《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 腓立比書第一章

作者 巴克禮普世版小組 2015.10.18

1我(guá)保羅(pó-lô)kah提摩 太(thê-mô͘-thài)是(sī)基督耶穌(ki-tok iâ-so͘)ê奴僕(lô͘-po̍k)，阮 寫(guán siá)phue hō͘ tuà tī腓立比(hui-li̍p-pí)，hiah-ê kah基督耶穌(ki-tok iâ-so͘)結 聯(kiat-liân)ê所有(só͘-ū)信徒(sìn-tô͘)，以及(í-ki̍p)教 會(kàu-huē)ê監 督(kàm-tok)kah執事(tsip-sū)。2願(guān)咱(lán)ê天父(thiⁿ-pē)上 主(siōng-tsú)kah主(tsú)耶穌基督(iâ-so͘ ki-tok)，賞賜(siúⁿ-sù)lín恩 典(un-tián)kah平 安(pîng-an)！

保羅(pó-lô)為(uī)腓立比(hui-li̍p-pí)ê信徒(sìn-tô͘)祈禱(kî-tó)
3我(guá)ta̍k-pái想(siūⁿ)tio̍h lín ê時(sî)，就(tsiū)感 謝(kám-siā)我(guá)ê上 主(siōng-tsú)。4 Ta̍k-pái為(uī)tio̍h lín大家(tāi-ke)祈禱(kî-tó)ê時(sî)，lóng用(īng)歡 喜(huaⁿ-hí)ê心(sim)祈禱(kî-tó)，5因為(in-uī)lín tuì頭 一 日(thâu tsi̍t-ji̍t)到(kàu)taⁿ，lóng做(tsò)伙(hué)參 與(tsham-ú)宣 揚(suan-iông)福 音(hok-im)ê工 作(kang-tsok)。6我(guá)深 信(tshim-sìn)Hit位(uī)開始(khai-sí)tī lín中 間(tiong-kan)做(tsò)美好(bí-hó)工 作(kang-tsok)ê上 主(siōng-tsú)，會(ē)tī耶穌基督(iâ-so͘ ki-tok)再 臨(tsài-lîm)ê日(ji̍t)kā它(i)完 成(uân-sîng)。7我(guá)常 常(siông-siông)teh數 念(siàu-liām)lín，對(tuì)lín眾 人(tsìng-lâng)有(ū)tsit款(khuán)ê感 情(kám-tsîng)是(sī)真(tsin)當 然(tong-jiân)ê tāi-tsì，因為(in-uī)無論(bô-lūn)我(guá)tī監獄(kaⁿ-ga̍k)內(lāi)，á是(sī)為(uī)tio̍h福 音(hok-im)teh辯 護(piān-hō͘)kah做 證(tsò-tsìng)ê時(sî)，lín lóng有(ū)kah我(guá)分 享(hun-hióng)上 主(siōng-tsú)ê恩 典(un-tián)。8我(guá)用(īng)基督耶穌(ki-tok iâ-so͘)ê疼 心(thiàⁿ-sim)juā-ni̍h-á數 念(siàu-liām)lín大家(tāi-ke)，上 主(siōng-tsú)ē-tàng kā我(guá)做 證(tsò-tsìng)。9我(guá)所祈求(só͘ kî-kiû)ê就是(tsiū-sī)：hō͘ lín ê疼 心(thiàⁿ-sim)會(ē)ná加添(ke-thiⁿ)，lín ê智慧(tì-huī)kah對(tuì)ta̍k種(tsióng)tāi-tsì ê判 斷(phuàⁿ-tuàn)力(la̍t)mā會(ē)ná進 步(tsìn-pō͘)；10 hō͘ lín會曉(ē-hiáu)分 別(hun-pia̍t)hit-ê siōng好(hó)ê tāi-tsì，án-ne tī基督(ki-tok)再 臨(tsài-lîm)ê日(ji̍t)，lín tsiah會成 做(ē tsiâⁿ-tsò)純 全(sûn-tsuân)kah無(bô)thang嫌(hiâm)ê人(lâng)。11 Lín ê生 活(sing-ua̍h)就會(tsiū-ē)通 過(thong-kuè)耶穌基督(iâ-so͘ ki-tok)，來 結(lâi kiat)好 德 行(hó tik-hīng)ê果 子(kué-tsí)，thang將(tsiong)榮 光(îng-kng)kah o-ló歸(kui)hō͘上 主(siōng-tsú)。

