《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多後書第八章

作者 巴克禮普世版小組 2015.06.14

基督徒(ki-tok-tô͘)ê奉 獻(hōng-hiàn)
1兄弟 姊 妹(hiaⁿ-tī tsí-muē)ah，我(guá)ài lín知(tsai)上 主(siōng-tsú)賜(sù)hō͘馬其頓(má-kî-tùn)各(kok)教 會(kàu-huē)ê恩惠(in-huī)。2 In tuì患 難(huān-lān)經 歷(king-li̍k)真(tsin)tsē考 驗(khó-giām)，iáu-koh滿 心(muá-sim)歡 喜(huaⁿ-hí)；in雖 然(sui-jiân)真(tsin)sàn-tshiah，iáu-koh非 常(hui-siông)khong-khài奉 獻(hōng-hiàn)。3我(guá)ē-tàng kā lín證 明(tsìng-bîng)，in甘 願(kam-guān)盡 力(tsīn-la̍t)奉 獻(hōng-hiàn)，甚 至(sīm-tsì)超 過(tshiau-kuè)in ê力 量(li̍k-liōng)。4 In熱 心(jia̍t-sim)懇 求(khún-kiû)阮(guán)tio̍h hō͘ in有機會(ū ki-huē)，參 與(tsham-ú)救 濟(kiù-tsè)猶太(iû-thài)信徒(sìn-tô͘)ê工 作(kang-tsok)。5 In án-ne做(tsò)m̄-nā超 過(tshiau-kuè)阮(guán)ê期待(kî-thāi)，甚 至(sīm-tsì)順 服(sūn-ho̍k)上 主(siōng-tsú)ê旨意(tsí-ì)，tāi先(sing)將(tsiong)家己(ka-kī)獻(hiàn)hō͘主(tsú)，然 後(jiân-āu)koh獻(hiàn)hō͘阮(guán)。6所以(só͘-í)阮(guán)勸(khǹg)提多(thê-to)繼 續(kè-sio̍k)協 助(hia̍p-tsō͘)lín，來 完 成(lâi uân-sîng)伊(i)提 倡(thê-tshiòng)ê慈 善(tsû-siān)工 作(kang-tsok)。7 Lín ê信 心(sìn-sim)、口 才(kháu-tsâi)、智識(tì-sik)，幫 助(pang-tsō͘)人(lâng)ê熱 心(jia̍t-sim)，以及(í-ki̍p)lín對 阮(tuì guán)ê疼 心(thiàⁿ-sim)lóng hiah-ni̍h豐 富(hong-hù)。阮(guán)ài lín tuì tsit-ê慈 善(tsû-siān)工 作(kang-tsok)mā tio̍h hiah-ni̍h慷 慨(khóng-khài)。8我(guá)án-ne講(kóng)m̄是(sī)teh命 令(bīng-līng)lín，是(sī)ài lín知(tsai)，別 人(pa̍t-lâng)熱 心(jia̍t-sim)teh幫 助(pang-tsō͘)人(lâng)，來 考 驗(lâi khó-giām)lín ê疼 心(thiàⁿ-sim)是(sī)m̄是(sī)實 在(si̍t-tsāi)。9 Lín知(tsai)咱(lán)ê主(tsú)耶穌基督(iâ-so͘ ki-tok)ê恩 典(un-tián)，祂(i)雖 然(sui-jiân)本 來(pún-lâi)真(tsin)富裕(hù-jū)，m̄-koh為(uī)tio̍h lín成 做(tsiâⁿ-tsò)sàn-tshiah，是(sī)beh hō͘ lín tuì祂(i)ê sàn-tshiah來 成 做(lâi tsiâⁿ-tsò)富裕(hù-jū)。10關 係(kuan-hē)tsit項(hāng)tāi-tsì，我(guá)建 議(kiàn-gī)lín tio̍h去(khì)完 成(uân-sîng)舊年(kū-nî)開始(khai-sí)ê募 款(bō͘-khuán)，lín m̄-nā tāi先(sing)行 動(hîng-tōng)，mā是(sī)tāi先(sing)甘 願(kam-guān)án-ne做(tsò)。11 Taⁿ lín tio̍h完 成(uân-sîng)tsit-ê工 作(kang-tsok)，用(īng)起 頭(khí-thâu)ê熱 心(jia̍t-sim)，盡 力(tsīn-la̍t)來(lâi)kā它(i)完 成(uân-sîng)。12 Lín若有(nā ū)奉 獻(hōng-hiàn)ê熱 心(jia̍t-sim)，上 主(siōng-tsú)會(ē)歡 喜(huaⁿ-hí)接 納(tsiap-la̍p)lín所有(só͘ ū)ê，bē要求(iau-kiû)lín所無(só͘ bô)ê。13我(guá)m̄是(sī)ài lín儉 腸(khiām-tn̂g)neh肚(tō͘)來(lâi)hō͘別 人(pa̍t-lâng)khah liōng-siōng，是(sī)ài lín有機會(ū ki-huē)互 相(hō͘-siōng)幫 助(pang-tsō͘)。14既然(kì-jiân)lín tsit-má富裕(hù-jū)，tio̍h賑 濟(tsín-tsè)sàn-tshiah人(lâng)，án-ne lín sàn-tshiah in富裕(hù-jū)ê時(sî)，mā thang kā lín賑 濟(tsín-tsè)，án-ne雙 方(siang-hong)lóng有機會(ū ki-huē)互 相(hō͘-siōng)幫 助(pang-tsō͘)。15 Tú照(tsiàu)聖 經(sìng-king)所記載(só͘ kì-tsài)：拾(khioh)tsē ê無(bô)tshun，拾(khioh)少(tsió)ê無(bô)欠(khiàm)。( 註(tsù)：出(tshut)16：18)

