《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 以弗所書第三章

作者 巴克禮普世版小組 2015.09.20

保羅(pó-lô)對(tuì)外 邦 人(guā-pang-lâng)傳 福 音(thuân hok-im)
1因為(in-uī)án-ne，我(guá)保羅(pó-lô)，為(uī)tio̍h lín外 邦 人(guā-pang-lâng)做(tsò)基督耶穌(ki-tok iâ-so͘)ê囚 犯(kiû-huān)，替(thè)lín對(tuì)上 主(siōng-tsú)祈求(kî-kiû)。2 Lín一定(it-tīng)有聽(ū thiaⁿ)tio̍h，上 主(siōng-tsú)為(uī)tio̍h lín ê緣故(iân-kò͘)，賞賜(siúⁿ-sù)恩 典(un-tián)hō͘我(guá)tsit-ê職 務(tsit-bū)。3上 主(siōng-tsú)對我(tuì guá)啟示(khé-sī)，hō͘我 知(guá tsai)祂(i)ê奧妙(ò-biāu)。我 已經(guá í-king)有(ū)簡 略(kán-lio̍k)寫(siá)tsit-ê tāi-tsì。4 Lín讀 了(tha̍k-liáu)就(tsiū)會 明 白(ē bîng-pi̍k)我對(guá tuì)基督(ki-tok)奧妙(ò-biāu)ê了 解(liáu-kái)。5 Tī過 去(kuè-khì)ê世代(sè-tāi)，無 人 知(bô-lâng tsai)tsit-ê奧妙(ò-biāu)，tsit-má上 主(siōng-tsú)已經(í-king)通 過(thong-kuè)聖 神(sìng-sîn)，對(tuì)神 聖(sîn-sìng)ê使徒(sù-tô͘)kah先知(sian-ti)啟示(khé-sī)。6就是(tsiū-sī)外 邦 人(guā-pang-lâng)通 過(thong-kuè)基督耶穌(ki-tok iâ-so͘)ê福 音(hok-im)，ē-tàng kah猶 太 人(iû-thài-lâng)仝 款(kāng-khuán)享受 上 主(siū siōng-tsú)ê祝 福(tsiok-hok)，合(ha̍h)做 一 體(tsò tsi̍t-thé)，做(tsò)伙(hué)承受 上 主(siū siōng-tsú)ê應允(ìng-ún)。7上 主(siōng-tsú)賞賜(siúⁿ-sù)我(guá)特 別(ti̍k-pia̍t)ê恩 典(un-tián)，通 過(thong-kuè)祂(i)ê大 權 能(tuā kuân-lîng)，hō͘我(guá)成 做(tsiâⁿ-tsò)傳 福 音(thuân hok-im)ê奴僕(lô͘-po̍k)。8我是(guá sī)眾 信徒(tsìng sìn-tô͘)中 間(tiong-kan)siōng微細(bî-sè).ê，竟 然(kìng-jiân)得(tit)tio̍h tsit-ê恩 典(un-tián)，thang將(tsiong)基督(ki-tok)算(sǹg)bē了(liáu)ê豐 盛(hong-sīng)福 音(hok-im)，傳(thuân)hō͘外 邦 人(guā-pang-lâng)。9 Án-ne thang hō͘眾 人(tsìng-lâng)明 白(bîng-pi̍k)，上 主(siōng-tsú)án怎(tsuáⁿ)實 現(si̍t-hiān)祂(i)ê奧妙(ò-biāu)；創 造(tshòng-tsō)宇宙(ú-tiū)ê上 主(siōng-tsú)tī過 去(kuè-khì)ê世代(sè-tāi)，有 將(ū tsiong)tsit-ê奧妙(ò-biāu)隱密(ún-ba̍t)起來(khí-lâi)。10 Taⁿ beh tī現 今(hiān-kim)ê世代(sè-tāi)通 過(thong-kuè)教 會(kàu-huē)，hō͘天 界(thian-kài)ê執 政 者(tsip-tsìng-tsiá)kah掌 權 者(tsiáng-kuân-tsiá)，lóng知(tsai)上 主(siōng-tsú)ta̍k項(hāng)ê智慧(tì-huī)。11上 主(siōng-tsú)照(tsiàu)祂(i)永 遠(íng-uán)ê旨意(tsí-ì)，已經(í-king)通 過(thong-kuè)咱(lán)ê主(tsú)基督耶穌(ki-tok iâ-so͘)來實 現(lâi si̍t-hiān)。12咱(lán)kah基督(ki-tok)結 聯(kiat-liân)，信 靠(sìn-khò)祂(i)就(tsiū)thang充 滿(tshiong-muá)信 心(sìn-sim)來(lâi)kah上 主(siōng-tsú)親 近(tshin-kīn)。13所以(só͘-í)求(kiû)lín m̄-thang因為(in-uī)我為(guá uī)tio̍h lín受 苦(siū-khó͘)來(lâi)艱 苦 心(kan-khó͘-sim)，其實(kî-si̍t)這是(tse sī)lín ê榮 光(îng-kng)。