為(uī)tio̍h基督(ki-tok)來活(lâi ua̍h)
12兄弟 姊 妹(hiaⁿ-tī tsí-muē)ah，我(guá)ái lín知(tsai)，我所(guá só͘)tú-tio̍h ê tāi-tsì顛倒(tian-tò)hō͘福 音(hok-im)koh-khah進 展(tsìn-tián)。13結 果(kiat-kó)，王 宮(ông-kiong)ê警 衛(kíng-uē)全 體(tsuân-thé)kah tī tsia所有(só͘ ū)ê人(lâng)lóng知(tsai)，我(guá)ê關 監(kuaiⁿ-kaⁿ)是(sī)為(uī)tio̍h基督(ki-tok)ê緣故(iân-kò͘)。14真(tsin)tsē兄弟 姊 妹(hiaⁿ-tī tsí-muē)因為(in-uī)我(guá)ê關 監(kuaiⁿ-kaⁿ)，對(tuì)主(tsú)koh-khah深 信(tshim-sìn)，koh-khah好膽(hó-táⁿ)無驚 惶(bô kiaⁿ-hiâⁿ)來 傳(lâi thuân)上 主(siōng-tsú)ê信息(sìn-sit)。15事實 上(sū-si̍t-siōng)，有人(ū lâng)傳(thuân)基督(ki-tok)ê福 音(hok-im)，是(sī)出(tshut)tī怨妒(uàn-tò͘)kah ài冤家(uan-ke)ê心(sim)理，有人(ū lâng)是(sī)出(tshut)tī誠意(sîng-ì)。16誠意(sîng-ì)ê人(lâng)是(sī)出(tshut)tī疼 心(thiàⁿ-sim)，因為(in-uī)in知(tsai)，上 主(siōng-tsú)交 託(kau-thok)我(guá)來為(lâi uī)tio̍h福 音(hok-im)辯 護(piān-hō͘)。17 Hiah-ê怨妒(uàn-tò͘)kah ài冤家(uan-ke)ê人(lâng)teh宣 揚(suan-iông)基督(ki-tok)是(sī)出(tshut)tī野心(sim)，動機(tōng-ki)無單 純(bô tan-sûn)，in想(siūⁿ)beh趁(thàn)我(guá)關 監(kuaiⁿ-kaⁿ)ê時(sî)加添(ke-thiⁿ)我(guá)ê艱 苦(kan-khó͘)。18 Án-ne有甚 麼(ū sím-mi̍h)關 係(kuan-hē)？不 管(put-kuán)in是(sī)假意(ké-ì)á是(sī)真 心(tsin-sim)，無論(bô-lūn)án怎(tsuáⁿ)，橫直(ti̍t)基督(ki-tok)ê福 音(hok-im)傳 開(thuân-khui)，我(guá)就 歡 喜(tsiū huaⁿ-hí)，mā beh繼 續(kè-sio̍k)歡 喜(huaⁿ-hí)。19因為(in-uī)我 知(guá tsai)，tsit-ê tāi-tsì有(ū)lín ê祈禱(kî-tó)kah耶穌基督(iâ-so͘ ki-tok)ê聖 神(sìng-sîn)ê幫 助(pang-tsō͘)，我(guá)一定會(it-tīng ē)得(tit)tio̍h tháu放(pàng)，回 復(huê-ho̍k)自由(tsū-iû)。20我(guá)迫 切(pik-tshiat)期待(kî-thāi)kah ǹg望(bāng).ê，就是(tsiū-sī)無 一 項(bô tsi̍t-hāng)tāi-tsì會(ē)hō͘我(guá)見 笑(kiàn-siàu)，顛倒(tian-tò)我(guá)時 刻(sî-khik)有夠 額(ū kàu-gia̍h)ê勇 氣(ióng-khì)，尤其是(iû-kî-sī)tsit-má，不 管(put-kuán)是(sī)死(sí)á是(sī)活(ua̍h)，thang hō͘基督(ki-tok)ē-tàng通 過(thong-kuè)我(guá)tsit-ê人(lâng)來得(lâi tit)tio̍h榮 耀(îng-iāu)。