《台語荒漠甘泉（漢羅版）》

 | | | 轉寄

閒閒坐

作者 陳清俊 譯 林俊育 漢羅翻寫 2010.12.26

listen
十二月二六(十二月二十六日)

「Lín tsiah-ê 坐(tsē) tsia，thìng 候(hāu) 我(góa) 去(khì) hia 祈禱(kî-tó)。」(馬太(má-thài) 26：36)

Tī 危急(gûi-kip) ê 時(sî)，放(pàng) 人(lâng) 閒閒(êng-êng) 無(bô) tāi-tsì 是(sī) 真(tsin) 困難(khùn-lân) ê 事(sū)。Tī 客西馬尼(Khik-se-má-nî) 園(hn̂g) ê 祈禱(kî-tó)，耶穌(iâ-so͘) 本身(pún-sin) 去(khì) 頭前(thâu-tsêng) 祈禱(kî-tó)，彼得(pí-tet)、雅各(ngá-kok) kap 約翰(iok-hān) tè 伊(i) teh 驚醒(kéng-séng)，伊(i) 將(tsiong) 八個(peh-ê) 學生(ha̍k-sing) 放(pàng) tī 邊(piⁿ) á，閒閒(êng-êng) 無(bô) tāi-tsì。我(góa) 想(siūⁿ) tsiah-ê 學生(ha̍k-sing) 一定(it-tēng) teh 埋怨(bâi-òan)。In 也(iā) 是(sī) tī 園(hn̂g) 裡(nih)，總是(tsóng-sī) 無(bô) 份(hūn) tī 參加(tsham-ka) 園(hn̂g) 內(lāi) 花盆(hue-phûn) ê 栽培(tsai-pôe)、培養(pôe-ióng) ê 工作(kang-tsok)。這(tse) 是(sī) 危機(gûi-ki) ê 時(sî)，是(sī) 極(ke̍k) 緊張(kín-tiuⁿ) ê 時(sî)，竟然(kèng-jiân) 無(bô) hō͘ in 參與(tsham-ú)。

你(lí) 我(góa) 一定(it-tēng) 也(iā) 有(ū) tsit 類(lūi) ê 經驗(king-giām)，感覺(kám-kak) 真(tsin) 失望(sit-bōng)。看(khòaⁿ) tio̍h 一個(tsi̍t-ê) 服事(ho̍k-sāi) 基督(ki-tok) ê 好(hó) 機會(ki-hōe)，有(ū) 人(lâng) 馬上(má-siōng) 受(siū) 派(phài) 去(khì) 工作(kang-tsok)，也(iā) 有(ū) 人(lâng) 受(siū) 訓練(hùn-liān) 準備(tsún-pī) 受(siū) 差遣(tshe-khián)，總是(tsóng-sī) 本身(pún-sin) 是(sī) 被迫(pī-pik) 閒閒(êng-êng) teh 等(tán)，無(bô) 做(tsòe) 甚麼(sím-mi̍h)。可能(khó-lêng) 是(sī) 當(tng) teh 破病(phòa-pīⁿ)，可能(khó-lêng) 是(sī) sàn-tshiah 無(bô) 力(la̍t) thang 做(tsòe)，也(iā) 可能(khó-lêng) 是(sī) 受(siū) 可怕(khó-phàⁿ) ê 侮辱(bú-jio̍k)。不管(put-kóan) án-tsuáⁿ，你(lí) 無(bô) 份(hūn) tī 這(tse) 工程(kang-thêng)，你(lí) buē 明白(bêng-pe̍k) 為甚麼(ūi-sím-mi̍h) 受(siū) 排斥(pâi-thik) tī tsit 部分(pō͘-hūn) ê 基督徒(ki-tok-tô͘) 生活(sing-o̍ah) ê 外面(gōa-bīn)。既然(kì-jiân) 你(lí) 是(sī) 進入(tsìn-ji̍p) tī 園(hn̂g) 內(lāi)，為何(ūi-hô) 無(bô) 工(kang) thang 做(tsòe)，是(sī) 真(tsin) 無(bô) 公平(kong-pêng)。

