《巴克禮普世版聖經「漢羅+Ruby」試讀本》

 | | | 轉寄

第八章

作者 巴克禮普世版小組 2012.02.19

耶穌(iâ-so͘) 醫好(i-hó) 麻 瘋(bâ-hong) 病 人(pēⁿ-lâng) (Mk 1:40-45； Lk 5:12-16)

1 耶穌(iâ-so͘) uì 山 頂(suaⁿ-téng) 落 來(lo̍h-lâi) ê 時(sî)，kui 大(toā) 陣(tīn) 人(lâng) tuè 祂(I)。
2 有(ū) 一個(tsi̍t-ê) 癩 哥(thái-ko) ê 人(lâng) 跪(kūi) 落 去(lo̍h-khì) 祂(I) ê 面前(bīn-tsêng) 講(kóng)：主(tsú) ah，你(lí) 若(nā) 肯(khéng)，就(tsiū) 會(ē) hō͘ 我(goá) 清 氣(tshing-khì)。
3 祂(I) 就(tsiū) 伸 手(tshun-tshiú) 摸(bong) 伊(i) 講(kóng)，我(goá) 肯(khéng)，你(lí) thang 清氣(tshing-khì)；伊(i) ê 癩 哥(thái-ko) liâm-piⁿ 清 氣(tshing-khì)。
4 耶穌(iâ-so͘) koh kā 伊(i) 講(kóng)，tio̍h 謹 慎(kín-sīn) m̄-thang kā 人(lâng) 講(kóng)；只有(tsí-ū) 去(khì)，m̄-koh tio̍h 本 身(pún-sin) hō͘ 祭司(tsè-si) 驗(giām)，也(iā) tio̍h 獻(hiàn) 摩西(mô͘-se) 所(só͘) 吩 咐(huan-hù) ê 禮物(lé-mi̍h)，來(lâi) 做(tsò) 證 據(tsèng-kù) tī 人(lâng)。

耶穌(iâ-so͘) 醫好(i-hó) 軍 官(kun-kuaⁿ) ê 奴 僕(lô͘-po̍k) (Lk 7:1-10)

5 已經(í-king) 入(ji̍p) 迦 百 農(ka-pik-lông)，有(ū) 管(koán) 一 百(tsi̍t-pah) 人(lâng) ê 羅馬(lô-má) 軍 官(kun-kuaⁿ) 來 看(tsiū-kūn) 祂(I)，來(lâi) 求(kiû) 祂(I) 講(kóng)，
6 主(tsú) ah，我(goá) ê 奴 僕(lô͘-po̍k) 半 遂(piàn-sūi)，倒(tó) tī 厝 內(tshù-lāi)，非 常(hui-siông) 艱 苦(kan-khó͘)。
7 耶穌(iâ-so͘) 就(tsiū) kā 伊(i) 講(kóng)，我(goá) 來(lâi) 去(khì) kā 伊(i) 醫治(i-tī)。
8 管(koán) 一 百(tsi̍t-pah) 人(lâng) ê 羅馬(lô-má) 軍 官(kun-kuaⁿ) 應 講(ìn-kóng)，主(tsú) ah，你(lí) 來(lâi) 阮(goán) tau，我(goá) 當(tng) bē 起(khí)；你(lí) kan-taⁿ 講(kóng) 一(tsi̍t) 句(kù) 話(oē)，我(goá) ê 奴 僕(lô͘-po̍k) 就(tsiū) 會(ē) 好(hó)。
9 因為(in-ūi) 我(goá) 也(iā) 是(sī) hō͘ 人(lâng) 管(koán) ê 人(lâng)，也(iā) 有(ū) 兵(ping) hō͘ 我(goá) 管(koán)；kā tsit-ê 講(kóng)：去(khì)，伊(i) 就(tsiū) 去(khì)；kā hit-ê 講(kóng)：來(lâi)，伊(i) 就(tsiū) 來(lâi)；kā 我(goá) ê 奴 僕(lô͘-po̍k) 講(kóng)：行(kiâⁿ) án-ne，伊(i) 就(tsiū) 行(kiâⁿ) án-ne。
10 耶穌(iâ-so͘) 聽(thiaⁿ)tio̍h 就(tsiū) 奇 怪(kî-koài)，kā tuè 祂(I) ê 人(lâng) 講(kóng)：我(goá) 實 在(si̍t-tsāi) kā lín 講(kóng)：親 像(tshin-tshiūⁿ) tsit 種(tsióng) ê 深 信(tshim-sìn)，連(liân) 以 色 列(í-sik-lia̍t) 中(tiong)，我(goá) bē bat tú-tio̍h。
11 我(goá) koh kā lín 講(kóng)：tuì 東(tang) tuì 西(sai)，有(ū) 真(tsin) tsē 人(lâng) bueh 到(kàu)，kap 亞伯 拉罕(a-pik-la̍h-hán)，以撒(í-sat)，雅 各(ngá-kok)，tī 天 國(thian-kok) 作 伙(tsò-hoé) 坐(tsē) 桌(toh)；
12 m̄-koh 國(kok) ê 子民(tsú-bîn) bueh tú-tio̍h 趕 出(koáⁿ-tshut) tī 外 面(goā-bīn) ê 烏暗(o͘-àm)；tī hia bueh 有(ū) 啼 哭(thî-khàu) 咬牙(kā-gê) 切 齒(tshiat-khí)。
13 耶穌(iâ-so͘) 就(tsiū) kā 管(koán) 一 百(tsi̍t-pah) 人(lâng) ê 羅馬(lô-má) 軍 官(kun-kuaⁿ) 講(kóng)：去(khì) ah，照(tsiàu) 你(lí) ê 信(sìn) kā 你(lí) 成(tsiâⁿ)；tú-tú hit 時(sî)，伊(i) ê 奴 僕(lô͘-po̍k) 就(tsiū) 好(hó)。

