《主編e5話》

| | || 轉寄

稿件徵求

信望愛資訊中心ê台語信望愛,以網路福音工作kap推廣台語文為職志,過去兩年來,咱使用兄弟姊妹奉獻ê文字,tī網路頂面利用各種管道kap無仝款ê表現方式,將基督信仰kap台語文工具等資訊傳達hōo廣大ê網路族群。阮期待您ê參與,奉獻文字,透過網路傳達主愛kap台語文福音,歡迎您將作品寄hōo阮!

  信望愛資訊中心ê台語信望愛目前iáu是一個以義工型態為主ê組織。阮歡迎您來函,見證故事、心路歷程、雋永小品,甚至是針對某一主題ê研究報告、趨勢分析,或是時事ê看法剖析,lóng歡迎您提供hōo阮!咱目前暫m̄收新詩類文章。

  必須向您說明ê是,因為信望愛目前iáu是義工組織,所有ê技術、人力、專線費用、硬體費用、lóng是大家奉獻ê。所以對tī來稿文章阮mā無提供任何稿費,希望您tī投稿tsìn前瞭解信望愛ê狀況。

  來函作品kap著作權lóng是屬tī您家己,tī您來函投稿ê時,信望愛將視同您同意阮使用kap傳達ê權利(包括製作成網頁、tī網路頂面以信望愛資訊中心台語信望愛名義傳達);您mā可以先將文章投稿到其他平面媒體thàn取稿費,了後koh再將文章hōo阮刊登。

  請您來phue同時附上您ê資料:姓名、Email address、您ê身分(職業、學生請寫學校系級,以及您ê教會/服務單位)。請您hōo阮知影您ê真實姓名kap身分;到tī刊載tī網路kap網站上ê時,您ê身分kap名字,tī tī您願意hōo網站讀者知影您juā-tsē資料,您可以選擇以筆名發表,甚至完全無hōo讀者知影您ê身分;若您無願意別人hōo您回應,可以選擇不列出 Email address。

  歡迎您以 Email kap阮連絡!期待您ê投稿,參與網路音工作!