《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 使徒行傳第八章

作者 巴克禮普世版小組 2014.04.20

掃羅(sò-lô)迫 害(pik-hāi)教 會(kàu-huē)
1 Hit日(ji̍t)，耶路撒 冷(iâ-lō͘-sat-líng)ê教 會(kàu-huē)tú-tio̍h大(tuā)迫 害(pik-hāi)，使徒(sù-tô͘)以外(í-guā)所有(só͘ ū)ê信徒(sìn-tô͘)，lóng四散 去(sì-suàⁿ khì)猶太(iû-thài)kah撒瑪利亞(sat-má-lī-a)ê ta̍k所 在(só͘-tsāi)。2 M̄-koh有(ū)kuá敬 虔(kìng-khiân)ê人(lâng)kā司 提 反(su-thê-huán)埋 葬(bâi-tsòng)，為(uī)tio̍h伊(i)悲 傷(pi-siong)大 聲(tuā-siaⁿ)啼 哭(thî-khàu)。3 Hit時(sî)，掃羅(sò-lô)下 手(hē-tshiú)迫 害(pik-hāi)教 會(kàu-huē)，入去(ji̍p-khì)ta̍k-ê信徒(sìn-tô͘)ê厝(tshù)，無論(bô-lūn)男女(lâm-lí)lóng拖(thua)出 來(tshut-lâi)，kā in送 去(sàng-khì)關 落 監(kuaiⁿ lo̍h-kaⁿ)。

福 音(hok-im)傳 到(thuân-kàu)撒瑪利亞(sat-má-lī-a)
4因為(in-uī)án-ne，hiah-ê四散(sì-suàⁿ)ê人(lâng)，去(khì)ta̍k所 在(só͘-tsāi)傳 福 音(thuân hok-im)ê道理(tō-lí)。5腓力(hui-li̍k)去(khì)撒瑪利亞(sat-má-lī-a)ê城(siâⁿ)，tuì hia ê人(lâng)宣 揚(suan-iông)基督(ki-tok)。6眾 人(tsìng-lâng)聽(thiaⁿ)tio̍h腓力(hui-li̍k)所 講(só͘ kóng)ê話(uē)，koh看(khuàⁿ)tio̍h伊(i)所行(só͘ kiâⁿ)ê神 跡(sîn-jiah)，就 同 心(tsiū tâng-sim)聽(thiaⁿ)腓力(hui-li̍k)ê話(uē)。7因為(in-uī)真(tsin)tsē hō͘邪神(siâ-sîn)附身(hū-sin)，邪神(siâ-sîn)大 聲(tuā-siaⁿ)huah就(tsiū)tuì所(só͘)附身(hū-sin)ê人(lâng)出 去(tshut-khì)。真(tsin)tsē半 遂(piàn-suī).ê、 跛 腳(pái-kha).ê，mā lóng得(tit)tio̍h醫好(i-hó)。8 Hit-ê城(siâⁿ)ê人(lâng)大歡 喜(tuā huaⁿ-hí)。9 M̄-koh有一個(ū tsi̍t-ê)人(lâng)，名 叫(miâ-kiò)西門(se-bûn)，以 前(í-tsîng)bat tī城內(siâⁿ-lāi)行 邪術(kiâⁿ siâ-su̍t)，自 誇(tsū-khua)做 大(tsò tuā)，hō͘撒瑪利亞(sat-má-lī-a)ê人(lâng)tio̍h驚(kiaⁿ)koh奇怪(kî-kuài)；10城內(siâⁿ-lāi)ê人(lâng)大 大(tuā-tuā)細細(sè-sè)專 心(tsuan-sim)聽(thiaⁿ)伊(i)，講(kóng)：「Tsit-ê人(lâng)是(sī)上 主(siōng-tsú)ê權 能(kuân-lîng)，是人(sī lâng)teh講(kóng)ê『大 能 者(tuā-lîng-tsiá)』。」