《押韻啟應詩篇》

台語押韻啟應詩篇 101

作者 Tīnn Jî-gio̍k

101　　Tāi-pi̍t ê si.

1a　Gúa beh tshiùnn tsû-ài kap kong-pîng ê kua;
　　我 要 唱 慈 愛 及 公 平 的 歌；

1b　　　Iâ-hô-hua ah, gúa beh ǹg Lí tshiùnn o -ló ê kua.
　　　　耶 和 華 啊，我 要 向 你 唱 讚 美 的 歌。

2a　Gúa beh īng tì-hūi kiânn tī ûan-tsûan ê lōo ;
　　我 要 用 智 慧 行 在 完 全 的 路；

2b　　　Lí beh siánn-sî kàu gúa tsia khùann-kòo ?
　　　　你 要 甚 時 到 我 此 看 顧？
　　　　Gúa beh īng tshing-khì ê sim kiânn tī gúa tshù-lāi ê tūe-phoo.　　
　　　　我 要 用 清 氣 的 心 行 在 我 厝 內 的 地 鋪。

3a　Siâ-phiah ê sū , gúa lóng m̄ pâi tī gúa ê ba̍k-tsîng;
　　邪 僻 的 事，我 攏 不 排 在 我 的 目 前；

3b　　　Pūe-tō ê lâng sóo tsùe ê sū, gúa tsin ùan-hūn in ê put-tsìng,
　　　　背 道 的 人 所 做 的 事，我 真 怨 恨 伊 的 不 正，
　　　　m̄-hōo i liâm-tio̍h gúa ê hing-tsîng.
　　　　不 讓 他 黏 著 我 的 胸 前。

4a　Uan-khiau ê sim tik-khak hōo i lī-khui gúa;
　　彎 曲 的 心 的 確 使 它 離 開 我；

4b　　　It -tshè ê pháinn gúa m̄-bat i jūa tūa.
　　　　一 切 的 歹 我 不 識 它 偌 大。

5a　Àm-tiong húi-pòng i ê tshù-pinn--ê ,
　　暗 中 毀 謗 他的 厝 邊 者，

5b　　　Gúa beh bia̍t i ;
　　　　我 要 滅 他；

5c　Ba̍k-tsiu-khoo tūa--ê , sim kiau-ngōo--ê ,
　　目 珠 眶 大 的，心 驕 傲 的，

5d　　　Gúa bô iông-ún i .
　　　　我 無 容 允 他。

6a　Gúa ê ba̍k-tsiu beh khùann kok-lāi sîng-si̍t--ê ,
　　我 的 目 珠 要 看 國 內 誠 實 者，

6b　　　Hōo in kap gúa sann-kap tùa;
　　　　使 伊 與 我 相 與 住；

6c　　Kiânn tī ûan-tsûan ê lōo--ê ,
　　行 在 完 全 的 路 的，

6d　　　I beh ho̍k-sāi gúa.
　　　　他 要 服 侍 我。

7a　Kiânn khúi-tsà ê lâng,
　　行 詭 詐 的 人，

7b　　　Būe-tit-thang tsē gúa ê ke-lāi siū tsun-kìng,
　　　　不 得 通 坐 我 的 家 內 受 尊 敬，

7c　Kóng pe̍h-tsha̍t-ūe ê lâng,　　
　　講 白 賊 話 的 人，

7d　　　Būe-tit-thang khiā-tiâu tī gúa ê ba̍k-tsiu-tsîng.
　　　　不 得 通 khiā 住 在 我 的 目 珠 前。

8a　Ta̍k tsá-khí gúa beh bia̍t-bô kok-lāi ê pháinn-lâng;
　　逐 早 起 我 要 滅 亡 國 內 的 歹 人；

8b　　　Thang tsiong it-tshè tsùe-pháinn ê lâng,
　　　　通 將 一 切 做 歹 的 人，
　　　　tùi Iâ-hô-hua ê siânn tû--khì, kàu khang-khang.
　　　　對 耶 和 華 的 城 除 去，到 空 空 。