《賴永祥講書》

 | | | 轉寄

《教會史話》(1_026) 字邊無kho͘-á讀白話

作者 賴永祥 2007.10.21

廈門腔或台臺語聖詩漢字本，tī字邊有時有小kho͘-á，來表示「字邊有kho͘-á讀本字，字邊無kho͘-á讀白話」。Tsit種表記法，uì tang時開始？我ê管見是uì咸豐四年（1854）鐫廈門寮á後花旗館藏版「養心神詩新編」開始。

Tsit本冊卷頭有「養心神詩新編讀法論敘」，講：養心神詩之作也，原為福音堂敬拜上帝，俾吾儕kap期吟誦讀謝上帝之恩，以表明服事之者之誠心誠意耳。但前日舊本雖有傳教，而誦讀之下母如人只識其字，終不能得其義，夫既不得其義，則其中所有包含意思，皆末足通曉。故余乃本其義，而以白話土腔闡明其意思，又增以自成新編幾首，庶幾此後按期敬拜者，吟諸口自可悟在心，聽諸耳亦能會其義，如保羅所謂吾將以神祈禱，亦必使人明吾意，將以神頌詩，亦必使人達吾意。所患者土腔白話，未免無字為多，由是於無字的，姑用正字，借其字義以代，邊加小圈為別。讀者若遇圈字，就字讀字，若無圈者，將字解說白話吟下，音韻自無不計，而且其登堂禮拜，何患口吟而心不悟耳聽而意不會哉。抑以見頌祈上帝之恩，為有真矣，敘此以聞。

Tsit本冊有收十三首詩，每首詩有解說；á詩文使用kho͘-á表記。譬如，第一首：上帝創造天kap地 生成萬物逐項會 功勞極大又極深 一世稱呼永不息........。其讀法用羅馬拼音白話字表示，就是 “Siōng-tè tshòng-tsō thiⁿ kap tuē（m̄是 “thien i te”) siⁿ-tsiâⁿ（m̄是 “sing-sîng”） bān-mi̍h（m̄是bu̍t）ta̍k hāng ē ; kong-lô ki̍k tuā iū ki̍k tshim it-sì tshing-ho͘ íng bô suah（m̄是sik）.....。

Tsit本此冊作者無具名，但偉烈亞力（Alexander Wylie）認為是屬倫敦宣道會ê養為霖（William Yo͘ng）所編。養ti71844~1854年間bat tī廈門宣教，是施約翰（或作施敦力約翰，John Stronats ）ê同工（見Wylie,Memorials. p.66~68）。 Tsit本冊咸豐七年（1857）鐫板，除論敘kap十三首照舊版以外，所加四十五首（to̍h是第14到58首）lóng加題，但無解說；而且表記法使用前例。

後來版tiāⁿ-tiāⁿ有改訂，用「養心神詩」為冊名。我翻查同治十一年（1872）kap同治十四年（1875）福州美華書局本，見原有論敘改為「養心神詩序」，省去原有十三首ê解說，所收ê詩kap咸豐七年版有無仝，á首數為五十九，表記法同。早期台灣教會就是採用「養心神詩」
(華語原載：《台灣教會公報》第1900期 主後1988年7月31日)