11 In lóng專 心(tsuan-sim)聽(thiaⁿ)伊(i)，是因為(sī in-uī)in到(kàu)taⁿ真 久(tsin-kú)用(īng)邪術(siâ-su̍t)hō͘ in tio̍h驚(kiaⁿ)koh奇怪(kî-kuài)。12 M̄-koh in信(sìn)腓力(hui-li̍k)所 傳(só͘ thuân)ê福 音(hok-im)，論(lūn)上 主(siōng-tsú)ê國度(kok-tō͘)kah耶穌基督(iâ-so͘ ki-tok)ê名(miâ)了 後(liáu-āu)，就有(tsiū-ū)男女(lâm-lí)接(tsiap)受洗禮(siū sé-lé)。13連(liân)西門(se-bûn)家己(ka-kī)mā信(sìn)，伊(i)受洗禮(siū sé-lé)了 後(liáu-āu)就(tsiū)kā腓力(hui-li̍k)tuè tiâu-tiâu。伊(i)看(khuàⁿ)tio̍h腓力(hui-li̍k)所行(só͘ kiâⁿ)ê神 跡(sîn-jiah)kah所做(só͘ tsò)ê大 權 能(tuā kuân-lîng)奇事(kî-sū)，就(tsiū)tio̍h驚(kiaⁿ)koh奇怪(kî-kuài)。14耶路撒 冷(iâ-lō͘-sat-líng)ê使徒(sù-tô͘)聽(thiaⁿ)tio̍h撒瑪利亞(sat-má-lī-a)已經(í-king)接 納(tsiap-la̍p)上 主(siōng-tsú)ê道理(tō-lí)，就 差(tsiū tshe)彼得(pí-tik)kah約 翰(iok-hān)去(khì)in hia。15 In去(khì)到位(kàu-uī)就(tsiū)替(thè)hiah-ê信徒(sìn-tô͘)祈禱(kî-tó)，hō͘ in thang得(tit)tio̍h聖 神(sìng-sîn)充 滿(tshiong-muá)。16因為(in-uī)in tú受洗禮(siū sé-lé)，歸(kui)tī主耶穌(tsú iâ-so͘)ê名(miâ)niā-niā，聖 神(sìng-sîn)Iáu未(buē)臨 到(lîm-kàu)in中 間(tiong-kan)任 何 人(jīm-ho lâng)。17彼得(pí-tik)kah約 翰(iok-hān)kā in huāⁿ手(tshiú)，in就得(tsiū tit)tio̍h聖 神(sìng-sîn)充 滿(tshiong-muá)。18西門(se-bûn)看(khuàⁿ)tio̍h hō͘使徒(sù-tô͘)huāⁿ手(tshiú)lóng得(tit)tio̍h聖 神(sìng-sîn)，就(tsiū)獻(hiàn)錢(tsîⁿ)hō͘ in，19講(kóng)：「請(tshiáⁿ)lín mā將(tsiong)tsit-ê權 能(kuân-lîng)hō͘我(guá)，thang hō͘我(guá)huāⁿ手(tshiú)ê人(lâng)ē-tàng得(tit)tio̍h聖 神(sìng-sîn)。」20 M̄-koh彼得(pí-tik)對伊(tuì i)講(kóng)：「你(lí)ê錢(tsîⁿ)kah你(lí)做(tsò)伙(hué)去(khì)死(sí)，因為(in-uī)你(lí)想 講(siūⁿ-kóng)上 主(siōng-tsú)ê恩賜(un-sù)ē-tàng用(īng)錢(tsîⁿ)來買(lâi bé)！21 Tsit-ê tāi-tsì無(bô)你(lí)ê份(hūn)，kah你(lí)無(bô)關 係(kuan-hē)，因為(in-uī)tī上 主(siōng-tsú)ê面 前(bīn-tsîng)你(lí)ê存 心(tsûn-sim)不 良(put-liông)。