《巫義淵台語常用字》

 | | | 轉寄

常用字_29....「下」

作者 巫義淵 2013.01.27

下有四讀音：1.ē (廈) 2.*hā (暇) 3.hē (夏) 4.kē (低)。
這字台文界一般攏用兩個音但定，佮社會言談用四個音、差兩個。第一個音：ē (廈)、是頂的對反，佮量詞。例如：下面，一下。第二個讀音：hā (暇)、是文音，(1).亦是上的對反；低，落去。(2).自謙詞。例如：在下。第三個讀音：hē (夏)、是動詞；表示動作。例如：下手，下毒。第四個讀音：kē (低)、是高的對稱；佮這字「低」共款意思。例如：下金，下層階級。

重點字詞：
【下】1.ē (廈) 2.*hā (暇) 3.hē (夏) 4.kē (低)。
【下旨】[hā -tsí] (夏只)。
【頂下】[tíng-ē ] (戥廈)。
【下層】[kē -tsân] (低殘)。
【下毒】[hē-to̍k] (系獨)。

用例：
越南自從公元前111年被漢武帝佔領以來，至今兩千餘年，其文化背景佮中國一直攏拆開，原因就是使用漢字、講中國話，直到1789年前後，光中皇帝阮文惠，實施新政、發展經濟，【下旨】[hā-tsí]廢除沿用近兩千冬的漢語(中國官語)，改用越南的通俗語言做官語(國語)，總是，中國的勢力佇越南一直攏真大，全國【頂下】[tíng-ē ]的官員，中中國的漢毒有夠深，特別是朝廷的高層，多數攏是親中派，佮台灣目前的情況非常類似。端看1792阮朝，嘉隆帝的大太子“阮景”去法國留學，伊亦是第一位信奉天主教的太子，佇斯當時阮景想欲將歐洲的文明制度，佮革新的工業技術提返去越南施行，來改善國家體質、造福子民，亦獲得國內有識之士佮【下層】[kē-tsân]勞工的大力支持，不過在朝為官者，多數攏是親中派，恐驚引進的新政會影響的既得利益，大聲反對、處處阻撓，講一寡似是而非的理由來欺騙越人，佮最近咱台灣人想欲行入國際社會，受著親中派人士佮既得利益者的阻撓共款，斯當時的親中派人士，尚且在阮景登基之前、【下毒】[hē-to̍k]將伊毒死！扶持小弟阮膽登基。看著越南的過去，想著咱的未來，有智慧的台灣人啊！請你看 ho͘ 明、想 ho͘ 清楚。