《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多後書第四章

作者 巴克禮普世版小組 2015.05.17

磁 甕(huî-àng)á內面(lāi-bīn)ê寶貝(pó-puè)
1既然(kì-jiân)上 主(siōng-tsú)憐 憫 阮(liân-bín guán)，將(tsiong)tsit-ê任務(jīm-bū)交 託(kau-thok)阮(guán)，阮(guán)就 無(tsiū bô)koh餒志(lué-tsì)。2阮(guán)棄(khì)sak隱瞞(ún-muâ)koh見 笑(kiàn-siàu)ê行 為(hîng-uî)，無做(bô tsò)欺 騙(khi-phiàn)人(lâng)ê tāi-tsì，無(bô)歪 曲(uai-khiok)上 主(siōng-tsú)ê道理(tō-lí)，就是(tsiū-sī)tī上 主(siōng-tsú)ê面 前(bīn-tsîng)顯 明(hián-bîng)真理(tsin-lí)，來(lâi)啟 發(khé-huat)ta̍k人(lâng)ê良 心(liông-sim)。3阮(guán)所 傳(só͘ thuân)ê福 音(hok-im)若有(nā ū)遮 蓋(jia-khàm)無(bô)清 楚(tshing-tshó)，只有(tsí-ū)teh-beh沈 淪(tîm-lûn)ê人(lâng)tsiah無(bô)清 楚(tshing-tshó)。4 Tsit世間(sè-kan)ê神 明(sîn-bîng)，hō͘ hiah-ê m̄信(sìn)ê人(lâng)ê心 靈(sim-lîng)tsheⁿ-mê，bē-tàng看 見(khuàⁿ-kìⁿ)福 音(hok-im)ê光(kng)；tsit-ê福 音(hok-im)teh見 證(kiàn-tsìng)榮 光(îng-kng)ê基督(ki-tok)，基督(ki-tok)是(sī)上 主(siōng-tsú)ê形 象(hîng-siōng)。5阮(guán)m̄是(sī)teh傳(thuân)家己(ka-kī)，是(sī)teh傳(thuân)基督耶穌(ki-tok iâ-so͘)是(sī)主(tsú)，阮 家己(guán ka-kī)mā為(uī)tio̍h耶穌(iâ-so͘)ê緣故(iân-kò͘)做(tsò)lín ê奴僕(lô͘-po̍k)。6 Hit-ê命 令(bīng-līng)光(kng)tio̍h tuì烏暗(o͘-àm)照 出來(tsiò-tshut-lâi)ê上 主(siōng-tsú)，就是(tsiū-sī)用(īng)光(kng)照(tsiò)tī咱(lán)ê心 內(sim-lāi)，hō͘咱(lán)認(jīn)bat上 主(siōng-tsú)照(tsiò)tī耶穌基督(iâ-so͘ ki-tok)ê面(bīn)hit-ê榮 光(îng-kng)。7 M̄-koh阮(guán)tsiah-ê有(ū)tsit種(tsióng)屬 靈(sio̍k-lîng)寶貝(pó-puè)ê人(lâng)，tú親 像(tshin-tshiūⁿ)土(thô͘)造(tsō)ê器具(khì-kū)，是(sī)beh表示(piáu-sī)hit-ê極 大(ki̍k-tuā)ê權 能(kuân-lîng)屬(sio̍k)上 主(siōng-tsú)，m̄是屬(sī sio̍k)阮(guán)。8阮(guán)時 常(sî-siông)tú-tio̍h患 難(huān-lān)，m̄-koh無(bô)屈 服(khut-ho̍k)；tú-tio̍h為難(uî-lân)，m̄-koh無(bô)失 望(sit-bōng)；9 tú-tio̍h迫 害(pik-hāi)，m̄-koh無(bô)hō͘上 主(siōng-tsú)放(pàng)sak；受(siū)phah倒(tó)，m̄-koh無(bô)死 亡(sí-bông)；10阮(guán)會死(ē- sí)ê身 軀(sing-khu)常 常(siông-siông)帶(tuà)耶穌(iâ-so͘)ê死(sí)，hō͘耶穌(iâ-so͘)ê活 命(ua̍h-miā)mā thang tī阮(guán)ê身 軀(sing-khu)顯 明(hián-bîng)。11阮(guán)活(ua̍h)tī世間(sè-kan)，為(uī)tio̍h耶穌(iâ-so͘)常 常(siông-siông)tú-tio̍h死(sí)ê危 險(guî-hiám)，thang hō͘耶穌(iâ-so͘)ê活 命(ua̍h-miā)tī阮(guán)會死(ē- sí)ê身 軀(sing-khu)顯 明(hián-bîng)出 來(tshut-lâi)。12 Án-ne，阮(guán)tio̍h定 定(tiāⁿ-tiāⁿ)面對(bīn-tuì)死 亡(sí-bông)，lín卻(khiok)因為(in-uī)án-ne得(tit)tio̍h活 命(ua̍h-miā)。13聖 經(sìng-king)講(kóng)：「我(guá)有信(ū sìn)，所以(só͘-í)我(guá)tsiah講(kóng)。」(註(tsù)：詩(si)116：10[115：1 LXX])根據(kin-kì)tsit款(khuán)信 仰(sìn-gióng)，阮(guán)mā信(sìn)，所以(só͘-í)tsiah án-ne講 出 來(kóng tshut-lâi)。14阮 知(guán tsai)，hō͘主耶穌(tsú iâ-so͘)koh活(ua̍h)ê上 主(siōng-tsú)mā會(ē)hō͘阮(guán)kah耶穌(iâ-so͘)同 齊(tâng-tsê)koh活(ua̍h)，koh會(ē)引(ín)tshuā阮(guán)kah lín做(tsò)伙(hué)khiā tī祂(i)ê面 前(bīn-tsîng)。15這(tse)一 切(it-tshè)lóng是(sī)為(uī)tio̍h lín，beh hō͘ koh-khah tsē人(lâng)得(tit)tio̍h上 主(siōng-tsú)ê恩 典(un-tián)，thang獻(hiàn)koh-khah tsē ê感 謝(kám-siā)來榮 光(lâi îng-kng)上 主(siōng-tsú)。

信 仰(sìn-gióng)ê生 活(sing-ua̍h)
16所以(só͘-í)阮(guán)無(bô)餒志(lué-tsì)，雖 然(sui-jiân)阮(guán)ê肉 體(jio̍k-thé)漸 漸(tsiām-tsiām)teh衰 弱(sue-jio̍k)，m̄-koh阮(guán)ê內心(lāi-sim)日日(ji̍t-ji̍t)teh換新(uāⁿ-sin)。17阮(guán)所受(só͘ siū)暫 時(tsiām-sî)小(sió)khuá ê艱 苦(kan-khó͘)，是(sī)beh hō͘阮(guán)得(tit)tio̍h無(bô)thang比(pí)永 遠(íng-uán)ê大 榮 光(tuā îng-kng)。18阮(guán)所重 視(só͘ tiōng-sī).ê m̄是(sī)看(khuàⁿ)會(ē)tio̍h.ê，是(sī)看(khuàⁿ)bē-tio̍h-.ê，因為(in-uī)看(khuàⁿ)會(ē)tio̍h-.ê是(sī)暫 時(tsiām-sî)，看(khuàⁿ)bē-tio̍h-.ê是(sī)永 遠(íng-uán)。