《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第十三章

作者 巴克禮普世版小組 2015.03.29

疼 心(thiàⁿ-sim)
1我(guá)若 準(nā-tsún)會曉(ē-hiáu)講(kóng)人(lâng)各 種(kok-tsióng)ê話語(uē-gí)，甚 至(sīm-tsì)天使(thiⁿ-sài)ê音語(im-gí)，若(nā)無 疼 心(bô thiàⁿ-sim)，我(guá)講 話(kóng-uē)to̍h bē輸(su)teh摃(kòng)大鑼(tuā-lô)， á是(sī)teh phah鐃 鈸(lâ-pua̍h)。2我(guá)若 準(nā-tsún)有(ū)傳 福 音(thuân hok-im)ê恩賜(un-sù)，又(iū)koh了 解(liáu-kái)所有(só͘ ū)ê奧妙(ò-biāu)kah智識(tì-sik)，甚 至(sīm-tsì)有(ū)堅 強(kian-kiông)ê信 心(sìn-sim)thang移山倒海(î-san tó-hái)，若(nā)無 疼 心(bô thiàⁿ-sim)，我 就(guá tsiū)lóng無路用(bô-lō͘-īng)。3我(guá)若 將(nā tsiong)所有(só͘ ū)ê財 產(tsâi-sán)the̍h來賑 濟(lâi tsín-tsè)，á是(sī)獻 身(hiàn-sin)軀hō͘火 燒(hué-sio)，若(nā)無 疼 心(bô thiàⁿ-sim)，tsiah-ê tāi-tsì對我(tuì guá)就(tsiū)lóng無利益(bô lī-ik)。4疼 心(thiàⁿ-sim)是(sī)gâu寬 容(khuan-iông)koh慈悲(tsû-pi)，有疼 心(ū thiàⁿ-sim)就(tsiū)bē怨妒(uàn-tò͘)，bē誇 口(khua-kháu)，bē驕 傲(kiau-ngō͘)，5 bē做(tsò)見 笑(kiàn-siàu)ê tāi-tsì，bē求(kiû)家己(ka-kī)ê利益(lī-ik)，bē快 受 氣(khuài siū-khì)，bē拾 恨(khioh-hīn)，6 bē ài不義(put-gī)，只有(tsí-ū)ài真理(tsin-lí)。7疼 心(thiàⁿ-sim)會(ē)包 容(pau-iông)一 切(it-tshè)，對(tuì)ta̍k項(hāng)tāi-tsì lóng有信心(ū sìn-sim)，lóng抱(phō)ǹg望(bāng)，lóng ē-tàng忍 受(jím-siū)。8疼 心(thiàⁿ-sim)永 遠(íng-uán)存 在(tsûn-tsāi)，m̄-koh傳 講(thuân-káng)信息(sìn-sit)ê恩賜(un-sù)是(sī)暫 時(tsiām-sî).ê，hiah-ê講(kóng)靈語(lîng-gí)ê才(tsâi)tiāu會(ē)無去(bô-khì)，智識(tì-sik)mā會(ē)無去(bô-khì)。9因為(in-uī)咱(lán)ê智識(tì-sik)無 完 全(bô uân-tsuân)，傳 講(thuân-káng)上 主(siōng-tsú)信息(sìn-sit)ê才(tsâi)tiāu mā無 完 全(bô uân-tsuân)。10完 全(uân-tsuân)ê若到(nā kàu)，無 完 全(bô uân-tsuân)ê就(tsiū)會消失(ē siau-sit)去(khì)。11我(guá)做(tsò)gín-á ê時(sî)，講 話(kóng-uē)親 像(tshin-tshiūⁿ)gín-á，性(sìng)情(tsîng)親 像(tshin-tshiūⁿ)gín-á，意見(ì-kiàn)親 像(tshin-tshiūⁿ)gín-á。Taⁿ我 已經(guá í-king)大人(tāi-jîn)ā，就 將(tsiū tsiong)gín-á ê tāi-tsì lóng放(pàng)sak。12咱(lán)tsit-má是(sī)對(tuì)鏡(kiàⁿ)teh看(khuàⁿ)，霧霧(bū-bū)無(bô)明(bîng)，m̄-koh到(kàu)hit時(sî)就會(tsiū-ē)當 頭 對面(tng-thâu tuì-bīn)，看(khuàⁿ)kah清 清(tshing-tshing) 楚 楚(tshó-tshó)。我(guá)tsit-má ê智識(tì-sik)無 完 全(bô uân-tsuân)，m̄-koh到(kàu)hit時(sî)就會(tsiū-ē)完 全(uân-tsuân)了 解(liáu-kái)，親 像(tshin-tshiūⁿ)上 主(siōng-tsú)完 全(uân-tsuân)了 解(liáu-kái)我(guá)。13 Án-ne信 心(sìn-sim)、ǹg望(bāng)、疼 心(thiàⁿ-sim)，tsit三 項(saⁿ-hāng)會(ē)永 遠(íng-uán)存 在(tsûn-tsāi)，其 中(kî-tiong)siōng重 要(tiōng-iàu)ê是(sī)疼 心(thiàⁿ-sim)。