耶穌(iâ-so͘) 醫好(i-hó) 真(tsin) tsē 病 人(pēⁿ-lâng) (Mk 1:29-34； Lk 4:38-41)

14 耶穌(iâ-so͘) 入(ji̍p) 彼得(pí-tik) ê 厝(tshù)，看(khoàⁿ)tio̍h 伊(i) ê 丈母(tiūⁿ-ḿ)，患(hoān)tio̍h 熱 病(jia̍t-pēⁿ) 倒(tó) teh。
15 就(tsiū) 摸(bong) 伊(i) ê 手(tshiú)，熱(jua̍h) 就(tsiū) 退(thè)；婦 人 人(hū-jîn-lâng) 就(tsiū) 起 來(khí-lâi) 伺 候(su-hāu) 祂(I)。
16 到(kàu) 黃 昏 暗(hông-hun-àm)，有(ū) 人(lâng) tshuā 真(tsin) tsē 患(hoān)tio̍h 鬼(kúi) ê 來 看(tsiū-kūn) 祂(I)；祂(I) 用(ēng) 一(tsi̍t) 句(kù) 話(oē) 趕 出(koáⁿ-tshut) hiah-ê 邪 神(siâ-sîn)；koh 醫好(i-hó) 一 切(it-tshè) 有(ū) 病(pēⁿ) ê 人(lâng)；
17 就 是(tsiū-sī) bueh 應 驗(èng-giām) 先 知(sian-ti) 以賽亞(í-sài-a) 所(só͘) 講(kóng) ê，講(kóng)：祂(I) 本 身(pún-sin) 承 受(sêng-siū) 咱(lán) ê 軟 弱(loán-jio̍k)，擔 當(tam-tng) 咱(lán) ê 病 症(pēⁿ-tsèng)。

做(tsò) 耶穌(iâ-so͘) 門 徒(bûn-tô͘) ê 要 件(iàu-kiāⁿ) (Lk 9:57-62)

18 耶穌(iâ-so͘) 看(khoàⁿ)tio̍h kui 大(toā) 陣(tīn) ê 人(lâng) 圍(ûi) 祂(I)，就(tsiū) 吩 咐(huan-hù) 開 船(khui-tsûn) 過去(kè-khì) hit pîng 岸(hoāⁿ)。
19 有(ū) 一個(tsi̍t-ê) 經 學(king-ha̍k) 教 師(kàu-su) 來(lâi)，kā 祂(I) 講(kóng)，先 生(sian-siⁿ) ah，你(lí) 無 論(bô-lūn) 去(khì) tó位(ūi)，我(goá) lóng bueh tuè 祢(lí)。
20 耶穌(iâ-so͘) 就(tsiū) kā 伊(i) 講(kóng)，狐狸(hô͘-lî) 有(ū) 孔(khang)，空 中(khong-tiong) ê 飛 鳥(pue-tsiáu) 有(ū) siū；只有(tsí-ū) 人 子(jîn-tsú) 無(bô) khuà 頭 殼(thâu-khak) ê 所 在(só͘-tsāi)。
21 Koh 有(ū) 一 個(tsi̍t-ê) 門 徒(bûn-tô͘) kā 祂(I) 講(kóng)，主(tsú) ah，hō͘ 我(goá) 先(sing) tńg去(khì) 埋 葬(bâi-tsòng) 我(goá) ê 老 父(lāu-pē)。
22 M̄-koh 耶穌(iâ-so͘) 應 講(ìn-kóng)：你(lí) tuè 我(goá)，出 在(tshut-tsāi) hiah-ê 心(sim) 死去(sí-khì) ê 人(lâng) 去(khì) 埋 葬(bâi-tsòng) in ê 死 人(sí-lâng)。

