《生活e5台語，台語e5生活》

 | | | 轉寄

入廠保養

作者 陳小小, 漢羅Ruby版處理：Lîm Tsùn-io̍k 2020.10.04


禮拜日(lé-pài-ji̍t) 聚 會(tsū-huē) 結 束(kiat-sok)，為(uī) 會 眾(huē-tsiòng)祝 福(tsiok-hok)ê時(sî)，我(guá) 正 手(tsiàⁿ-tshiú)the̍h mài-kuh(中 華 民 國(tiong-huâ bîn-kok)語(gí)ê「麥克風」），倒 手(tò-tshiú) 差 不多(tsha-put-to)gia̍h bē起來(khí-.lâi)。暗時(àm-sî)tjm講(kóng) 應 該(ing-kai)bē是(sī)已 經(í-king) 黏(liâm)tiâu-.leh à？

拜一(pài-it)透 早(thàu-tsá)去(khì)法院(huat-īⁿ)辦理(pān-lí)信 望 愛(sìn-bōng-ài)法 人(huat-jîn)行 政(hîng-tsîng)登 記(ting-kì)事宜(sū-gî)， 續(suà)落 來(lo̍h-.lâi)to̍h去(khì)診所(tsín-só͘)。 倒 手(tò-tshiú)gia̍h起 來(khí-.lâi)會(ē)溫溫(un-un)á起(khí)痛(thiàⁿ)， 轉 動(tsoán-tōng)ê弧度(hô͘-tō͘)jú來(lâi)jú細(sè)， 已 經(í-king)兩(nn̄g)個月(kó-gue̍h)à。

超 音 波(tshiau-im-pho)顯 示(hián-sī)已 經(í-king)黏(liâm)tiâu-.leh； 我(guá)一(tsi̍t)秒(bió)間(kan)內(lāi)to̍h接 受(tsiap-siū)醫生(i-sing)ê建 議(kiàn-gī)， 自 費(tsū-hùi)震 波(tsìn-pho)、玻 尿 酸(po -jiō-sng)。少 年(siàu-liân)ê復 健(ho̍k-kiān)小弟(sió-tī)建 議(kiàn-gī)震 波(tsìn-pho)能 量(lêng-liōng)ài jú大(tuā)jú有效(ū-hāu)， m̄-koh ē真(tsin)痛(thiàⁿ)。 我(guá)牙齒 根(gê-khí-kin)咬(kā)leh講(kóng)好(hó)。


心 內(sim-lāi)想 講(siūⁿ-kóng)： 「做(tsò)你(lí)來(lâi).... 管(kuán)你(lí)啥 物(siáⁿ-mi̍h)龜 派(ku-phài)氣 功 波(khì-kong-pho)、宇宙(ú-tiū)能 量 波(lêng-liōng-pho)，拚(piàⁿ)落去(lo̍h-.khì)lah。」 看(khuàⁿ) tio̍h螢 幕(êng-bō͘)頂 面(tíng-bīn)，顯 示(hián-sī)長長(tn̂g-tn̂g)ê針 頭(tsiam-thâu)插(tshah)入 去(ji̍p-khì)肩 胛 頭(king-kah-thâu)， teh聽(thiaⁿ)醫生(i-sing)講(kóng):「我(guá)beh用(īng)針 頭(tsiam-thâu)kā黏(liâm)tiâu-.leh ê部 分(pō͘-hūn)ngiáu開(khui)、 tsit-má灌(kuàn)入 去(ji̍p-khì)潤 滑 油(jūn-ku̍t-iû)(玻 尿 酸(po -jiō-sng))à。」 了 後(liáu-āu)to̍h kā我(guá)ê手 股 頭(tshiú-kó͘-thâu)用(īng)大(tuā)弧度(hô͘-tō͘)se̍h-tńg拆 開(thiah-khui)； 真 正(tsin-tsiàⁿ)是(sī)有(ū)夠(kàu)爽 痛(sóng-thiàⁿ)。

下晡(ē-po͘)續(suà)落 來(lo̍h-.lâi)是(sī)健 保(kiān-pó)給 付(kip-hù)ê電 療(tiān-liâu)kah機械(ki-hâi)治 療(tī-liâu)giú頷 頸(ām-kún)，今(kin)á日(ji̍t)iáu-koh ài外加(gōa-ka)自 費(tsū-hùi)ê手 工(tshiú-kang)治 療(tī-liâu)， tio̍h連 續(liân-suà)治 療(tī-liâu)一(tsi̍t) 個 月(kò-gue̍h)。

