《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第六章

作者 巴克禮普世版小組 2015.02.08

信徒(sìn-tô͘)中 間(tiong-kan)ê紛 爭(hun-tsing)
1 Lín中 間(tiong-kan)有人(ū lâng)kah人有(lâng ū)糾 紛(kiù-hun)ê時(sî)，ná會(ē)無(bô)tī信徒(sìn-tô͘)ê面 前(bīn-tsîng)求(kiû)解 決(kái-kuat)，卻(khiok)告(kò)去(khì)未信 者(bī-sìn-tsiá)ê法 官(huat-kuaⁿ)？2 Lín kám m̄知(tsai)信徒(sìn-tô͘)beh審 判(sím-phuàⁿ)世間(sè-kan)？既然(kì-jiân)lín beh審 判(sím-phuàⁿ)世間(sè-kan)，kám bē曉(hiáu)審 判(sím-phuàⁿ)小(sió)khuá ê tāi-tsì？3 Lín kám m̄知(tsai)咱(lán)連(liân)天使(thiⁿ-sài)都(to)beh審 判(sím-phuàⁿ)？Tsit世間(sè-kan)日 常(ji̍t-siông)ê tāi-tsì koh-khah免 講(bián-kóng)！4 Tsit款(khuán)tāi-tsì，lín kám thang交(kau)hō͘教 會 外(kàu-huē-guā)ê人(lâng)kā lín判 決(phuàⁿ-kuat)？5我(guá)án-ne講 是(kóng sī)beh hō͘ lín感 覺(kám-kak)見 笑(kiàn-siàu)，lín中 間(tiong-kan)kám無一個(bô tsi̍t-ê)有智慧(ū tì-huī)ê人(lâng)，thang判 斷(phuàⁿ-tuàn)信徒(sìn-tô͘)中 間(tiong-kan)ê糾 紛(kiù-hun)？6竟 然(kìng-jiân)有(ū)信徒(sìn-tô͘)告(kò)信徒(sìn-tô͘)，甚 至(sīm-tsì)告(kò)到(kàu)未信 者(bī-sìn-tsiá)ê面 前(bīn-tsîng)。7其實(kî-si̍t)lín中 間(tiong-kan)有(ū)相告(sio-kò)，已經(í-king)表示(piáu-sī)lín ê大(tuā)失 錯(sit-tshò)。Ná會(ē)m̄寧 可(lîng-khó)hō͘人(lâng)冤 枉(uan-óng)？Ná會(ē)m̄寧 可(lîng-khó)受(siū)刻 虧(khik-khui)？8 M̄-koh lín顛倒(tian-tò)冤 枉(uan-óng)人(lâng)，刻 虧(khik-khui)人(lâng)，甚 至(sīm-tsì)對(tuì)教 會內(kàu-huē-lāi)ê兄弟 姊 妹(hiaⁿ-tī tsí-muē)mā án-ne做(tsò)。9 Lín kám m̄知(tsai)，不義(put-gī)ê人(lâng)bē-tàng做(tsò)上 主 國 度(siōng-tsú kok-tō͘)ê子 民(tsú-bîn)？M̄-thang欺 騙(khi-phiàn)家己(ka-kī)。無論是(bô-lūn sī)淫 亂(îm-luān).ê，拜 偶 像(pài ngó͘-siōng).ê，犯 姦 淫(huān kan-îm).ê，做(tsò)男 娼(lâm-tshiong).ê，好(hó)男 色(lâm-sik).ê，10做 賊(tsò-tsha̍t).ê，貪 心(tham-sim).ê，好 酒(hò͘ⁿ-tsiú).ê，譭 謗(huí-pòng).ê，詐 欺(tsà-khi).ê，lóng bē-tàng做(tsò)上 主 國 度(siōng-tsú kok-tō͘)ê子 民(tsú-bîn)。11 Lín中 間(tiong-kan)以 前(í-tsîng)有人(ū lâng)是(sī)án-ne，m̄-koh uá靠(khò)主(tsú)耶穌基督(iâ-so͘ ki-tok)ê名(miâ)kah咱(lán)ê上 主(siōng-tsú)ê聖 神(sìng-sîn)，lín已經(í-king)洗 清 氣(sé tshing-khì)成 做(tsiâⁿ-tsò)聖 潔(sìng-kiat)，kah上 主(siōng-tsú)有(ū)和合(hô-ha̍p)ê關 係(kuan-hē)。