提多(thê-to)Kah伊(i)ê同 工(tâng-kang)
16感 謝(kám-siā)上 主(siōng-tsú)hō͘提多(thê-to)ê心(sim)，親 像(tshin-tshiūⁿ)阮(guán)hiah-ni̍h熱 心(jia̍t-sim)幫 助(pang-tsō͘)lín。17伊(i)m̄-nā歡 喜(huaⁿ-hí)接 受(tsiap-siū)阮(guán)ê懇 求(khún-kiû)，koh熱 心(jia̍t-sim)自 願(tsū-guān)幫 助(pang-tsō͘)lín，決 定(kuat-tīng)beh去(khì)lín hia。18阮(guán)另 外(līng-guā)差 派(tshe-phài)一個(tsi̍t-ê)兄弟(hiaⁿ-tī)kah伊(i)做(tsò)伙(hué)去(khì)，tsit-ê兄弟(hiaⁿ-tī)tī傳 福 音(thuân hok-im)ê工 作 上(kang-tsok siōng)，有受(ū siū)各(kok)教 會(kàu-huē)ê o-ló。19 M̄-nā án-ne，伊(i)受(siū)眾 教 會(tsìng kàu-huē)選(suán)派 來(phài-lâi)做(tsò)阮(guán)旅行(lí-hîng)ê同 伴(tâng-phuāⁿ)，參 與(tsham-ú)阮(guán)tsit項(hāng)慈 善(tsû-siān)工 作(kang-tsok)；tsit-ê工 作(kang-tsok)是(sī)beh歸 榮 光(kui îng-kng)hō͘主(tsú)，mā表示(piáu-sī)阮(guán)歡 喜(huaⁿ-hí)甘 願(kam-guān)án-ne做(tsò)。20阮(guán)真(tsin)謹慎(kín-sīn)來(lâi)處 理(tshú-lí)人(lâng)慷 慨(khóng-khài)奉 獻(hōng-hiàn)ê錢 項(tsîⁿ-hāng)，tsiah免(bián)引起(ín-khí)人(lâng)ê批 評(phue-phîng)。21因為(in-uī)阮(guán)光 明 正 大(kong-bîng tsìng-tāi)teh做 善 事(tsò siān-sū)，m̄-nā tī主(tsú)ê面 前(bīn-tsîng)，tī人(lâng)ê面 前(bīn-tsîng)mā是(sī)án-ne。22所以(só͘-í)阮(guán)koh差 派(tshe-phài)一個(tsi̍t-ê)兄弟(hiaⁿ-tī)kah in做(tsò)伙(hué)去(khì)，tsit-ê兄弟(hiaⁿ-tī)經 過(king-kuè)阮(guán)真(tsin)tsē考 驗(khó-giām)，阮 知(guán tsai)伊(i)熱 心(jia̍t-sim)幫 助(pang-tsō͘)人(lâng)。Taⁿ伊(i)非 常(hui-siông)信 任(sìn-jīm)lín，就(tsiū)koh-khah渴 望(khat-bōng)去(khì)幫 助(pang-tsō͘)lín。23講 到(kóng-kàu)提多(thê-to)，伊是(i sī)我(guá)ê同 伴(tâng-phuāⁿ)，做(tsò)我(guá)ê同 工(tâng-kang)來 幫 助(lâi pang-tsō͘)lín。Kah伊(i)做(tsò)伙(hué)去(khì)hiah-ê兄弟(hiaⁿ-tī)是(sī)各(kok)教 會(kàu-huē)差 派(tshe-phài).ê，是基督(sī ki-tok)ê榮 光(îng-kng)。24所以(só͘-í)lín tio̍h tī教 會(kàu-huē)公 開(kong-khai)證 實(tsìng-si̍t)lín對(tuì)in ê疼 心(thiàⁿ-sim)，mā tio̍h證 實(tsìng-si̍t)阮(guán)對(tuì)lín ê誇 口(khua-kháu)。