《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 以弗所書第二章

作者 巴克禮普世版小組 2015.09.13

出 死(tshut-sí)入 活(ji̍p-ua̍h)
1過 去(kuè-khì)因為(in-uī)lín悖 逆(puē-gi̍k)上 主(siōng-tsú)，靈 性(lîng-sìng)已經(í-king)死去(sí-khì)。2 Hit時(sî)，lín跟(kin)tuè tsit世間(sè-kan)ê pháiⁿ風 俗(hong-sio̍k)teh生 活(sing-ua̍h)，koh順 服(sūn-ho̍k)天 界(thian-kài)ê掌 權 者(tsiáng-kuân-tsiá)，就是(tsiū-sī)tsit-má teh管 轄(kuán-hat)hiah-ê悖 逆(puē-gi̍k)上 主(siōng-tsú)ê人(lâng)hit-ê邪神(siâ-sîn)。3其實(kî-si̍t)阮(guán)以 前(í-tsîng)mā lóng kah tsiah-ê人(lâng)仝 款(kāng-khuán)，順 服(sūn-ho̍k)私慾(su-io̍k)teh生 活(sing-ua̍h)，照 家己(tsiàu ka-kī)肉 體(jio̍k-thé)ê私慾(su-io̍k)kah意念(ì-liām)teh行 踏(kiâⁿ-ta̍h)；阮(guán)kah其他(kî-tha)ê人(lâng)lóng仝 款(kāng-khuán)，註 定(tsù-tiāⁿ)tio̍h受 上 主(siū siōng-tsú)ê刑 罰(hîng-hua̍t)。4 M̄-koh上 主(siōng-tsú)有夠 額(ū kàu-gia̍h)ê憐 憫(liân-bín)，用(īng)極 大(ki̍k-tuā)ê慈愛(tsû-ài)teh疼 咱(thiàⁿ lán)。5當(tng)咱(lán)iáu teh悖 逆(puē-gi̍k)上 主(siōng-tsú)，靈 性(lîng-sìng)已經(í-king)死(sí)ê時(sî)，to̍h hō͘咱(lán)kah基督(ki-tok)同 齊(tâng-tsê)koh活(ua̍h)，咱(lán)tuì上 主(siōng-tsú)ê恩 典(un-tián)來得救(lâi tit-kiù)。6通 過(thong-kuè)咱(lán)kah基督耶穌(ki-tok iâ-so͘)結 聯(kiat-liân)，上 主(siōng-tsú)hō͘咱(lán)kah祂(i)同 齊(tâng-tsê)koh活(ua̍h)，做(tsò)伙(hué)tī天 頂(thiⁿ-tíng)掌 權(tsiáng-kuân)。7 Án-ne是(sī)beh對(tuì)世世代代(sè-sè tāi-tāi)表 明(piáu-bîng)祂(i)夠 額(kàu-gia̍h)ê恩 典(un-tián)，就是(tsiū-sī)通 過(thong-kuè)基督耶穌(ki-tok iâ-so͘)對咱(tuì lán)顯 示(hián-sī)ê慈愛(tsû-ài)。8因為(in-uī)lín是(sī)靠(khò)上 主(siōng-tsú)ê恩 典(un-tián)tuì信(sìn)來得救(lâi tit-kiù)，m̄是(sī)靠(khò)lín家己(ka-kī)，是(sī)靠(khò)上 主(siōng-tsú)ê恩賜(un-sù)。9既然(kì-jiân)m̄是(sī)靠(khò)家己(ka-kī)ê行 踏(kiâⁿ-ta̍h)，就(tsiū)無 甚 麼(bô sím-mi̍h)thang誇 口(khua-kháu)。10因為(in-uī)咱是(lán sī)上 主(siōng-tsú)創 造(tshòng-tsō)ê，祂(i)通 過(thong-kuè)基督耶穌(ki-tok iâ-so͘)來改 造(lâi kái-tsō)咱(lán)，ài咱(lán)行 好事(kiâⁿ hó-sū)，這是(tse sī)上 主(siōng-tsú)早(tsá)to̍h準 備(tsún-pī)ài咱(lán)án-ne去 做(khì tsò)。

