《台語荒漠甘泉（漢羅版）》

 | | | 轉寄

信m̄信

作者 陳清俊 譯 林俊育 漢羅翻寫 2011.06.26

listen 六月二六(六月二十六日)

「設使(siat-sú) 有(ū) ê 無(bô) 信(sìn)，就(tsiū) 怎樣(tsáiⁿ-iūⁿ)？In ê 無(bô) 信(sìn) beh 廢無(hòe-bô) 上帝(siōng-tè) ê 信實(sìn-si̍t) mah?」(羅馬(lô-má) 3：3)

我(góa) 想(siūⁿ) 我(góa) 一生(it-sing) ê 每(múi) 一個(tsi̍t-ê) 悲傷(pi-siong) lóng thang 講(kóng) 是(sī) 因為(in-ūi) m̄ 信(sìn) 所(só͘) 致(tì) ê。若是(nā-sī) 我(góa) 相信(siong-sìn)，過去(kè-khì) ê 一切(it-tshè) 受(siū) 赦免(sià-bián)，現今(hiān-kim) 我(góa) 滿滿(móa-móa) 有(ū) 力量(le̍k-liōng)，將來(tsiong-lâi) 滿(móa) 有(ū) 希望(hi-bōng)，án-ni，我(góa) kiám m̄ 是(sī) 時時(sî-sî) 幸福(hēng-hok) 快樂(khòai-lo̍k) mah?

是(sī)，未來(bī-lâi) 是(sī) 燦爛(tshàn-lān) ê，上帝(siōng-tè) 是(sī) 信實(sìn-si̍t) ê。伊(i) ê 真理(tsin-lí) 永(éng) 無(bô) 改變(kái-piàn)，buē 因為(in-ūi) 我(góa) ê 變化(piàn-hòa) 來(lâi) 改變(kái-piàn)。我(góa) m̄ 信(sìn) 伊(i) ê 應允(èng-ún) 來(lâi) 跋倒(po̍ah-tó) ê 時(sî)，伊(i) 也(iā) 無(bô) 搖動(iô-tāng)。伊(i) ê 信實(sìn-si̍t) ná 高高(kôaiⁿ-kôaiⁿ) ê 山(suaⁿ) khiā -tiâu-tiâu，鑽(tsǹg) 到(kàu) 天頂(thiⁿ-téng) hiah 高大(kôan-tōa)，伊(i) ê 地基(tē-ki) lóng 釘(tèng) tī 上帝(siōng-tè) ê 石磐(tsio̍h-pôaⁿ) 頂(téng)，深(tshim)，buē 會(ōe) 測度(tshik-to̍k) ê。

Blanc 山(suaⁿ) 並(pēng) buē 因為(in-ūi) peh 山(suaⁿ) ê 人(lâng) 目睭(ba̍k-tsiu) 花(hue)，á 是(sī) 雲霧(hûn-bū) 就(tsiū) 無去(bô-khì)。──James Smetham

咱(lán) 若(nā) 因為(in-ūi) 無(bô) 信(sìn) 上帝(siōng-tè) ê 應允(èng-ún) suah 失去(sit-khì) 伊(i) ê 祝福(tsiok-hok)，kiám 有(ū) 甚麼(sím-mi̍h) 奇怪(kî-kòai)？並(pēng) m̄ 是(sī) 講(kóng)，若(nā) 有(ū) 信(sìn) 就(tsiū) 一定(it-tēng) 得(tit) tio̍h 上帝(siōng-tè) ê 回答(hôe-tap)，也(iā) m̄ 是(sī) 講(kóng)，咱(lán) ê 努力(ló͘-le̍k) 就(tsiū) 一定(it-tēng) 會(ōe) 得(tit) tio̍h。相信(siong-sìn) 只是(tsí-sī) 必要(pit-iàu) ê 條件(tiâu-kiāⁿ)，上帝(siōng-tè) ia̍h 有(ū) 權(kôan) thang 決定(kuat-tēng) 賞賜(siúⁿ-sù) ê 其他(kî-tha) 條件(tiâu-kiāⁿ)。──Samuel Hart

無(bô) 信(sìn) ê 人(lâng) 一直(it-ti̍t) 問(mn̄g)：「這(tse) án 怎(tsóaⁿ) 可能(khó-lêng)？」無(bô) 信(sìn) ê 人(lâng) 心內(sim-lāi) lóng 是(sī)「án 怎(tsóaⁿ)？」信心(sìn-sim) 只有(tsí-ū) 一個(tsi̍t-ê) 回答(hôe-tap)，雖然(sui-jiân) 有(ū) 千千(tshing-tshing) 萬萬(bān-bān) ê「án 怎(tsóaⁿ)？」一個(tsi̍t-ê) 回答(hôe-tap) 就是(tsiū-sī) 上帝(siōng-tè) 本身(pún-sin)。──C. H. M.

人(lâng) 若(nā) beh 用(ēng) siōng 短(té) ê 祈禱(kî-tó)，來(lâi) 成就(sêng-tsiū) 真(tsin) 大(tōa) ê tāi-tsì，就(tsiū) tio̍h 合(ha̍p) tī 主(tsú) 耶穌(iâ-so͘) 所(só͘) 教示(kà-sī) 咱(lán) ê 祈禱(kî-tó)。只要(tsí-iàu) 有(ū) 一個(tsi̍t-ê) 完全(ôan-tsôan) 信心(sìn-sim) ê 人(lâng) khiā 起來(khí-lâi)，就(tsiū) 會(ōe) 將(tsiong) 世界(sè-kài) ê 歷史(le̍k-sú) 改變(kái-piàn)。

你(lí) 是(sī) m̄ 是(sī) tsit-ê 人(lâng) mah?順(sūn) thàn 父(pē) 上帝(siōng-tè) ê 旨意(tsí-ì) kap 伊(i) ê 指示(tsí-sī)。──A. E. McAdam

無(bô) 信心(sìn-sim) ê 祈禱(kî-tó) 會(ōe) 真(tsin) 緊(kín) 變做(pìⁿ-tsòe) 無(bô) 目的(bo̍k-tik) ê「八股文(pat-kó͘-bûn)」，無(bô) 真心(tsin-sim) ê 虛假(hu-ké)。有(ū) 信心(sìn-sim) ê 祈禱(kî-tó) 會(ōe) 得(tit) tio̍h 上帝(siōng-tè) ê 支持(tsi-tshî) 咱(lán) ê 所(só͘) 求(kiû)。Tī 一生(it-sing) 中(tiong)，ài 先(sing) 了解(liáu-kái) 祈禱(kî-tó) ê 力量(le̍k-liōng)，tsiah 真實(tsin-si̍t) 來(lâi) 祈禱(kî-tó)。真實(tsin-si̍t) ê 祈禱(kî-tó)，有時(ū-sî) 是(sī)「恬恬(tiām-tiām) ê 幾(kúi) 句(kù) 話(ōe)」，koh「天(thiⁿ) kap 地(tōe)」，koh「過去(kè-khì) kap 將來(tsiong-lâi)」講(kóng) “Amen!”就(tsiū) 夠額(kàu-gia̍h)。 這(tse) 是(sī) 主(tsú) 基督教(ki-tok-kàu) 咱(lán) 祈禱(kî-tó) ê 方式(hong-sik)。──P.C.M.

無(bô) 有(ū) tāi-tsì 用(ēng) 祈禱(kî-tó) 達(ta̍t) buē tio̍h ê，除了(tû-liáu) 無(bô) 合(ha̍p) tī 上帝(siōng-tè) ê 旨意(tsí-ì)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org