《賴永祥講書》

 | | | 轉寄

《教會史話》(1_082)廢掉禁教令

作者 賴永祥 2009.02.01

道光22年（1842年）清廷kap英國簽訂「南京條約」，結束鴉片戰爭．，kā香港割hō͘英國，開放廣州、福州、廈門、寧波、上海五ê港口，准領事裁判權等等，是劃時代ê一步。伊ê意義影響tī tsia著無beh koh講a，下面干taⁿ敘述uì雍正以來一直禁止外人tī中國傳教ê法律廢掉ê過程。

道光24年（1844年5月），中美五ê港口貿易章程規定：「合眾國民人tī五񗹤e5港口貿易，長久tuà tī tsia á-sī暫住，攏准伊tī tsia租厝，á-sī租地家己起，並設立醫館、禮拜堂kap埋葬ê所在……」（第17款）；九月中法五ê港口ê貿易章程規定亦攏beh相kâng（第22款）。約文講會凍tī港口岸建立教堂，但是並無講准教士向華人傳教，收信徒，á-sī外人會凍tī內地旅行、tuà落來á-sī置產。

到kâng年ê 11月，道光tī一道上諭內面，准許將習教為善ê中國人免罪（見道光朝籌辦夷務始末卷73），國人信奉天主教ê禁例到tsia tsiah解除。翌年，又koh解釋tsit項禁令包括所有基督教宗派，但是koh重申外人攏不准入內地傳教（同上書卷75）。所以，tī英法聯軍結束以前，更正教各派ê傳教活動，大致攏是tī通商ê五ê港口，另外天主教就利用弛禁ê諭令，tiāⁿ-tiāⁿ派教士偷走入內地，加強組織kap活動，m̄-koh欠缺法律ê保障。

咸豐8年（1858年），中俄、中美、中英、中法「天津條約」簽定，允准教士tī中國內地傳教。如中英天津條約第8款：「耶穌聖教暨天主教，原本是為善之道，待人如己，自後凡有傳授學習者，一體保護，其安分無過，中國官毫不得刻待禁阻」。中法天津條約第13款更進一步說：「……凡按第8款備有蓋印執照安然入內地傳教之人，地方官務必厚待保護，凡中國人願信崇天主教而循規蹈矩者，毫無查禁，皆免懲治……」。

咸豐10年（1860年）中法「北京條約」，tī hia ê第6款規定凡是tī禁教期間被沒收ê教會kap慈善事業ê產業攏愛發還hō͘業主；tī中文約本頂面講：「又將進前謀害奉天主教者ê時所冒充ê天主堂、學堂、塋墳、田土、房廊等件，攏應該還hō͘法國駐紮京師ê欽差大臣，轉交hoy7該hit-ê所在奉獻ê人； 」。（旁有圈點之文句，其實tī法文約本內面無，兩者約款不符ê代誌，ㄧ直到光緒21年（1895年）tsiah由中國政府發覺，m̄-koh已經無法度改變a）。英美等國，攏援用「最惠國約款」來享有kâng款ê權利。從此以後，外國教士，無論天主教士á-sī更正教士，攏會凍合法進入內地——意思著無限tī通商口岸——傳教置產a。

呂實強「中國官紳反教的原因」（1860-1874）tsit本冊，是探討近代基督教在華傳教問題ê好處；有關弛禁教，會凍參考tsit本冊ê緒言。

《台灣教會公報》 1964期 主後1989年10月22日