《聖經故事三字詩》

| | || 轉寄

16. Hiàn-tsè .... 獻祭

A-pik-la̍h-hán, sìn-sim tsán,
亞伯拉罕,信心贊,
Bô͘-huān lán, jîn-sing tsān,
模範咱,人生助,
Kè kan-lân, ji̍p tshàn-lān;
過艱難,得燦爛;

Siōng-tè thê, hiàn lâng tsè,
上帝提,獻人祭,
Bô uî-ke̍h, bô tòng-teh,
無違逆,無擋teh,
Má-siōng tsuè, Í-sat tè.
馬上做,以撒隨;

Kiáⁿ mn̄g pē, tshâ kap hé,
子問父,柴佮火,
Lóng hó-sè, tsè-mi̍h neh?
攏好勢,祭物呢?

Siōng-tè uē, pī-pān leh,
上帝會,備辦leh,
Tsin-si̍t uē, khǹg sim-té,
真實話,藏心底,
Sim bîng-pe̍h, oh kái seh,
心明白,難解說,
Tsīng-tsīng peh, bô kóng-uē;
靜靜爬,無講話。

Taⁿ kàu-tè, thia̍p tshâ-pé,
今到地,疊柴把,
Tsiong kiáⁿ hē, to giâ teh,
將子置,刀舉teh,
Tshiú beh hē, thiⁿ tsó͘ pē,
手欲下,天阻父,
Ua̍t sin-thé, khuàⁿ iûⁿ kê,
越身體,看羊夾,
Iûⁿ-ko thè, lâi hiàn-tsè,
羊羔替,來獻祭,
Tsin lân-tê, khó-giām kè.
真難題,考驗過。