《CTT出頭天園地》

 | | | 轉寄

Tâi-uân bú-gí lóng-sī pó..台灣母語攏是寶

作者 Iûⁿ，Tsìn-jū 楊振裕 2006.02.12

br>
Tâi-uân bú-gí lóng-sī pó
台　灣　母　語　攏　是　寶

Guân-tsū、kheh-ka kap hō-ló,
原　住、　客　家　及　河　洛，
Tâi-uân bú-gí lóng-sī pó;

台　灣　母　語　攏　是　寶；
Pîng-tíng、tsun-tiōng saⁿ hia̍p-tsō͘,
平　等、　尊　重　相　協　助，
Bûn-huà huat-iông kiâⁿ tuā-lō͘!
文　化　發　揚　行　大　路！

To-guân tso̍k-kûn Bí-lē-tó,
多　元　族　群　美　麗　島，
Tsu-guân hong-hù lâng o-ló,
資　源　豐　富　人　呵　咾；
Bú-gí tshin-tshiat siōng-kài hó,
母　語　親　切　上　蓋　好，
M̄-thang hō͘ i lâi sit-lo̍h!
毋　通　乎　伊　來　失　落！


Lán ê tsik-jīm tsiâⁿ tshing-tshó,
咱　的　責　任　誠　清　楚，
Kip-kiù bú-gí tio̍h kín tsò;
急　救　母　語　著　緊　做；
Siú-hō͘ Tâi-uân thiàⁿ bú-gí,
守　護　台　灣　疼　母　語，
Thian-king-tē-gī bô tsha-tshò!
天　經　地　義　無　差　錯！



Tâi-uân bú-gí ū-kàu suí,
台　灣　母　語　有　夠　水，
Tshiong-buán tsó͘-sian e tì-huī,
充　滿　祖　先　的　智　慧，
Thiàⁿ-sioh bú-gí thàn tsit sî,
疼　惜　母　語　趁　這　時，
Tshut-la̍t tio̍h khò guá kap lí!
出　力　著　靠　我　和　你！


Gián-kiù tsíng-lí tsia̍p kóng-khí,
研　究　整　理　捷　講　起，
Kha-pō͘ kian-tīng bián huâi-gî!
腳　步　堅　定　免　懷　疑；
Tán-thāi tshun hue muá-muá-sī,
等　待　春　花　滿　滿　是，
Lán tsiah tsò-hué liām kua-si !
咱　才　做　伙　念　歌　詩！