î-it Sîn;
上帝真，唯一神，
Ké sîn jīn, kuí hù sin;
假神認，鬼附身；

Tiau-khik mi̍h, bo̍h pài i,
雕刻物，莫拜它，
Thiⁿ tē ni̍h, siū tsō mi̍h,
天地裡，受造物，
Ba̍k kà-ì, bo̍h bê-khì;
目合意，莫迷去；

Sìng miâ-jī, tshing, suè-jī;
聖名字，稱、細膩，
Tsiù-tsuā kí, bô kìng-ì,
咒詛指，無敬意，
“Sī” tsiū “Sī”, khak iâⁿ tshì;
「是」就「是」，較嬴試；

An-hioh-ji̍t, siú sîng-si̍t,
安息日，守誠實，
Tshit hioh it, sim-sîn ti̍t;
七息一，心神直；

Kìng pē-bú, bô͘-huān tsú,
敬父母，模範子，
Thiⁿ siúⁿ-sù, hè-siū kú,
天賞賜，歲壽久，

Bo̍h sat jîn, sìⁿ-miā tin,
莫殺人，性命珍，
Thiàⁿ bōng sìn, sī tsún-tsîn,
愛望信，是準繩；

Bo̍h kan-îm, sìng-io̍k jím,
莫姦淫，性慾忍，
Hū-lú tsim, khí io̍k sim,
婦女唚，起慾心，
Hun guā kìm, hu-hū (tì)-ìm;
婚外禁，夫婦蔭；

Bo̍h thau-the̍h, tsuè tshing-pe̍h,
莫偷竊，做清白，
Ū jîn-keh, ū khì-tseh,
有人格，有氣節；
Suè-hàn pû, tuā-hán gû,
細漢瓢，大漢牛，
Kaⁿ-lô ku, kiàn-siàu sū;
監牢居，見誚事；

Ké kan-tsìng, bo̍h tit īng,
假干證，莫得用，
Tsin ké tshing, guân-tsik kìng;
真假清，原則敬；

Bo̍h tham-sim, io̍k-liām tshim,
莫貪心，慾念深，
Îm, tó͘, lim, kài sī kim;
淫賭飲，戒是金；
Lí guá tsîng, hūn-pia̍t bîng,
你我情，分別明，
Kong su sìng, si-si tshing.
公私性，絲絲清。