基督(ki-tok)ê疼(thiàⁿ)
14因為(in-uī)án-ne，我(guá)跪 落(kuī-lo̍h)tī天父(thiⁿ-pē)ê面 前(bīn-tsîng)，15祂是(i sī)天 頂(thiⁿ-tíng)地 上(tē-tsiūⁿ)每 一個(muí tsi̍t-ê)家 族(ka-tso̍k)ê起 源(khí-guân)。16我對(guá tuì)上 主(siōng-tsú)祈求(kî-kiû)，照(tsiàu)祂(i)豐 盛(hong-sīng)ê榮 光(îng-kng)，通 過(thong-kuè)聖 神(sìng-sîn)賜(sù)lín氣 力(khuì-la̍t)，hō͘ lín心 內(sim-lāi)ê活 命(ua̍h-miā)勇 壯(ióng-tsòng)起來(khí-lâi)。17我(guá)mā求(kiû)基督(ki-tok)，tuì lín ê信(sìn)來(lâi)tuà tī lín ê心 內(sim-lāi)，hō͘ lín ê疼 心(thiàⁿ-sim)ē-tàng釘 根(tìng-kin)來落實(lâi lo̍k-si̍t)，18 hō͘ lín ē-tàng得(tit)tio̍h氣 力(khuì-la̍t)來(lâi)kah上 主(siōng-tsú)所有(só͘ ū)ê子 民(tsú-bîn)，lóng明 白(bîng-pi̍k)基督(ki-tok)ê疼(thiàⁿ)是(sī)juā-ni̍h長(tn̂g)、闊(khuah)、kuân、深(tshim)。19願(guān)lín ē-tàng體 驗(thé-giām)基督(ki-tok)hit種(tsiòng)超 越(tshiau-ua̍t)智識(tì-sik)ē-tàng理解(lí-kái)ê疼(thiàⁿ)，hō͘上 主(siōng-tsú)ê完 善(uân-siān)kā lín完 全(uân-tsuân)充 滿(tshiong-muá)。20上 主(siōng-tsú)ē-tàng tī咱 中 間(lán tiong-kan)運 行(ūn-hîng)祂(i)ê大 權 能(tuā kuân-lîng)，大 大(tuā-tuā)超 過(tshiau-kuè)咱(lán)所求(só͘ kiû)kah所想(só͘ siūⁿ).ê，來 成 就(lâi sîng-tsiū)一 切(it-tshè)。21願(guān)榮 耀(îng-iāu)tī教 會 中(kàu-huē tiong)，通 過(thong-kuè)基督耶穌(ki-tok iâ-so͘)歸(kui)hō͘上 主(siōng-tsú)，直到(ti̍t-kàu) 萬世代(bān-sè-tāi)，代代(tāi-tāi)無 盡(bô-tsīn)。阿們(a-men)。