《押韻啟應詩篇》

 | | | 轉寄

台語押韻啟應詩篇 98

作者 Tīⁿ Jî-gio̍k 2007.12.31

98　　Tsi̍t-phiⁿ si.

1a　Lín tio̍h ǹg Iâ-hô-hua tshiùⁿ sin ê kua;
　　恁 著 向 耶 和 華 唱 新 的 歌；

1b　　　In -uī I bat kiâⁿ kî-biāu ê sū ki̍k-tuā;
　　　　因 為 祂 曾 行 奇 妙 的事 極 大；

1c　I ê tsiàⁿ-tshiú kap I sìng ê tshiú-kut,
　　祂的 右 手 及 祂 聖 的 手 骨，

1d　　　Í -king uī ka-kī kiâⁿ tsín-kiù hián-tshut.
　　　　已 經 為 自 己 行 拯 救 顯 出。

2a　Iâ-hô-hua hō͘ lâng tsai I ê tsín-kiù ê tsin-lí ,
　　耶 和 華 使 人 知 祂 的 拯 救 之 真 理，

2b　　　Tī lia̍t-pang-lâng ê ba̍k-tsiu-tsîng hián-bîng I ê kong-gī .
　　　　在 列 邦 人 的 目 珠 前 顯 明 祂 的 公 義。

3a　I kì-liām I tuì Í-sik-lia̍t-ke só͘ huat-tshut ê tsû-ài kap sìn-si̍t ;
　　祂 紀 念 祂 對 以色 列 家 所 發 出 的 慈 愛 與 信 實；

3b　　　Tuē ê sì -kak lóng khuàⁿ-kìⁿ
　　　　地 的 四 角 攏 看 見
　　　　lán ê Siōng-tè ê tsín-kiù sī tsin-si̍t .
　　　　咱 的 上 帝 之 拯 救 是 真 實。

4a　Tsuân-tuē lóng tio̍h ǹg Iâ-hô-hua tshut huaⁿ-hí ê siaⁿ;
　　全 地 攏 著 向 耶 和 華 出 歡 喜 的 聲；

4b　　　Tio̍h tshut tuā-siaⁿ huaⁿ-hí tshiùⁿ-kua o -ló I ê miâ.
　　　　著 出 大 聲 歡 喜 唱 歌 讚 美 祂 的 名。

5a　Tio̍h tuâⁿ-khîm tshiùⁿ-kua o -ló Iâ-hô-hua;
　　著 彈 琴 唱 歌 讚 美 耶 和 華；

5b　　　Tio̍h tuâⁿ-khîm hō͘ si-kua ê siaⁿ o -ló I bô suah.
　　　　著 彈 琴 使 詩 歌 的 聲 讚 美 祂 無 息。

6a　Īng hō-thâu kap sàu-kak ê siaⁿ,
　　用 號 頭 與 哨 角 的 聲，

6b　　　Tī Kun-ông Iâ-hô-hua ê bīn-tsîng tshut huaⁿ-hí ê siaⁿ.
　　　　在 君 王 耶 和 華 的 面 前 出 歡 喜 的 聲。

7a　Guān hái, kap kî-tiong só͘ tshiong-muá--ê ,
　　願 海， 與 其 中 所 充 滿 的，

7b　　　Lóng tio̍h tshut tuā-siaⁿ;
　　　　攏 著 出 大 聲；

7c　Sè -kài, kap tiàm tī hit tiong-kan--ê ,
　　世 界， 與 站 在 彼 中 間 的，

7d　　　Ia̍h tio̍h tshut-siaⁿ.
　　　　亦 著 出 聲。

8a　Guān tuā-tsuí phah tshiú-tsiúⁿ tshut siaⁿ,
　　願 大 水 拍 手 掌 出 聲，

8b　　　Guān tsiah-ê suaⁿ tī Iâ-hô-hua ê bīn-tsîng tshut huaⁿ-hí ê siaⁿ.
　　　　願 諸 些 山 在 耶 和 華 的 面 前 出 歡 喜的 聲。

9a　In -uī I lâi beh sím-phuàⁿ tsuân-tuē;
　　因 為 祂 來 要 審 判 全 地；

9b　　　I beh tsiàu kong-gī sím-phuàⁿ sè -kài ê tsuē,
　　　　祂要 照 公 義 審 判 世 界 的 罪，

　　　　 CHIAU3 I Ê CHENG3-TI̍T SÍM-PHOÀⁿ LIA̍T-PANG Ê SÒ͘ CHOE3.
　　　　照 祂的 正 直 審 判 列 邦 的 所 做。