《歷史上ê主耶穌》

 | | | 轉寄

第五章_3 耶穌降生，道成肉身ê古早故事

作者 杜英助 台譯：Lîm Tsùn-io̍k 2020.04.12

二)耶穌降生，道成肉身ê古早故事
照舊約時代以賽亞先知ê預言所講ê話：「一定有童女有娠生kiáⁿ；人beh/ài/tio̍h/會稱伊ê名為以馬內利。」馬太記述耶穌ê降生，伊講：「祂ê老母馬利亞已經kah約瑟定婚，iáu未結婚，就tùi聖神來懷孕。 .…約瑟遵照主使者ê吩咐kā娶馬利亞過門做bó͘，只是無kah她同房。」（馬太1：18～25），tī hit kóa日子，路加koh補述：當羅馬皇帝凱撒奧古斯都降旨，叫全國人民lóng tio̍h登記戶籍做抽「人頭稅」ê根據。第一pái登記戶籍是tī公元前7年，居里扭作敘利亞總督（伊因為幫贊奧古斯都，to̍h是屋大維phah贏安東尼有功，被任命做敘利亞總督）ê時施行。約瑟kah馬利亞就án-ne tī公元前5年3月，tsiah tùi加利利ê拿撒勒去Ta-bi̍t ê城名叫伯利恆城辦理戶籍登記，因為in是Ta-bi̍t家族ê人。就tī約瑟kah馬利亞tī伯利恆ê時，馬利亞ê產期到，koh因為馬利亞tùi拿撒勒到伯利恆已經行了60 gōa公里ê路，真緊to̍h beh生產à。所以，in kan-taⁿ ē-tàng tshōe-tio̍h一个所在ê馬房暫時歇睏一下。想bē到馬利亞hit時真緊kā聖嬰耶穌生落來，用布包，khǹg tī馬槽裡，to̍h是主基督，因為客店裡無所在。（路加2：1～12）。Tī耶穌降生ê所在，tsit-má有一粒「伯利恆之星」ê標誌，說明耶穌基督ê家譜，tùi亞伯拉罕到Ta-bi̍t共有14代，tùi Ta-bi̍t到遷到巴比倫ê時mā有14代，tùi遷到巴比倫ê時到基督出世koh有14代（馬太1：17），所以tī「伯利恆之星」ê四kho͘ 圍，就畫出14个光芒ê角來表示。

翻看：1991年英國「皇家天文學會季刊」第39期389～407頁ê研究報告有提起，關係hit粒光iàⁿ-iàⁿ燦爛ê伯利恆之星。按照中國漢朝天文學家ê記載：tī公元前5年三月有觀察tio̍h一粒高掛tī空中摩羯座拖尾溜移動真慢ê彗星出現，超過70天。因為地球會自轉，所以tī波斯ê星象學家mā ē-tàng看kah真清楚。因為án-ne，東方三博士to̍h是看見tsit粒彗星出現，tsiah確認有一位新生王出世。