巴克禮普世版（試讀本） 使徒行傳第十三章
聖 神指 派巴拿巴kah掃羅
1 Tī安提阿ê教 會有幾nā個先知kah教師，就是巴拿巴，kah叫 做Nî-kiate5西 面，古利奈 人Lō͘-kiû，kah分 封ê君 王希律做伙大 漢ê Má-liām，以及掃羅。2 In teh敬 拜主禁 食ê時，聖 神講：「Tio̍h為我差 派巴拿巴kah掃羅，去 做我呼 召in去 做ê工 作。3 In禁 食祈禱了 後，kā巴拿巴kah掃羅huāⁿ手，差 派in出 去。
Tī居比路
4巴拿巴kah掃羅受 聖 神差 派，就落去Se-liû-ki，tuì hia坐 船去居比路。5 In到Sat-lia̍p-bí，就tī猶 太 人tsiah-ê會 堂傳上 主ê道理，叫 做馬 可ê約 翰mā去kā in幫 忙。6 In行遍全島來到Phàⁿ-hut，tī hia tú-tio̍h一個行 邪術ê人，是猶 太 人ê假先知，名 叫巴耶穌。7伊kah總 督Sū-kiû Pó-lô有交 陪，總 督是聰 明ê人，伊請巴拿巴kah掃羅來，ài-beh對in聽上 主ê道理。8 M̄-koh hit-ê行 邪術ê Í-lū-má(希臘話ê意思就是「行 邪術ê人」)，反 對in兩 人，ài-beh阻 擋總 督接 受tsit-ê信 仰。9 Tsit時掃羅(mā叫 做保羅) hō͘聖 神充 滿，睨hit-ê Í-lū-má，講：10「你tsit-ê魔 鬼á-kiáⁿ，你是一 切公 義ê對敵，充 滿ta̍k種ê詭 譎kah邪惡，ná會ài-beh扭曲主ê真理？11 Taⁿ你 看，主beh kā你刑 罰，你會tsheⁿ-mê，暫 時bē看 見日光。」伊ê目 睭隨時hō͘烏霧罩teh，lóng看 無，四界求人kā伊牽。12總 督看tio̍h所 發 生ê tāi-tsì就 信，對主ê教示感 覺真 奇 怪。
Tī彼西底ê安提阿
13保羅kah同 伴tuì Phàⁿ-hut開 船，到Pông-hui-lī-a ê Pia̍t-ka。叫 做馬 可ê約 翰離開in，tńg去耶路撒 冷。14 In tuì Pia̍t-ka繼 續行，來到彼西底ê安提阿。Tī安息 日，in入去會 堂，坐 落來。15讀摩西ê律 法kah先知ê冊讀了 後，會 堂ê主 管差 人來kā in講：「兄弟 姊 妹ah，lín若有勸 勉大家ê話，請講。」16保羅khiā起來，比手 勢，講：「各位以色列 人kah敬 畏上 主ê眾 人，請聽。17 Tsit-ê以色列 人民ê上 主揀 選咱ê祖 先，tī in寄居埃及ê時，hō͘ in成 做大ê民 族，koh用大 權 能ê手tshuā in出 埃及。18 Koh tī曠 野寬 容in四 十年久。19上 主毀 滅迦南地區七個民 族了 後，就 將hit-ê土地分hō͘ in做產 業，差 不多有四百五 十年久。20 「Tsiah-ê tāi-tsì了 後，上 主為in設立士師，一直到撒母耳做 先知ê時。21後來以色列 人民要求ài有一個王，上 主就 對便 雅 憫支 族選出Ki-sū ê kiáⁿ掃羅，hō͘伊做 王四 十年久。22後來上 主廢掉掃羅ê王位，就 設立大衛做in ê王。關 係大衛，上 主有án-ne講：『我tshuē-tio̍h耶西ê kiáⁿ大衛，伊是合我ê心意，ta̍k項tāi-tsì lóng遵 照我ê旨意。』(註：Tg撒上13：14) 23上 主照祂所應允，tuì大衛ê kiáⁿ孫，kā以色列 人設立一個救 主，就是耶穌。24耶穌來臨以 前，約 翰tāi先對以色列 人傳 道，叫in tio̍h悔 改來領受洗禮。25約 翰teh-beh完 成伊ê工 作ê時，對 眾 人講：『Lín想 講我是啥 人？我m̄是基督，m̄-koh有一位tuè tī我後面beh來.ê，我連kā祂tháu鞋帶都bē堪 得。』