《台語荒漠甘泉（漢羅版）》

 | | | 轉寄

風颱雨後

作者 陳清俊 譯 林俊育 漢羅翻寫 2009.11.29

listen 十一月二九(十一月二十九日)

「若是(nā-sī) 後來(āu-lâi)，就(tsiū) tī...」(希伯來12：11)

傳說(thoân-suat) 講(kóng)，德國(Tik-kok) 有(ū) 一個(tsi̍t-ê) 城壘(siâⁿ-luí) 建(kiàn) tī Lâi-in (Rhine)河邊(hô-piⁿ)，城堡(siâⁿ-pó) ê 主人(tsú-lâng) tī 城樓(siâⁿ-lâu) kap 城樓(siâⁿ-lâu) ê 中間(tiong-kan) 牽(khan) 鐵線(thih-soàⁿ)，當做(tòng-tsoè) khiā 風琴(hong-khîm)，當(tng) 風(hong) 吹(tshe) 過(kè) 鐵線絲(thih-soàⁿ-si) ê 時(sî)，會(oē) 發(huat) 出(tshut) 真(tsin) suí ê 音樂(im-ga̍k)。總是(tsóng-sī) 若是(nā-sī) 風(hong) 輕輕(khin-khin) á 吹(tshe)，小(sió) 風(hong) 就(tsiū) 聽(thiaⁿ) buē-tio̍h 音樂(im-ga̍k) ê 聲(siaⁿ)。

有(ū) 一(tsi̍t) 暝(mî)，起(khí) 暴風(po̍k-hong)，城堡(siâⁿ-pó) ê 小(sió) 山(suaⁿ) 受(siū) 真(tsin) 大(toā) ê 風力(hong-la̍t)。主人(tsú-lâng) 行(kiâⁿ) 到(kàu) 門口(mn̂g-kháu)，見(kìⁿ) tio̍h 可怕(khó-phàⁿ) ê 風(hong)，風聲(hong-siaⁿ) hù-hù 叫(kiò)，卻(khiok) 也(iā) 聽(thiaⁿ) 能(oē) tio̍h khiā 風琴(hong-khîm) ê 聲音(siaⁿ-im)，hit-ê 音樂(im-ga̍k) 連(liân) 暴風(po̍k-hong) ê 聲(siaⁿ) 也(iā) 蓋(khàm) 伊(i) buē-tiâu。原來(goân-lâi) 暴風雨(pō-hong-ú) tsiah 會(oē) 發(huat) 一個(tsi̍t-ê) 真(tsin) 大(toā) koh 特別(te̍k-pia̍t) ê 音樂(im-ga̍k)。

咱(lán) kiám m̄ 是(sī) 聽過(thiaⁿ-kè)，人(lâng) tī 平順(pêng-sūn) ê 時(sî) 真(tsin) oh 產生(sán-sing) 好(hó) 聽(thiaⁿ) ê 音樂(im-ga̍k)。但是(tān-sī) 當(tng) 暴風雨(pō-hong-ú) 打擊(tá-kik) tio̍h in ê 性命(sìⁿ-miā)，所(só͘) 奏(tsàu) 出來(tshut-lâi) ê 音樂(im-ga̍k) 是(sī) 響亮(hiáng-liāng)、美妙(bí-miāu)，會(oē) hō͘ 人(lâng) tio̍h 一(tsi̍t) 驚(kiaⁿ) mah？

雨(hō͘)，雨(hō͘)，外面(goā-bīn) 落(lo̍h) 雨(hō͘) 一(tsi̍t) 大片(toā-phìⁿ)，
天烏(thiⁿ-o͘) 地暗(tē-àm) teh 落(lo̍h)，為甚麼(uī-sím-mi̍h)？
花(hue)，花(hue)，雨(hō͘) 後(āu) ta̍k 位(uī) 開花(khui-hue)，新鮮(sin-sian) 美麗(bí-lē) 好(hó) 看(khoàⁿ)，
上帝(siōng-tè) 回答(hoê-tap) 落(lo̍h) 雨(hō͘) ê 因端(in-tuaⁿ)。

你(lí) thang uá 靠(khò) 上帝(siōng-tè)，hō͘ 困難(khùn-lân) ê 「尾後(bé-āu)」比(pí) 現在(hiān-tsāi) 豐富(hong-hù)，美好(bí-hó) 千(tshing) 倍(pē)，若是(nā-sī) 咱(lán) 能(oē) 正確(tsèng-khak) 克服(khik-ho̍k) 困難(khùn-lân)。「見若(kìⁿ-nā) 警戒(kéng-kài) ê 事(sū)，tī 當(tng) 時(sî) 照看(tsiàu-khoàⁿ) m̄ 是(sī) 歡喜(huaⁿ-hí)，是(sī) 憂悶(iu-būn)；若是(nā-sī) 後來(āu-lâi)，就(tsiū) tī hiah-ê tuì 警戒(kéng-kài) 來(lâi) 練達(liān-ta̍t) ê 人(lâng) 結(kiat) 平安(pêng-an) ê 果子(ké-tsí)，就(tsiū) 是(sī) 義(gī) ê 果子(ké-tsí)。」(希伯來12：11)真(tsin) 大(toā) ê 收成(siu-sêng)，成果(sêng-kó)！


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com