《台語荒漠甘泉（漢羅版）》

 | | | 轉寄

天賜平安福

作者 陳清俊 譯 林俊育 漢羅翻寫 2012.01.01

listen
正月初一(一月一日)

「獨獨(to̍k-to̍k) lín 所(só͘) beh 入去(ji̍p-khì) 承接(sêng-tsiap) ê 地(tōe)，就是(tsiū-sī) 有(ū) 山(suaⁿ) 有(ū) 谷(kok)，來(lâi) 承受(sêng-siū) 天(thiⁿ) ê 雨水(hō͘-tsúi) ê 地(tōe)，是(sī) 耶和華(iâ-hô-hua)─你(lí) 上帝(siōng-tè) 所(só͘) 眷顧(kòan-kò͘) ê 地(tōe)，tuì 年頭(nî-thâu) 到(kàu) 年尾(nî-bé)，耶和華(iâ-hô-hua)─你(lí) 上帝(siōng-tè) ê 目睭(ba̍k-tsiu) 常常(siông-siông) 看(khòaⁿ) 伊(i)。」(申命記(sin-bēng-kì) 11:11~12)

今(kin)á日(ji̍t) 咱(lán) 行入(kiâⁿ-ji̍p) 新年(sin-nî)，新正(sin-tsiaⁿ)，新(sin) ê 一(tsi̍t) 年(nî) ê 開始(khai-sí)。Tī beh 來(lâi) ê 一(tsi̍t) 年(nî)，是(sī) 好(hó)，是(sī) pháiⁿ；是(sī) 福(hok)，是(sī) 禍(hō)，是(sī) 圓(îⁿ) ê，是(sī) 扁(píⁿ) ê，lóng m̄ 知(tsai)。前途(tsiân-tô͘) 茫茫(bâng-bâng)，無(bô) 人(lâng) 知(tsai) 將來(tsiong-lâi) ê 路(lō͘) 會(oē) tú-tio̍h 甚物(sím-mi̍h) 遭遇(tso-gū)，甚物(sím-mi̍h) 變遷(piàn-tshian)，總是(tsóng-sī) tuì 父(pē) 上帝(siōng-tè) hia 來(lâi) ê 信息(sìn-sit)，siōng uē-thang 做(tsoè) 咱(lán) ê 安慰(an-ùi)，siōng uē-thang 激勵(kik-lē) 咱(lán)。「耶和華(iâ-hô-hua)…眷顧(koàn-kò͘)…Tuì年頭(nî-thâu) 到(kàu) 年尾(nî-bé)…耶和華(iâ-hô-hua) ê 目睭(ba̍k-tsiu) 常常(siông-siông) 眷顧(koàn-kò͘)。「Kui 年(nî) thàng天(thiⁿ)，24 點鐘(tiám-tsing)，暝日(mî-ji̍t) ê 眷顧(koàn-kò͘)。」

咱(lán) ê 生活(sing-ua̍h) ê 必需品(pit-su-phín) lóng thang uá靠(khò) 上帝(siōng-tè)，伊(i) 有(ū) buē 乾去(ta-khì) ê 活泉(ua̍h-tsoâⁿ)，永遠(éng-oán) teh 流(lâu) ê 江河(kang-hô)；伊(i) 有(ū) 豐豐(hong-hong) 富富(hù-hù) ê 恩典(un-tián) kap 慈愛(tsû-ài)。若是(nā-sī) 伊(i) 做(tsoè) 咱(lán) 供給(kiòng-kip) ê 源頭(goân-thâu)，咱(lán) 的確(tik-khak) buē 失望(sit-bōng)。不管(put-koán) 熱(jia̍t)，á是(sī) 亢寒(khòng-hān)，lóng buē hō͘ hit-ê「hō͘ 上帝(siōng-tè) ê 城(siâⁿ) 歡喜(huaⁿ-hí)」(詩篇(si-phian) 46:4)ê 河(hô) 乾去(ta-khì)。