26「各位兄弟ah，亞伯 拉罕ê kiáⁿ孫kah lín中 間敬 畏上 主ê人，tsit-ê拯 救ê信息已經有 傳hooī咱à。27因為tuà tī耶路撒 冷ê人kah in ê官 長m̄-bat祂，mā m̄-bat ta̍k-ê安息 日所讀先知ê話，tsiah kā祂定 罪，這tú應 驗先知ê預言。28雖 然in查無kā祂定 死 罪ê理由，iáu-koh要求彼拉多kā祂處 死 刑。29聖 經所記載關 係耶穌ê話完 全應 驗，in就tuì十字架 頂kā祂收 落來，hē tī墓 內。30 M̄-koh上 主hō͘祂tuì死 人 中koh活。31 Tī幾nā日中 間，koh活ê耶穌顯 現hō͘ hiah-ê tuì加利利省kah祂上 耶路撒 冷ê人看 見。Taⁿ tsiah-ê人有對民 眾做耶穌ê見 證 人。32阮 將上 主應允咱祖 先ê福 音傳hō͘ lin，33 因為上 主有hō͘耶穌koh活，tsit-ê已經有對咱tsiah-ê做kiáⁿ孫ê應 驗，tú親 像詩 篇第二篇所記載：祢就是我ê Kiáⁿ，我今á日生祢。』(註：詩2：7) 34關 係hō͘耶穌tuì死 人 中koh活，無koh朽 瀾ê tāi-tsì，上 主有án-ne講：『我beh用大衛聖koh實 在ê恩 典賜hō͘ lín。』(註：賽55：3) 35 Tī詩 篇別篇mā有án-ne講：『你無beh hō͘祢ê聖 者朽 瀾。』(註：詩16：10) 36大衛在 生ê時，有遵 行上 主ê旨意。伊死了 後，埋 葬tī祖 先ê邊á，mā朽 瀾去。37 M̄-koh上 主所hō͘祂koh活ê Hit位無朽 瀾。38所以各位兄弟ah，án-ne lín應 該知，赦 罪ê道理是tuì Tsit位耶穌傳hō͘ lín。39 Lín靠摩西ê律 法，bē-tàng hō͘ lín得tio̍h赦 罪，m̄-koh所有信 靠耶穌ê人lóng會得tio̍h赦 罪。40所以lín tio̍h謹慎，tsiah免 得先知所預言ê臨 到lín。41先知ê話講：『藐視上 主ê人ah，lín tio̍h看，tio̍h驚，來 滅 亡，因為當lín ê世代，我所做ê tāi-tsì，雖 然有人kā lín說 明，lín mā m̄信。」(註：哈1：5) 42保羅kah巴拿巴tuì會 堂出 去ê時，眾 人請in tī koh來ê安息 日來 講tsiah-ê道理hō͘ in聽。43散 會了 後，猶 太 人kah改 宗入猶 太 教敬 虔ê人，真tsē tuè保羅kah巴拿巴出 去。Tsit兩個使徒kah in講 話，勸 勉in tio̍h靠上 主ê恩 典來 生 活。44 Koh落去ê安息 日，全 城ê人lóng聚 集來 聽上 主ê道理。45 M̄-koh猶 太 人看tio̍h人hiah-tsē，就滿 心怨妒，反 駁保羅所 講ê道理，koh kā伊譭 謗。46保羅kah巴拿巴不 管，顛倒koh-khah好膽講：「上 主ê道理先傳hō͘ lín，lín竟 然拒 絕，想 講lín家己bē堪 得得tio̍h永 遠ê活 命，所以阮tsiah轉ǹg外 邦 人。47因為主bat án-ne命 令阮，講：『我 已經設立你做外 邦ê光，Hō͘你將我ê拯 救帶去 到天邊 海 角。』」(註：賽49：6) 48外 邦 人聽tio̍h tsiah-ê話lóng真 歡 喜，o-ló上 主ê道理。所有受 上 主揀 選thang得tio̍h永 遠 活 命ê人，lóng成 做信徒。49就án-ne，主ê道理傳去 到hit地方ê ta̍k所 在。50 M̄-koh猶 太 人煽 動敬 虔尊 貴ê婦人 人kah城內ê頭 人，來迫 害保羅kah巴拿巴，將in趕 出hit所 在。51 In兩 人tī群 眾ê面 前puāⁿ腳底ê土 粉來表示憤 慨，就 去以哥 念。52門徒滿 心歡 喜，koh hō͘聖 神充 滿。
|
|
|
轉寄