《台語荒漠甘泉（漢羅版）》

 | | | 轉寄

我ê恩典夠額你用

作者 陳清俊 譯 林俊育 漢羅翻寫 2012.08.05

listen
八月初五(八月五日)

「有(ū) 我(góa) ê 恩(un)，你(lí) 就(tsiū) 夠 額(kàu-gia̍h)。」 (哥林多(ko-lîm-to) 後(āu) 書(tsu) 12:9)

上 帝(siōng-tè)「歡 喜(huaⁿ-hí)」(哥林多(ko-lîm-to) 前(tsêng) 書(tsu) 1:21)將(tsiong) 我(góa) ê 像(siōng) 細 漢(sòe-hàn) ê kiáⁿ兒(jî) 帶(tòa) 離開(lī-khui) tsit-ê 世界(sè-kài)，tsit-ê 嚴 重(giâm-tiōng) ê 考 驗(khó-giām) hō͘ 我(góa) 真(tsin) 痛 苦(thòng-khó͘)。我(góa) 將(tsiong) 細 細(sòe-sòe) ê 屍體(si-thé) hē 入(ji̍p) tī 墓(bōng) 裡(nih) 以後(í-āu)，tuì 教 堂(kàu-tn̂g) ê 墓 地(bōng-tē) tńg來(lâi) ê 時(sî)，有(ū) 一個(tsi̍t-ê) 力 量(le̍k-liōng) ài 我(góa) ǹg 會 眾(hōe-tsiòng) 宣 講(suan-kóng) 受(siū) 苦 難(khó͘-lān) ê 意義(ì-gī)。

我(góa) 發 見(huat-kiàn) 後(āu) ê 禮拜日(lé-pài-ji̍t) 主 日 學(tsú-ji̍t-o̍h) ê 課題(khò-tê) 是(sī)「我(góa) ê 恩(un)，夠 額(kàu-gia̍h) 你(lí) 用(ēng)」我(góa) 就(tsiū) 用(ēng) 伊(i) 做(tsòe) 題目(tê-ba̍k)，是(sī) 主(tsú) tuì 會 眾(hōe-tsiòng) tuì 我(góa) ê 信息(sìn-sit)。總 是(tsóng-sī) 我(góa) 準 備(tsún-pī) 講(kóng) 章(tsiuⁿ) ê 時(sî)，發 見(huat-kiàn) 我(góa) 並(pēng) 無(bô) 真 正(tsin-tsiàⁿ) tsit 種(tsióng) ê 生 活(sing-ua̍h) 體 驗(thé-giām)。我(góa) 跪落(kūi-lo̍h)，求(kiû) 主(tsú) hō͘ 伊(i) ê 恩 典(un-tián) 對(tùi) 我(góa) 有(ū) 夠 額(kàu-gia̍h) 用(ēng)。我(góa) teh 求(kiû) ê 時(sî)，目 睭(ba̍k-tsiu) phah 開(khui) 一下(tsi̍t-ē) 看(khòaⁿ)，tsit 句(kù) 經 文(king-bûn) 已經(í-king) 裝 框(tsng-khing) 掛(kòa) tī 壁 頂(piah-téng)。是(sī) 我(góa) ê 老母(lāu-bú) 兩(nn̄g) 三(saⁿ) 工(kang) 前(tsêng) hō͘ 我(góa) ê，hit 時(sî) 我(góa) iáu 是(sī) tī 失去(sit-khì) kiáⁿ 度假(tō͘-ká) ê 所 在(só͘-tsāi)，人(lâng) 無(bô) tī 厝 裡(tshù-ni̍h)。我(góa) 請(tshiáⁿ) 人(lâng) kā 伊(i) 掛(kòa) 起來(khí-lâi)，但是(tān-sī) 無(bô) 注意(tsù-ì)tio̍h 頂 面(téng-bīn) ê 字(jī)。Tsit 時(sî) 我(góa) giâ 頭(thâu) 一下(tsi̍t-ē) 看(khòaⁿ)，hiah-ê 字(jī) 就(tsiū) tī 眼 前(gán-tsêng)。「我(góa) ê 恩 典(un-tián) 是(sī) 夠 額(kàu-gia̍h) 你(lí) 用(ēng)。」