咱(lán) 所(só͘) 得(tit)tio̍h ê，是(sī) 有(ū) 山(suaⁿ)，有(ū)(山(suaⁿ))谷(kok)，m̄ 是(sī) 一片(tsi̍t-phiàn) 平平(pîⁿ-pîⁿ) ê 平(pîⁿ)iûⁿ。假使(ká-sú) 咱(lán) ê 前面(tsêng-bīn) ê 生活(sing-ua̍h) 是(sī) 平平(pêng-pêng) 無(bô) 變化(piàn-hoà)，無(bô) 望(bāng) ê 時(sî)，是(sī) 何等(hô-téng) ê 無味(bô-bī) 無素(bô-sò͘)。咱(lán) 需要(su-iàu) 山(suaⁿ) kap 谷(kok)。山(suaⁿ) 會(oē) hō͘ 雨水(hō͘-tsúi) 流集(lâu-tsi̍p) 到(kàu) 山谷(suaⁿ-kok) 裡(nih)，hō͘ 地(toē) 變(piàn) 肥(pûi) thang 結(kiat) 真(tsin) tsuē ê 果子(ké-tsí)。山(suaⁿ) 對(tùi) 咱(lán) ê 生命(sìⁿ-miā) 也是(iā-sī) án-ni。山(suaⁿ) oh 爬(peh)，山路(suaⁿ-lō͘) pháiⁿ 行(kiâⁿ)，總是(tsóng-sī) 親像(tshin-tshiūⁿ) 山(suaⁿ) hiah 高(koân) ê 艱難(kan-lân) 會(oē) 催逼(tshui-pik) 咱(lán) 親近(tshin-kūn) 到(kàu) 上帝(siōng-tè) ê 面前(bīn-tsêng) 來(lâi) 得(tit)tio̍h 福氣(hok-khì) ê 甘露(kam-lō͘)。咱(lán) 所(só͘) m̄-ài ê 山景(suaⁿ-kéng)，是(sī) 反(hoán)tńg hō͘ 咱(lán) 得(tit) 福氣(hok-khì)。真(tsin) tsuē 人(lâng) 因為(in-ūi) 討厭(thó-ià) 山(suaⁿ) ê 辛苦(sin-khó͘)，貪戀(tham-loân) 平地(pîⁿ-tē) ê 舒適(su-sik)，suah 失去(sit-khì) 活力(ua̍h-le̍k)。當(tng) 受(siū) 風雪(hong-seh) ê 打擊(tá-kik)，就(tsiū) 倒(tó) 落去(lo̍h-khì) tī 平(pîⁿ)iûⁿ 裡(nih)，埋葬(bâi-tsòng) tī 黃金(n̂g-kim) 色(sik) ê 沙(sua) 中(tiong)。上帝(siōng-tè) ê 山(suaⁿ) 是(sī) 做(tsoè) 伊(i) ê 子民(tsú-bîn) ê 保障(pó-tsiòng)。

人生(jîn-sing) ê 失敗(sit-pāi)、憂傷(iu-siong)、試煉(tshì-liān)，對(tùi) 咱(lán) ê 利益(lī-ik)，咱(lán) 現在(hiān-tsāi) m̄ 知(tsai)；咱(lán) 只有(tsí-ū) 信靠(sìn-khò) 天父(thiⁿ-pē)。伊(i) tī 咱(lán) 身邊(sin-piⁿ) 牽(khan) 咱(lán) ê 手(tshiú)，tshuā 咱(lán) 行(kiâⁿ) 一生(it-sing) ê 道路(tō-lō͘)。

新年(sin-nî) 新(sin) 祝福(tsiok-hok)

伊(i) tshuā 咱(lán) 行(kiâⁿ) 生疏(tshiⁿ-so͘) ê 路(lō͘)，
Tshuā 咱(lán) 向前(hiòng-tsêng) 一步(tsi̍t-pō͘) koh 一步(tsi̍t-pō͘)，
有(ū) 軟弱(loán-jio̍k)，有(ū) 跋倒(pua̍h-tó)，
暗(àm)mo͘-mo͘，大(toā) 風雨(hong-hō͘)，
若是(nā-sī) 烏雲(o͘-hûn) 過了(kè-liáu)，
咱(lán) 知(tsai)，伊(i) 猶(iáu) 繼續(kè-sio̍k) tshuā 咱(lán) ê 前途(tsiân-tô͘)。

伊(i) tshuā 咱(lán) 過(kè) 坎坎(kham-kham) 坷坷(khia̍t-khia̍t) ê 年(nî)，
有(ū) ǹg望(bāng)，有(ū) 驚惶(kiaⁿ-hiâⁿ)，有(ū) 僥疑(giâu-gî)，
Koh 失敗(sit-pāi)，koh 憂傷(iu-siong)，烏暗(o͘-àm) 時(sî)，
M̄ 免驚(bián-kiaⁿ)，伊(i) tshuā 咱(lán) 過(kè) 每(múi) 個(ê) 時期(sî-kî)；
咱(lán) 知(tsai)，這(tse) 是(sī) 伊(i) ê 好(hó) 旨意(tsí-ì)，
伊(i) 猶(iáu) 繼續(kè-sio̍k) tshuā 咱(lán) 過(kè) 日子(ji̍t-tsí)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org