《生活e5台語，台語e5生活》

 | | | 轉寄

暗青番kā你講

作者 aThinn 2008.04.13

一ê tuà Elo5'ē「青叢」hittah（Bí洲Los Angeles2, PalosVerdes）ê singli2人今á日kā我講伊ê観察：
我頂禮拜去日本siōng大ê感想to̍h sī tī銀座差不多所有ê名牌lóng sī AuBi2 ê品牌。一ê女工作一個月ê空課可能kanna ē-tàng tī銀座ê高級店買一領衫。莫怪AuBi2 ê人無sáⁿ做工mā ē-tàng有kuân ê生活水準。

Suà落去伊kohka7我講一段故事：
一冬前我tshuā Tâi'uân ê朋友去拜訪一ê tuà San Gabriel做車燈ê人客。我去kàu hia tsiah tsai'iáⁿ tsite5頭家差不多三十歳，伊講伊sī六歲àn Tâi'uân來ê中国人，看起來小可á FOB ( sī英語，意思基本上to̍h sī tsím uì Au, Bí ah sī澳洲以外ê「化外之地」徙過ê「亞客」)。

伊講伊lóng賣Philips牌ê車燈，m7koh nā sī伊家己賣，無人相信伊賣ê sī正牌ê, 所以伊倩一ê白人做推銷，人客khah會相信伊賣ê sī正港ê Philips。

Cit款tai7tsi3 tī Elo5e7,逐工teh発生。Lán beh an2tsuann2？暗生番kā你掛保證，hiah'ê惡質ê pháiⁿ人客mā真tsē lóng黃bah皮ê!

Taⁿ siōng thàn錢to̍h sī huāⁿ品牌ê人。品牌ài huāⁿ hō͘在，利純tsiah la̍k會tiâu。Koh來，普通時物á nā jú貴，利純to̍h jú kuân。

Taⁿ無論衫ah sī車ah sī電子用品ah sī sim2mih8大學siong7kai3好，nā beh講khah高級ê產品，除去幾nā種日本品牌以外，大部分品牌lóng是白人teh huāⁿ、白人teh thàn。Lán家己人見nā beh展寶ê時，mā lóng kā紅毛ê捧場khah tsē。

Tsit款現象hâm lán人崇拜AuBi2文化ê情形，絕對m̄ sī無tihtai7 ê。Lán ài huāⁿ lán ê品牌、直直創lán ê kuân價品牌，後pái lán tsiah會有jú tsē利純thang khioh。利純nā khioh jú tsē, lán to̍h會jú富裕，ah lán nā jú富裕，lán文化ê地位to̍h會jú kuân起lih。M7koh tsit尾蛇無尾，兩頭lóng tsuì。品牌本底to̍h sī文化產品，bē輸電影kap歌藝。

Lán ê品牌nā beh顧hō͘好勢，事(tāi)先ài看lán對lán家己ê文化kap lán ê文化產品kám有信心，ài看lán tang時tsiah覺悟tio̍h，進口ê物á無一定phīng lán家己singli2人teh製造ê物á koh khah好，ah進口ê文化the̍h來當做sī lán ê, 路尾mā sī無khah tsua̍h, khah講mā sī三更半暝走去別間tshù了lán ê錢，tàu huāⁿ別人ê品牌，翻頭koh講sī姑不二將ê lah。

Lán ê singli2人beh an2tsuann2來huāⁿ lán ê品牌，he m̄ niā sī singli2界ê tai7tsi3，並且sī文化界ê tai7tsi3。Lán ê singli2人beh an2tsuann2來huāⁿ lán ê品牌，he m̄ niā看lán ê singli2人ê功勞，he mā tio̍h ài靠lán ta̍k’ê人來kā in捧場。