21因為(in-uī)對我(tuì guá)來 講(lâi kóng)，活(ua̍h)是(sī)為(uī)tio̍h基督(ki-tok)，死(sí)mā有(ū)khah大(tuā)ê利益(lī-ik)。22若是(nā-sī)活(ua̍h)teh ē-tàng做(tsò)khah-tsē有利益(ū lī-ik)ê工 作(kang-tsok)，我(guá)suah m̄知(tsai)tio̍h揀(kíng)tó一 條路(tsi̍t-tiâu lō͘)。23我(guá)tsit-má進(tsìn)退(thè)兩(nn̄g)難，我(guá)實 在(si̍t-tsāi)真(tsin)ài去(khì)kah基督(ki-tok)做(tsò)伙(hué)，án-ne應 該(ing-kai)是(sī)khah好(hó)。24 M̄-koh為(uī)tio̍h lín ê緣故(iân-kò͘)，我(guá)koh-khah應 該(ing-kai)活(ua̍h)落去(lo̍h-khì)。25對(tuì)tsit點(tiám)來 講(lâi kóng)，我(guá)確 信(khak-sìn)，我 知(guá tsai)我(guá)beh kah lín大家(tāi-ke)做(tsò)伙(hué)活(ua̍h)落去(lo̍h-khì)，是(sī)beh hō͘ lín ê信 仰(sìn-gióng)koh-khah進 步(tsìn-pō͘)，koh-khah歡 喜(huaⁿ-hí)。26 Án-ne，我(guá)koh再(tsài)去(khì)lín hia ê時(sî)，hō͘ lín有(ū)koh-khah充 分(tshiong-hun)ê理由(lí-iû)，為(uī)tio̍h我(guá)ê緣故(iân-kò͘)來用(lâi īng)基督耶穌(ki-tok iâ-so͘)做(tsò)lín ê誇 口(khua-kháu)。27無論(bô-lūn)án怎(tsuáⁿ)，siōng重 要(tiōng-iàu)ê是(sī)：lín ê行 踏(kiâⁿ-ta̍h)符合(hû-ha̍p)基督(ki-tok)福 音(hok-im)ê要求(iau-kiû)。Án-ne，無論(bô-lūn)我(guá)ē-tàng去(khì)kah lin見面(kìⁿ-bīn)á-bē，lóng ē-tàng聽(thiaⁿ)tio̍h lín ê tāi-tsì，知 影(tsai-iáⁿ)lín為(uī)tio̍h所信(só͘ sìn)ê福 音(hok-im)，用(īng)仝 一個(kāng tsi̍t-ê)心 志(sim-tsì)khiā在(tsāi)，同 心(tâng-sim)協力(la̍t)，做(tsò)伙(hué)phah拚(piàⁿ)。28無論(bô-lūn)做 甚 麼(tsò sím-mi̍h)tāi-tsì，無(bô)hō͘對敵(tuì-ti̍k)phah驚(kiaⁿ)，án-ne thang證 明(tsìng-bîng)in會失敗(ē sit-pāi)lín會得 勝(ē tik-sìng)。Tsit-ê得 勝(tik-sìng)lóng是(sī)上 主(siōng-tsú)ê作 為(tsok-uî)。29因為(in-uī)上 主(siōng-tsú)m̄-nā賞賜(siúⁿ-sù)lín特 別(ti̍k-pia̍t)ê恩 典(un-tián)thang信 靠(sìn-khò)基督(ki-tok)，mā hō͘ lín為(uī)tio̍h基督(ki-tok)來受 苦(lâi siū-khó͘)，30來(lâi)kah我(guá)做(tsò)伙(hué)爭 戰(tsing-tsiàn)，lín看(khuàⁿ)過(kuè)我(guá)án怎(tsuáⁿ)戰 鬥(tsiàn-tàu)tsit-má lín koh聽(thiaⁿ)tio̍h我(guá)iáu-teh戰 鬥(tsiàn-tàu)。