用(īng)身 軀(sing-khu)榮 光(îng-kng)上 主(siōng-tsú)
12有人(ū lâng)講(kóng)：「Ta̍k項(hāng)tāi-tsì我(guá)lóng thang做(tsò)。」M̄-koh m̄是(sī)ta̍k項(hāng)tāi-tsì lóng有利益(ū lī-ik)。我(guá)mā thang講(kóng)：「Ta̍k項(hāng)tāi-tsì我(guá)lóng thang做(tsò)。」M̄-koh我無(guá bô)beh hō͘任何(jīm-hô)tāi-tsì kā我(guá)控 制(khòng-tsè)。13有人(ū lâng)講(kóng)：「食(tsia̍h)是(sī)為(uī)tio̍h腹肚(pak-tó͘)，腹肚(pak-tó͘)mā是(sī)為(uī)tio̍h食(tsia̍h)。」M̄-koh上 主(siōng-tsú)lóng beh kā tsit兩 項(nn̄g-hāng)毀 壞(huí-huāi)，身 軀(sing-khu)m̄是(sī)為(uī)tio̍h淫 亂(îm-luān)，是(sī)為(uī)tio̍h服 事(ho̍k-sāi)主(tsú)，主(tsú)mā會(ē)供 給(kiong-kip)咱(lán)身 軀(sing-khu)ê需要(su-iàu)。14上 主(siōng-tsú)有(ū)hō͘主(tsú)tuì死(sí)koh活(ua̍h)，mā會用(ē īng)祂(i)ê權 能(kuân-lîng)hō͘咱(lán)koh活(ua̍h)。15 Lín kám m̄知(tsai)，lín ê身 軀(sing-khu)是基督(sī ki-tok)ê肢體(ki-thé)？Án-ne我(guá)kám thang將(tsiong)基督(ki-tok)ê肢體(ki-thé)變 做(piàn-tsò)娼 妓(tshiong-ki)ê肢體(ki-thé)？絕 對(tsua̍t-tuì)m̄-thang。16 Lín kám m̄知(tsai)，kah娼 妓(tshiong-ki)發 生(huat-sing)肉 體(jio̍k-thé)關 係(kuan-hē)，就是(tsiū-sī)kah她(i)成(tsiâⁿ)做 一 體(tsò tsi̍t-thé)？因為(in-uī)聖 經(sìng-king)有講(ū kóng)：兩個(nn̄g-ê)beh成(tsiâⁿ)做 一 體(tsò tsi̍t-thé)。(註(tsù)：創(tshòng)2：2) 17 M̄-koh kah主(tsú)結 合(kiat-ha̍p)ê人(lâng)，就是(tsiū-sī)心 靈(sim-lîng)kah主(tsú)成(tsiâⁿ)做 一 體(tsò tsi̍t-thé)。18 Lín tio̍h閃 避(siám-phiah)淫 亂(îm-luān)，人(lâng)無論(bô-lūn)犯(huān)甚 麼 罪(sím-mi̍h tsuē)lóng bē影 響(íng-hióng)家己(ka-kī)ê身 軀(sing-khu)，m̄-koh犯 姦 淫(huān kan-îm).ê是(sī)犯 罪(huān-tsuē)koh害(hāi)tio̍h家己(ka-kī)ê身 軀(sing-khu)。19 Lín kám m̄知(tsai)，lín ê身 軀(sing-khu)就(tsiū)是聖 神(sī sìng-sîn)ê殿(tiān)？聖 神(sìng-sîn)tiàm-tī lín內面(lāi-bīn)，就是(tsiū-sī)lín tuì上 主(siōng-tsú)所領受(só͘ niá-siū).ê，koh再 講(tsài kóng)：lín m̄是屬(sī sio̍k)家己(ka-kī)，是屬(sī sio̍k)上 主(siōng-tsú)。20因為(in-uī)lín是(sī)祂(i)付 出(hù-tshut)代價(tāi-kè)買來(bé-lâi).ê，所以(só͘-í)tio̍h用(īng)lín ê身 軀(sing-khu)來榮 光(lâi îng-kng)上 主(siōng-tsú)。