《巫義淵台語常用字》

 | | | 轉寄

常用字_40....「雄」

作者 巫義淵 2013.04.14

雄有四个讀音：1.hiong (凶) 2. hiông (融) 3. hîng (衡) 4. hîn (眩)。平常時一般攏知影 一个讀音但定[nā-tiāⁿ]，其實這四个讀音咱攏有咧講有咧用，總是、用歸用，若寫字 佇頂面大家就讀無，這是咱台語的悲哀！更較悲哀的就是真濟人攏無欲尊重先賢，家 己且睬[tshìn-tshái]提一字來鬥，害原本剩一個氣絲仔的台語漢字，復踏入坔田，這 敢是台灣人的劫數咧？第一個讀音：hiong、有兩個含意。(1).偶遇然。例如：雄雄驚 一下[hiong-hiong kiaⁿ-tsi̍t-ē]。(2).趕緊的款式。例：雄 kuí-kuí,雄 pá-pà。第二個讀音： hiông、有兩個含意。(1).公的。例如：雄性[hiông-sìng]。(2).勇壯，勇猛。例如：英 雄[ing-hiông]。第三個讀音：hîng、是形容詞，鴨公的意思。例如：鴨雄仔[ah-hîng-á]。 第四個讀音：hîn、是藥名。例如：雄黃[hîn-hông]。


重點字詞：
【雄】1.hiong (凶) 2. hiông (融) 3. hîng (衡) 4. hîn (眩)。
【雄雄】[hiong-hiong] ( 凶凶)。
【英雄】[ing-hiông] (櫻融)。
【鴨雄】[ah-hîng] (押形)。
【雄黃】[hîn-hông] (眩宏)。

用例：
功利社會的台灣，想欲出頭天就愛會曉投機，【英雄】[ing-hiông]主義的人永遠無出頭的機會，這款情形幾十冬來大家攏看會着的，近幾冬來【雄雄】[hiong-hiong]走一寡講話猶【鴨雄】[ah-hîng]仔聲的少年家，摸着天凊凊[tshìn-tshìn]，不知天地幾斤重，不信邪，講伊有飲【雄黃】[hîn-hông]酒會辟邪，甚麼攏免驚、愛拚才會嬴，終歸尾嘛是無法度來拚嬴功利社會。