《生活e5台語，台語e5生活》

 | | | 轉寄

「我真想你」（Elina)影評

作者 華文： 梁良 台譯：Tsuniok 2006.04.09

導演：卡拉斯．哈洛
編劇：謝爾．松德斯泰特
演員：娜塔莉．明尼、比比．安德遜、亨利克．拉斐森
製作：Filmlance International AB/Filmpool Nord AB

　 　芬蘭kap瑞典做厝邊，但芬蘭一向處tī弱勢，受tio̍h瑞典文化ê強勢罩tiâu。本片以瑞典境內芬蘭裔ê九歲女童伊莉娜(Elina)為主人翁，探討兩國之間ê文化互動kap民族尊嚴，是一部略á有政治性ê兒童電影。伊由芬蘭kap瑞典兩國聯合攝製，瑞典編劇執筆，芬蘭導演掌舵，則明顯有反省歷史衷誠合作ê用意。

　 　劇情背景是1952年ê兩國邊界小鎮諾博騰，芬蘭女童伊莉娜（娜塔莉．明尼飾）肺病tú好，tńg來到學校上課。校長朵拉．荷姆（比比．安德遜飾）正是伊莉娜班上ê老師，伊採取強勢ê態度教學生講純正ê瑞典語，不准同學tī班上講芬蘭語。芬蘭同學安東低聲用母語向伊莉娜發問，竟被懲罰中晝bē-sái食飯。伊莉娜不忍心安東被罰，tsiông án-ne kā家己ê湯讓hō͘伊，但hō͘朵拉制止，而且罰伊莉娜一定ài lim完家己ê湯tsiah ē-tàng離開餐廳。伊莉娜認為家己無做錯，拒不屈服，師生之間ê鬥爭jú來jú白熱化。

　　新來ê年輕瑞典教師伊納．畢約（亨利克．拉斐森飾）無想beh tāi-tsì鬧僵，企圖用人性化ê手法勸服伊莉娜tńg去餐廳食飯，mài弄壞身軀，但朵拉堅持ài伊莉娜向伊道歉，gín-á氣ê倔強態度一屑á to無輸hō͘九歲ê小女孩。始終無妥協ê伊莉娜歡喜行到沼澤地帶向伊深愛ê亡父傾吐秘密心情，有一工差不多被困沼澤ê泥沼中無法度脫身，佳哉有母親kap伊納合作將伊救出。Tsit時伊莉娜tsiah明白家己對父母ê誤解，á朵拉也tī全校同學支持伊莉娜m̄食飯ê強大民意壓力下，先向伊莉娜àⁿ頭認錯，化解了tsit兩個「倔強女子」之間ê理念kap性格之爭。

　 　編導用「語言政策」作為tsit-ê故事ê切入點，描寫處tī強勢ê瑞典人不該用高壓手段強迫芬蘭人向in ê文化投降，儘管in認為是出tī一片好意，只是想beh增加芬蘭裔學生ê競爭力。朵拉校長kah-ná是用一種像傳教士ê使命感來教化伊眼中ê「低等民族」，因此tī執行ê過程中完全不顧對方ê自尊。偏偏伊莉娜又koh是一個歡喜活tī家己想像世界ê固執女孩，硬是m̄食朵拉hit套冷酷無情ê教育方式，因此戲劇性ê鬥爭便真自然tik jú演jú烈。編導聰明安排了軟弱ê伊莉娜妹妹kap開明派教師伊納，tuì邊á烘托]劇情ê發展，hō͘ tsit部故事簡單卻主題鮮明ê文藝小品，增加了立體感，尤其是伊納tī匆促中拆掉朵拉辦公室中ê教學目標烏板，用作tī沼澤中拯救伊莉娜脫險ê踏板，象徵意義ê表達koh-khah屬高明。

　　整部影片tī風光如畫ê瑞典鄉間拍片，映像效果hō͘人感覺相當爽快。挑大樑ê童星娜塔莉．明尼演得真有個性，反倒tńg kā bat是英瑪伯格曼愛將ê資深女演員比比．安德遜俯首稱臣。頭一pái導演劇情長片ê卡拉斯．哈洛手法純熟，雖然tī處理最後ê大和解場面有欠自然，但也瑕疵無蓋過優點。

其實看完此片ê siōng大感慨，是伊ê歷史背景kap臺灣國民政府當局tī 1950年代刻意打壓閩南語，不准gín-á tī校園講母語，否則便遭遇懲罰ê歷史，竟然真奇妙kah相類似，但多年來卻看bē-tio̍h「愛臺灣」ê導演，tī咱ê國片中對這提出抗議或批判，kám講咱tsia ê電影創作對「反省歷史」患了冷感症？

(譯自：「遠流博識網－梁良論影」
http://www.ylib.com/movie/liang-4.htm