22所以(só͘-í)你(lí)tio̍h悔 改(hué-kái)除去(tû-khì)tsit-ê pháiⁿ念 頭(liām-thâu)，求(kiû)主(tsú)看(khuàⁿ)ē-tàng hō͘你(lí)得(tit)tio̍h赦 免(sià-bián)á-bē。23我(guá)看 出(khuàⁿ-tshut)你(lí)心 內(sim-lāi)充 滿(tshiong-muá)貪 心(tham-sim)kah嫉妒(tsi̍t-tò͘)，hō͘邪惡(siâ-ok)綑 縛(khún-pa̍k)。」24西門(se-bûn)應 講(ìn-kóng)：「請 你(tshiáⁿ lí)替 我(thè guá)求(kiû)主(tsú)，hō͘ lín所 講(só͘ kóng)ê tāi-tsì lóng bē臨 到(lîm-kàu)我(guá)。」25彼得(pí-tik)kah約 翰(iok-hān)做 見 證(tsò kiàn-tsìng)來 傳(lâi thuân)主(tsú)ê道理(tō-lí)，然 後(jiân-āu)tńg去(khì)耶路撒 冷(iâ-lō͘-sat-líng)，沿路(iân-lō͘)tī撒瑪利亞 人(sat-má-lī-a-lâng)ê真(tsin)tsē庄 社(tsng-siā)傳 福 音(thuân hok-im)。

腓力(hui-li̍k)Kah Ai-thê-o-pik ê太 監(thài-kàm)
26主(tsú)ê天使(thiⁿ-sài)tuì腓力(hui-li̍k)講(kóng)：「起來(khí-lâi)，ǹg南(lâm)pîng去(khì)，行(kiâⁿ)tuì耶路撒 冷(iâ-lō͘-sat-líng)落去(lo̍h-khì)Ka-sat ê hit條(tiâu)路(lō͘)。」Tsit條(tiâu)是(sī)通 過(thong-kuè)曠 野(khòng-iá)ê路(lō͘)。27腓力(hui-li̍k)起來(khí-lâi)就 出 發(tsiū tshut-huat)。路 中(lō͘-tiong)tú-tio̍h一個(tsi̍t-ê)Ai-thê-o-pik(現 今(hiān-kim)ê衣索匹亞(i-soh-phit-a)) ê太 監(thài-kàm)，就是(tsiū-sī)Ai-thê-o-pik女王(lú-ông)Kan-tāi-ki ê財 務(tsâi-bū)大臣(tāi-sîn)。28 Tsit-ê女王(lú-ông)去(khì)耶路撒 冷(iâ-lō͘-sat-líng)敬 拜(kìng-pài)suah beh tńg去(khì)，坐(tsē)tī車 裡(tshia-ni̍h)teh讀(tha̍k)先知(sian-ti)以賽亞(í-sài-a)ê冊(tsheh)。29聖 神(sìng-sîn)kā腓力(hui-li̍k)講(kóng)：「Tsìn前(tsîng)去(khì)tuè-uá hit台(tâi)馬 車(bé-tshia)。」30腓力(hui-li̍k)走(tsáu)uá去(khì)，聽(thiaⁿ)tio̍h伊(i)teh讀(tha̍k)先知(sian-ti)以賽亞(í-sài-a)ê冊(tsheh)，就 問(tsiū mn̄g)伊(i)講(kóng)：「你(lí)teh讀(tha̍k).ê，你有(lí ū)了 解(liáu-kái)無(bô)？」31太 監(thài-kàm)應 講(ìn-kóng)：「無 人(bô-lâng)kā我(guá)解 說(kái-sueh)，我(guá)ná會(ē)了 解(liáu-kái)？」伊(i)就(tsiū)請(tshiáⁿ)腓力(hui-li̍k)上(siōng)車(tshia)來做(lâi tsò)伙(hué)坐(tsē)。