Tī基督內(ki-tok lāi)成(tsiâⁿ)做 一 體(tsò tsi̍t-thé)
11所以(só͘-í)lín tsiah-ê出 世(tshut-sì)to̍h是(sī)外 邦 人(guā-pang-lâng).ê，hō͘ hiah-ê叫 做(kiò-tsò)受割禮(siū kat-lé)ê猶 太 人(iû-thài-lâng)，kā lín稱 做(tshing-tsò)無(bô)受割禮(siū kat-lé)；in ê割禮(kat-lé)就是(tsiū-sī)人(lâng)用 手(īng tshiú)tī身 軀(sing-khu)行 割禮(kiâⁿ kat-lé)。12 Hit時(sî)，lín無(bô)kah基督(ki-tok)結 聯(kiat-liân)，無屬(bô sio̍k)上 主(siōng-tsú)ê選 民(suán-bîn)，無份(bô hūn)tī上 主(siōng-tsú)應允(ìng-ún)ê盟 約(bîng-iok)，tī tsit世間(sè-kan)無(bô)ǹg望(bāng)，mā m̄-bat上 主(siōng-tsú)。13 M̄-koh lín tsiah-ê以 前(í-tsîng)離開(lī-khui)上 主(siōng-tsú)遠 遠(hn̄g-hn̄g)ê人(lâng)，tsit-má靠(khò)基督耶穌(ki-tok iâ-so͘)，通 過(thong-kuè)祂(i)ê死(sí)已經(í-king)kah上 主(siōng-tsú)親 近(tshin-kīn)。14因為(in-uī)基督(ki-tok)做(tsò)咱(lán)和 平(hô-pîng)ê源 頭(guân-thâu)，祂(i)用家己(īng ka-kī)ê身 軀(sing-khu)拆 毀(thiah-huí)互 相(hō͘-siōng)對敵(tuì-ti̍k)ê牆(tshiûⁿ)，hō͘猶 太 人(iû-thài-lâng)kah外 邦 人(guā-pang-lâng)合 做(ha̍p-tsò)伙(hué)，15祂(i)廢除(huì-tû)造 成(tsō-tsiâⁿ)彼 此(pí-tshú)冤 仇(uan-siû)ê猶 太 人(iû-thài-lâng)誡 命(kài-bīng)ê律 法(lu̍t-huat)kah規例(kui-lē)，是(sī)beh hō͘雙(siang)pîng通 過(thong-kuè)祂(i)來 創 造(lâi tshòng-tsō)一個(tsi̍t-ê)新(sin)ê人(lâng)，thang和 平(hô-pîng)做(tsò)伙(hué)生 活(sing-ua̍h)。16 Koh通 過(thong-kuè)十字架(si̍p-jī-kè)除去(tû-khì)彼 此(pí-tshú)ê對敵(tuì-ti̍k)，hō͘雙(siang)pîng成(tsiâⁿ)做 一 體(tsò tsi̍t-thé)，thang kah上 主(siōng-tsú)和好(hô-hó)。17 Án-ne基督(ki-tok)來 傳(lâi thuân)和 平(hô-pîng)ê福 音(hok-im)hō͘所有(só͘ ū)ê人(lâng)，包 括(pau-kuat)lín tsiah-ê以 前(í-tsîng)離開(lī-khui)上 主(siōng-tsú)遠 遠(hn̄g-hn̄g)ê外 邦 人(guā-pang-lâng)，kah親 近(tshin-kīn)上 主(siōng-tsú)ê猶 太 人(iû-thài-lâng)。18通 過(thong-kuè)基督(ki-tok)，咱(lán)兩(nn̄g)pîng ê人(lâng)lóng ē-tàng tuì仝 一個(kāng tsi̍t-ê)聖 神(sìng-sîn)來 親 近(lâi tshin-kīn)天父(thiⁿ-pē)。19所以(só͘-í)lín外 邦 人(guā-pang-lâng)無(bô)koh做(tsò)外 面(guā-bīn)ê人(lâng)，m̄是(sī)出 外 人(tshut-guā-lâng)；lín已經(í-king)是(sī)上 主(siōng-tsú)子 民(tsú-bîn)ê同 胞(tông-pau)，做(tsò)上 主(siōng-tsú)家內(ke-lāi)ê人(lâng)。20 Lín kah猶 太 人(iû-thài-lâng)仝 款(kāng-khuán)，起 造(khí-tsō)tī使徒(sù-tô͘)kah先知(sian-ti)ê地基(tē-ki)頂 面(tíng-bīn)，基督耶穌(ki-tok iâ-so͘)家己(ka-kī)mā做(tsò)，厝 角 頭(tshù-kak-thâu)siōng重 要(tiōng-iàu)ê石 基(tsio̍h-ki)。21 Kui個(ê)建 築 物(kiàn-tio̍k-bu̍t)靠(khò)基督(ki-tok)來 結 合(lâi kiat-ha̍p)，互 相(hō͘-siōng)接 連(tsiap-liân)，漸 漸(tsiām-tsiām)擴 展(khok-tián)成 做(tsiâⁿ-tsò)聖 殿(sìng-tiān)來 獻(lâi hiàn)hō͘上 主(siōng-tsú)。22 Uá靠(khò)聖 神(sìng-sîn)ê幫 助(pang-tsō͘)，lín mā做(tsò)伙(hué)受起 造(siū khí-tsō)，來 成 做(lâi tsiâⁿ-tsò)上 主(siōng-tsú)所(só͘)tuà ê所 在(só͘-tsāi)。