《CTT出頭天園地》

 | | | 轉寄

I-sap 寓言 19

作者 TLH 2007.06.24

19. Ku kap Lāi-hio̍h

Ū tsi̍t-tsiah ku tsiok siūⁿ beh uāⁿ tsi̍t-ê tuà ê só͘-tsāi, tsiū iau-kiû lāi-hio̍h tshuā i khì tshuē sin-tshù. Ku tap-ìng sū-āu beh hó-hó-á pò-tap--i. Lāi-hio̍h tsiū iōng kha-jiáu kā ku lia̍h-tiâu leh, pue tsiūⁿ thiⁿ sì-kè khì tshuē.

Tī lō͘--ni̍h, in tn̄g-tio̍h tsi̍t-tsiah o͘-a, o͘-a kī lāi-hio̍h kóng, “Ku-bah tsin hó-tsia̍h neh.” “M̄-kú,” lāi-hio̍h ìn kóng, “ku-khak hiah-tīng beh án-tsuáⁿ tsia̍h?” “Giâm-tsio̍h lāi koh tīng, ē-tàng kā ku-khak lòng hō͘ phuà.” Lāi-hio̍h tit-tio̍h tsit-ê àm-sī, tsiū kā ku tuì puàⁿ khong-tiong tàn--lo̍h--khì. Ku-khak lòng-tio̍h giâm-tsio̍h tsiaⁿ-si̍t phuà--khì. Lāi-hio̍h kap o͘-a nn̄g-ê tsiū ún-sim-á tsia̍h tsi̍t-tǹg phong-phài ê ku-bah-tshan.

Tsua̍t-tuì m̄-thang o͘-pe̍h siong-sìn pa̍t-lâng, suî-piān ǹg-bāng lâng pang-tsān.