醫生(i-sing)o-ló我(guá)ê決 斷 力(kuat-tuàn-li̍k)，其實(kî-si̍t)這(tse)m̄是(sī)決 斷 力(kuat-tuàn-li̍k)，卻 是(khiok-sī)我(guá)知 影(tsai-iáⁿ)罪(tsuē)進 入(tsìn-ji̍p)世界(sè-kài)， 人(lâng)ē老(lāu)、 病(pēⁿ)、死(sí)。我(guá)kā ka-kī當 做(tòng-tsò)是(sī)一(tsi̍t)台(tâi)汽 車(khì-tshia)，應 該(ing-kai)入 廠(ji̍p-tshiúⁿ)維修(î -siu)to̍h應 該(ing-kai)修(siu)；無(bô)潤 滑 油(jūn-ku̍t-iû)，to̍h ài加添(ke-thiⁿ)。

我(guá)反 省(huán-síng)是(sī)ka-kī疏忽(so͘-hut)保 養(pó-ióng)。 離職(lî-tsit)tsit一(tsi̍t)年(nî)，大部 分(tuā-pō͘-hūn)ê時間(sî-kan)是(sī)鬱(ut)tī厝 裡(tshù-.ni̍h)寫(siá)文 章(bûn-tsiuⁿ)， 寫(siá)寫(siá)寫(siá)，寫(siá)寫(siá)寫(siá)，siuⁿ少(tsió)運 動(ūn-tōng)。加 上(ka-siōng)m̄知 影(tsai-iáⁿ)tang時(sî)giâ重 物(tāng-mi̍h)受 傷(siū-siong)，iáu認為(jīn-uî)ka-kī kah少 年(siàu-liân)仝 款(kāng-khuán)是(sī)神 力(sîn-le̍k)女(lí)超 人(tshiau-jîn)，所以(só͘- í)， 倒 手(tò-tshiú)損 害(sún-hāi)去(khì)à。

傳 道 師(thuân-tō-su)3：1~8 「天下(thiⁿ-ē)萬 象(bān-siōng)lóng有(ū)它(i)ê期(kî)，萬 項(bān-hāng)事(sū)lóng有(ū)它(i)ê時(sî)。 有(ū)出 世(tshut-sì)ê時(sî)， 有(ū)死 亡(sí-bông)ê時(sî)；有(ū)栽 種(tsai-tsìng)ê時(sî)， 有(ū)kā所(só͘)栽 種(tsai-tsìng)ê拔 出(pue̍h-tshut)ê時(sî)； 有(ū)刣死(thâi-sí)ê時(sî)， 有(ū)醫好(i - hó)ê時(sî)； 有(ū)拆 毀(thiah-huí)ê時(sî)，有(ū)起 造(khí-tsō)ê時(sî)； 有(ū)啼 哭(thî-khàu)ê時(sî)，有(ū)歡 笑(huan-tshiò)ê時(sî)； 有(ū)哀 傷(ai-siong)悽 慘(tshi-tshám)ê時(sî)， 有(ū)跳 舞(thiàu-bú)歡 喜(huaⁿ-hí)ê時(sî)； 有(ū)hiat石 頭(tsio̍h-thâu)ê時(sî)， 有(ū)拾(khioh)石 頭(tsio̍h-thâu)ê時(sî)； 有(ū)thang抱(phō)ê時(sî)，有(ū)m̄-thang抱(phō)ê時(sî)； 有(ū)tshōe-tio̍h ê時(sî)， 有(ū)失落(sit-lo̍h)ê時(sî)； 有(ū)保 存(pó-tsûn)ê時(sî)， 有(ū)放(pàng)sak ê時(sî)； 有(ū)拆 裂(thiah-li̍h)ê時(sî)，有(ū)補 縫(pó͘-thīⁿ)ê時(sî)； 有(ū)恬 恬(tiām-tiām)ê時(sî)， 有(ū)講 話(kóng-uē)ê時(sî)； 有(ū)疼 惜(thiàⁿ-sioh)ê時(sî)， 有(ū)怨 恨(uàn-hūn)ê時(sî)； 有(ū)交 戰(kau-tsiàn)ê時(sî)， 有(ū)和好(hô-hó)ê時(sî)。」 （《全 民(tsuân-bîn)台語(tâi-gí)聖 經(sìng-king)》）（註(tsù)： 「傳 道 師(thuân-tō-su)」是(sī)照(tsiàu)原 文(guân-bûn) “קֹהֶלֶת‬，qōheleṯ”翻 譯(huan-i̍k)，傳 統(thuân-thóng)中 文(tiong-bûn)譯做(i̍k-tsò)「傳 道 書(thuân-tō su)」）

該(kai)跳 舞(thiàu-bú)保 養(pó-ióng)to̍h ài跳 舞(thiàu-bú)保 養(pó-ióng)lah。 Ǹg望(bāng)我(guá)tsit-ê豬腦(ti-náu)ē-tàng記 取(kì-tshú)教示(kà-sī)！Ǹg望(bāng)ka-kī tsit台(tâi)五 十(gō͘-tsa̍p)年久(nî-kú)ê車(tshia)， iáu thang為(uī)主(tsú)加(ke)駛(sái)幾(kuí)年(nî)。