《赤崁樓ê情phoe》

 | | | 轉寄

Ngē Kut ê Mûikùi ──Siōng Iûⁿ Kûi

作者 Kua Pik'êng 2021.10.17



Ngē kut ê mûikùi

1915 nî ê mn̂gsìⁿ phāng āupiah
Ji̍tpún ping liàmtn̄g Tâioân thâu
Tī lí káu hòe ê simkuaⁿ khut’á
Tâi lo̍h tsi̍t lia̍p hoánkhòng ê tséngtsí
Puh tshut ap bē píⁿ ê

Ngē kut ê mûikùi

Khut tsi̍t khoán tshit gue̍h pòaⁿ ah'á ê hiôngsè
Lí hiòng thóngtītsiá tshiàngtù
Iōng konggī ê pit tsha̍tphòa pe̍hsísat ê kìmkhī
Iōng tsungiâm ê kha tsàmphòa tēng khokkhok ê tshiûⁿûi
Suan tshut ap bē píⁿ ê

Ngē kut ê mûikùi

Khut tsi̍t khoán tshit gue̍h pòaⁿ ah’á ê hiôngsè
Lí hiòng thóngtītsiá tshiàngtù
Iōng konggī ê pit tsha̍tphòa pe̍hsísat ê kìmkhī
Iōng tsungiâm ê kha tsàm phòa tēng khokkhok ê tshiûⁿûi
Suan tshut ap bē píⁿ ê

Ngē kut ê mûikùi

Attn̄g ji̍tôan kî
Tsámtn̄g tshingthian pe̍hji̍t
Tsa̍p saⁿ tiâu thihliān phahtn̄g lí ê tshiúkut
"Ióng!" Sûi thiàu kàu nââu khang
Huah tshut ap bē píⁿ ê

Ngē kut ê mûikùi

Siá tsi̍t phiⁿ la̍k pah gōa jī ê＜ Hôpêng Suangiân ＞
Thàn tsi̍t tǹg tshiaukòe sì tshing kang ê bián tsîⁿ pn̄g
"Tsi̍t jī gō͘ kang, sèkài siōng kôan ê kóhùi"
Lí phiauphiat ê tshùikak
Thò͘ tshut ap bē píⁿ ê

Ngē kut ê mûikùi

Sánpo̍h ê lí thèⁿkhí sánpo̍h ê thiⁿ
Sánpo̍h ê pit kái iōng tîthâu siá si
Ku̍t! Tósū sûi tíntāng
Ku̍t! Tósū sûi se̍hhiòng
Beh tī tshingtshing bānbān tsó͘kong’á tē
Ku̍t tshut tshingtshing bānbān
Ap bē píⁿ ê

Ngē kut ê mûikùi