「是(sī)」是(sī) 用(ēng) 明 顯(bêng-hián) ê 綠 色(le̍k-sik) 寫(siá)，「我(góa) ê」kap「你(lí)」koh 用(ēng) 另 外(lēng-gōa) 一(tsi̍t) 色(sik) 標(piau) 出 來(tshut-lâi)。有(ū) 一個(tsi̍t-ê) 信息(sìn-sit) 馬 上(má-siōng) 入(ji̍p) 我(góa) ê 心 靈(sim-lêng) 內(lāi)，ná 親 像(tshin-tshiūⁿ) 責 備(tsik-pī) 我(góa) 為甚麼(ūi-sím-mi̍h) 要求(iau-kiû) 主(tsú)「hō͘ 你(lí) ê 恩 典(un-tián) 夠 額(kàu-gia̍h) 我(góa) 用(ēng)」，我(góa) 差 不 多(tsha-put-to) thang 聽 見(thiaⁿ-kìⁿ) 伊(i) ê 答 覆(tap-hok)：「你(lí) thài 會(ōe) 要求(iau-kiû) 已經(í-king)『是(sī)』ê 物 件(mi̍h-kiāⁿ) neh?」我(góa) buē hō͘ 我(góa) ê 恩 典(un-tián) 比(pí) 我(góa) 已經(í-king) hō͘ 你(lí) ê khah 充 足(tshiong-tsiok)。起來(khí-lâi)，信(sìn) 伊(i)。你(lí) 能(ōe) 發 現(huat-hiān) 這(tse) 是(sī) 真 真(tsin-tsin) 實實(si̍t-si̍t) ê 生 活(sing-ua̍h) 經 驗(king-giām)。

主(tsú) ê 話(ōe) 講(kóng) 得(tit) 真(tsin) 簡 單(kán-tan)，「我(góa) ê 恩 典(un-tián) 是(sī)，(m̄ 是(sī) 將 來(tsiong-lâi)，á是(sī) 可 能(khó-lêng))，夠 額(kàu-gia̍h) 你(lí) 用(ēng)」，hit 時(sî) 起(khí)，「我(góa) ê」「你(lí)」kap「是(sī)」tsit 三(saⁿ) 字(jī) 就(tsiū) 永 遠(éng-oán) 刻(khik) tī 我(góa) ê 心內(sim-lāi)，buē 無去(bô-khì)。感 謝(kám-siā) 主(tsú)，tuì hit 工(kang) 起(khí)，我(góa) 一直(it-ti̍t) 努力(ló͘-le̍k) 生 活(sing-ua̍h) tī hit-ê 真理(tsin-lí) ê 實 在(si̍t-tsāi) 裡(nih)。

Tsit-ê 經 驗(king-giām) hō͘ 我(góa) kap 我(góa) 所(só͘) 想(siūⁿ) beh 傳 達(thoân-ta̍t) hō͘ 人(lâng) ê 教示(kà-sī) 是(sī)：莫 得(bo̍h-tit) 將(tsiong) 上 帝(siōng-tè) 已經(í-king) 實 行(si̍t-hêng) ê 事(sū) iáu teh 希 望(hi-bōng)，iáu teh 求(kiû)，應 該(ing-kai) 爽 爽(sóng-sóng) 快快(khoài-khoài) 接 受(tsiap-siū) tsit-ê 現 實(hiān-si̍t)。你(lí) 就(tsiū) 會(ōe) 發 現(huat-hiān) 只要(tsí-iàu) 你(lí) 相 信(siong-sìn)，上 帝(siōng-tè) ê 恩 典(un-tián) 夠 額(kàu-gia̍h) 你(lí) 用(ēng)。──H.W. Webb Peplue

擔(tàⁿ) ná 重(tāng)，恩 典(un-tián) ná 得(tit) the̍h，
工(kang) lú 做(tsòe)，力 量(le̍k-liōng) lú 加(ke)，
痛 苦(thòng-khó͘) 增 加(tsing-ka)，憐憫(lîn-bín) khah tsuē，
試 煉(tshì-liān) 加倍(ka-pē)，平 安(pêng-an) 也(iā) 加倍(ka-pē)。

當(tng) 忍耐(jím-nāi) 到(kàu) 限度(hān-tō͘)，buē 擋(tòng)，
當(tng) 力 量(le̍k-liōng) 半(pòaⁿ) 工(kang) 就(tsiū) 無(bô) 路 用(lō͘-iōng)，
當(tng) 所有(só͘-ū) 資 源(tsu-goân) 用(ēng) 到(kàu) 盡(tsīn)pōng，
天父(thiⁿ-pē) 豐 富(hong-hù) ê 賞 賜(siúⁿ-sù) tsiah 開始(khai-sí) 行 動(hêng-tōng)。

伊(i) ê 疼(thiàⁿ) 無 限 量(bû-hān-liōng)，koh 有(ū) buē 測 度(tshik-to̍k) ê 恩(un)，
伊(i) 賜(sù) 人(lâng) 無 限(bû-hān) 力 量(le̍k-liōng) 長 長(tn̂g-tn̂g) 久久(kú-kú)，
Tī 耶穌(iâ-so͘) 內(lāi)，無 窮(bû-kiông) ê 豐 富(hong-hù)，
伊(i) 賞 賜(siúⁿ-sù)，koh 賞 賜(siúⁿ-sù)，再(tsài) 賞 賜(siúⁿ-sù)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org