親愛(tshin-ài) ê 朋友(pêng-iú)，心(sim) 安(an) 一下(tsi̍t-ē)，tāi-tsì m̄ 是(sī) 你(lí) 所(só͘) 看(khòaⁿ) ê hit 款(khóan)！你(lí) 並(pēng) 無(bô) 受(siū) 排斥(pâi-thik) tī 任何(jīm-hô) 基督徒(ki-tok-tô͘) 生活(sing-o̍ah)。你(lí) 想(siūⁿ) 上帝(siōng-tè) ê 園(hn̂g) 裡(nih) 只有(tsí-ū) 行(kiâⁿ) kap khiā ê 人(lâng) mah?M̄ 是(sī)，園(hn̂g) 內(lāi) iáu 有(ū) 所在(só͘-tsāi) hō͘ 人(lâng) thang 坐(tsē)。親像(tshin-tshiūⁿ) 英文(ing-bûn) 中(tiong) ê 動詞(tōng-sû)，有(ū) 三(saⁿ) 種(tsióng)，──主動(tsú-tōng)、被動(pī-tōng)，koh 有(ū) 不動(put-tōng)，就是(tsiū-sī) 中性(tiong-sèng) ê。主動(tsú-tōng) ê 人(lâng) 是(sī) tī 戰場(tsiàn-tiûⁿ) 戰鬥(tsiàn-tàu) 到(kàu) 日落(ji̍t-lo̍h)，被動(pī-tōng) ê 人(lâng) teh 觀看(kuan-khòaⁿ)，teh 報告(pò-kò) 戰鬥(tsiàn-tàu) ê 進展(tsìn-tián) ê，不動(put-tōng) ê 人(lâng) 是(sī) 坐(tsē) teh，歇睏(hioh-khùn)，也(iā) teh thìng 候(hāu)，無(bô) 做(tsòe) 甚麼(sím-mi̍h)。

Tsit-ê 情形(tsêng-hêng)，你(lí) m̄-thang 想(siūⁿ) 講(kóng) 你(lí) 奉(hōng) sak tī 一(tsi̍t) 角(kak)。其實(kî-si̍t)，是(sī) 基督(ki-tok) 親身(tshin-sin) 對(tùi) 你(lí) 講(kóng)：「坐(tsē) tī tsia。」你(lí) tī 園(hn̂g) 內(lāi) ê 位(ūi) 是(sī) 上帝(siōng-tè) 特別(te̍k-pia̍t) 留(lâu) ê，m̄-nā 是(sī) teh tng 等(tán) beh án-tsuáⁿ 使用(sú-iōng) ê 所在(só͘-tsāi)。上帝(siōng-tè) 帶(tòa) 世間(sè-kan) 人(lâng)，tsuē-tsuē 人(lâng) 無(bô) 做(tsòe) 偉大(úi-tāi) ê 工程(kang-thêng)，無(bô) 負(hū) 真(tsin) 大(tōa) ê 責任(tsik-jīm)。In ê 工作(kang-tsok) 就是(tsiū-sī)「存在(tsûn-tsāi)」，是(sī) 不動(put-tōng)，是(sī) 中性(tiong-sèng) ê。In 無(bô) 得(tit) tio̍h 大(tōa) 勝利(sèng-lī)，也(iā) 無(bô) 親像(tshin-tshiūⁿ) 彼得(pí-tet)、雅各(ngá-kok)，kap 約翰(iok-hān) 受(siū) 注目(tsù-ba̍k)，只是(tsí-sī) 靜靜(tsēng-tsēng) 坐(tsē) tī 筵席(iân-sia̍h) 中(tiong)。

總是(tsóng-sī) 耶穌(iâ-so͘) 是(sī) 有(ū) 注意(tsù-ì) tio̍h in，tuì in 所(só͘) 發出(huat-tshut) ê 芳味(phang-bī)，in ê 美麗(bí-lē)，伊(i) 就(tsiū) 真(tsin) 歡喜(huaⁿ-hí) 快樂(khòai-lo̍k)。In 生活(sing-o̍ah) 親像(tshin-tshiūⁿ) 谷(kok) 中(tiong) ê 小(sió) 花(hue)，tī 存在(tsûn-tsāi)，可愛(khó-ài) ê 堅持(kian-tshî)，就(tsiū) 滿(móa) 主(tsú) ê 心意(sim-ì)，何必(hô-pit) 加添(ke-thiⁿ) 埋怨(bâi-òan)，huah 不平(put-pêng)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org