耶穌(iâ-so͘) 平 靜(pêng-tsēng) 風 湧(hong-éng) (Mk 4:35-41； Lk 8:22-25)

23 已經(í-king) 上 船(tsiūⁿ-tsûn)，祂(I) ê 門 徒(bûn-tô͘) tuè 祂(I)。
24 忽 然(hut-jiân) 海裡(hái-ni̍h) 起(khí) 大(toā) 風 湧(hong-éng)，致到(tì-kàu) 船(tsûn) hō͘ 湧(éng) 蓋(khàm)；m̄-koh 耶穌(iâ-so͘) teh 睏(khùn)。
25 門 徒(bûn-tô͘) uá去(khì) kā 祂(I) 叫 醒(kiò-tshéⁿ)，講(kóng)：主(tsú) ah，救(kiù) o͘h，bueh 無(bô) 命(miā) lah！
26 祂(I) 就(tsiū) kā in 講(kóng)：小 信(sió-sìn) ê 人(lâng) ah，怎 樣(tsáiⁿ-iūⁿ) hiah 無(bô) 膽(táⁿ)？就(tsiū) 起 來(khí-lâi)，責 備(tsik-pī) 風(hong) kap 海(hái)，風 湧(hong-éng) 就(tsiū) 平 靜(pêng-tsēng)。
27 Hiah-ê 人(lâng) 奇怪(kî-koài) 講(kóng)：tsit-ê 是(sī) 甚 麼(sím-mi̍h) 號(hō) 人(lâng)，連(liân) 風(hong) kap 海(hái) 也(iā) 順(sūn) 祂(I)？

耶穌(iâ-so͘) 醫好(i-hó) 邪 神(siâ-sîn) 附身(hū-sin) ê 人(lâng) (Mk 5:1-20； Lk 8:26-39)

28 已經(í-king) 過去(kè-khì) hit pîng 岸(hoāⁿ)，到(kàu) Ka-tāi-lia̍p人(lâng) ê 地(tē)；有(ū) 患(hoān)tio̍h 鬼(kúi) ê，兩 人(nn̄g-lâng)，tuì 墓(bōng)á埔(po͘) 出 來(tshut-lâi)，tú-tio̍h 祂(I)，勢面(sè-bīn) 狠(hiông)kài-kài；致到(tì-kàu) 無(bô) 人(lâng) 敢(káⁿ) tuì hit 條(tiâu) 路(lō͘) 過(koè)。
29 In 忽 然 間(hut-jiân-kan) 大 聲(toā-siaⁿ) huah 講(kóng)：上 主(siōng-tsú) ê Kiáⁿ ah，阮(goán) kap 祢(lí) 有(ū) 甚 麼(sím-mi̍h) 干 涉(kan-sia̍p)？時(sî) iáu-buē 到(kàu)，祢(lí) 來(lâi) tsia 是(sī) bueh 苦 楚(khó͘-tshó͘) 阮(goán) mah？
30 離(lī) in 遠 遠(hn̄g-hn̄g) 有(ū) 大(toā) 群(kûn) ê 豬(ti) teh 討 食(thó-tsia̍h)；
31 hiah-ê 鬼(kúi) 求(kiû) 祂(I) 講(kóng)，祢(lí) 若(nā) bueh 趕(koáⁿ) 阮(goán)，就(tsiū) hō͘ 阮(goán) 入(ji̍p) 豬(ti) 群(kûn)。
32 祂(I) 就(tsiū) kā in 講(kóng)：去(khì) ah。鬼(kúi) 就(tsiū) 出 來(tshut-lâi)，去(khì) 入(ji̍p) 豬(ti)；忽 然(hut-jiân) 全 群(tsoân-kûn) tsông落(lo̍h) 山 崁(suaⁿ-khàm)，落(lo̍h) 海(hái)，死(sí) tī 水 裡(tsúi-ni̍h)。
33 顧(kò͘) 豬(ti) ê 就(tsiū) 走 入(tsáu-ji̍p) 城(siâⁿ)；將(tsiong) tsiah-ê 事(sū)，kap 患(hoān)tio̍h 鬼(kúi) ê 人(lâng) 所(só͘) tú-tio̍h ê，lóng kā 人(lâng) 講(kóng)。
34 Thong 城(siâⁿ) ê 人(lâng) 出 來(tshut-lâi)，tshuē-tio̍h 耶穌(iâ-so͘)；一下(tsi̍t-ē) 見(kìⁿ)tio̍h，就(tsiū) 求(kiû) 祂(I) 離 開(lī-khui) in ê 地界(tē-kài)。