32伊(i)teh讀(tha̍k)ê聖 經(sìng-king)hit段(tuāⁿ)是(sī)：祂(i)親 像(tshin-tshiūⁿ)羊(iûⁿ)hō͘人(lâng)牽 去(khan khì)thâi，親 像(tshin-tshiūⁿ)羊(iûⁿ)á tī剪 毛(tsián-mn̂g)ê人(lâng)面 前(bīn-tsîng)無(bô)出 聲(tshut-siaⁿ)，lóng無(bô)開 嘴(khui-tshuì)。33祂(i)卑微(pi-bî)受(siū)無(bô)公 義(kong-gī)ê審 判(sím-phuàⁿ)，無 人(bô-lâng)替(thè)祂(i)主 持(tsú-tshî)公 道(kong-tō)。啥 人(siáⁿ-lâng)ē-tàng傳 述(thuân-su̍t)祂(i)ê世代(sè-tāi)？因為(in-uī)祂(i)tī地 上(tē-tsiūⁿ)ê活 命(ua̍h-miā)已經(í-king)結 束(kiat-sok)à。」(註(tsù)：賽53：7-8) 34太 監(thài-kàm)應(ìn)腓力(hui-li̍k)講(kóng)：「請 問(tshiáⁿ-mn̄g)，先知(sian-ti)講(kóng)tsit-ê話(uē)是(sī)teh指(tsí)啥 人(siáⁿ-lâng)？是指(sī tsí)家己(ka-kī)á是指(sī tsí)別 人(pa̍t-lâng)？」35腓力(hui-li̍k)就(tsiū)tuì hit段(tuāⁿ)聖 經(sìng-king)開始(khai-sí)，對伊(tuì i)傳(thuân)耶穌(iâ-so͘)ê福 音(hok-im)。36 In tuì hit條(tiâu)路(lō͘)落去(lo̍h-khì)，來到(lâi-kàu)有(ū)水(tsuí)ê所 在(só͘-tsāi)，太 監(thài-kàm)講(kóng)：「你 看(lí khuàⁿ)，tsia有(ū)水(tsuí)，我(guá)kám ē-tàng tī tsia領(niá)受洗禮(siū sé-lé)？」37腓力(hui-li̍k)kā伊(i)講(kóng)：「你(lí)nā全 心(tsuân-sim)信(sìn)就(tsiū)thang領(niá)受洗禮(siū sé-lé)。」伊(i)應 講(ìn-kóng)，「我(guá)信(sìn)耶穌基督(iâ-so͘ ki-tok)是(sī)上 主(siōng-tsú)ê Kiáⁿ。」(註(tsù)：巴克 禮(pa-khik-lé)聖 經(sìng-king)ê抄 本(tshau-pún)無(bô)37節(tseh)。) 38太 監(thài-kàm)就 吩 咐(tsiū huan-hù)停(thîng)車(tshia)。腓力(hui-li̍k)kah太 監(thài-kàm)兩 人(nn̄g-lâng)落 水(lo̍h-tsuí)，腓力(hui-li̍k)就(tsiū)kā伊(i)洗禮(sé-lé)。39 Tuì水 裡(tsuí-ni̍h)起來(khí-lâi)ê時(sî)，上 主(siōng-tsú)ê聖 神(sìng-sîn)將(tsiong)腓力(hui-li̍k)接 去(tsiap-khì)。太 監(thài-kàm)就(tsiū)án-ne無(bô)koh看(khuàⁿ)tio̍h伊(i)，m̄-koh iáu是(sī)歡 歡 喜喜(huaⁿ-huaⁿ hí-hí)繼 續(kè-sio̍k)伊(i)ê路 程(lō͘-thîng)。40後來(āu-lâi)有人(ū lâng)tī A-só-to͘看(khuàⁿ)tio̍h腓力(hui-li̍k)，伊(i)沿路(iân-lō͘)ta̍k-ê城 市(siâⁿ-tshī)傳 福 音(thuân hok-im)，直到(ti̍t-kàu)該撒利亞(kai-sat-lī-a)。