《CTT出頭天園地》

 | | | 轉寄

I-sap 寓言 １

作者 TLH 2007.02.20

1. Gû-tiâu Lāi ê Káu
　Tsi̍t-tsiah káu uī-tio̍h beh tshuē tsi̍t-ê khùn-tiong-tàu ê só͘-tsāi, tsiū thiàu-ji̍p-khì gû-tiâu lāi, tó tī sio-lō sóng-khuài ê tiū-tsháu tui khùn.

　Kuè bô juā-kú, gû ê-po͘ ê khang-khuè tsò-suah, tńg-khì gû-tiâu siūⁿ beh tsia̍h tsháu. Tsit-tsiah káu tng teh hó khùn, khì hō͘ gû tshá--tshéⁿ, tsin siū-khì, tsiū peh-khí-lâi tuì gû it-ti̍t puī. Gû nā kiâⁿ uá, káu tsiū siūⁿ beh kā i kā.

　Tsuè-āu, gû ko͘-put-tsiong tsiū hòng-khì tsia̍h tsháu, uat--tshut--khì. I iân-lō͘ kiâⁿ iân-lō͘ ngāu-ngāu-liām kóng, “Ka-kī khùn bē hó-sè, koh kuài--guá, m̄ hō͘ guá tsia̍h tsháu!”

　Ài, lâng nā bô huat-tō͘ tit-tio̍h buán-tsiok, tshiâng-tsāi lóng ē uàn-thàn pa̍t-lâng!