《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 腓立比書第四章

作者 巴克禮普世版小組 2015.11.08

保羅(pó-lô)ê勸 勉(khuàn-bián)
1所以(só͘-í)我(guá)所 疼(só͘ thiàⁿ)所(só͘)數 念(siàu-liām)ê兄弟 姊 妹(hiaⁿ-tī tsí-muē)，lín是我(sī guá)ê歡 喜(huaⁿ-hí)，我(guá)ê榮 光(îng-kng)，tio̍h uá靠(khò)主(tsú)khiā在(tsāi)。2我(guá)苦 勸(khó͘-khǹg)Iú-o-tia kah Sûn-to͘-ki兩位(nn̄g-uī)姊 妹(tsí-muē)，lín tī主(tsú)ê內面(lāi-bīn)tio̍h同 心(tâng-sim)。3忠 實(tiong-si̍t)ê同 伴(tâng-phuāⁿ)ah，我(guá)mā求你(kiû lí)幫 助(pang-tsō͘)tsit兩(nn̄g)-ê姊 妹(tsí-muē)，因為(in-uī)in tī福 音(hok-im)ê工 作 上(kang-tsok siōng)，bat kah Kik-lī-bián以及(í-ki̍p)其他(kî-tha)ê同 工(tâng-kang)，kah我(guá)做(tsò)伙(hué)出 力(tshut-la̍t)，in ê名(miâ)已經(í-king)記載(kì-tsài)tī上 主(siōng-tsú)ê活 命 冊(ua̍h-miā- tsheh)。4 Tio̍h常 常(siông-siông)kah主(tsú)結 聯(kiat-liân)來歡 喜(lâi huaⁿ-hí)，我(guá)koh講(kóng)一(tsi̍t)pái，tio̍h歡 喜(huaⁿ-hí)！5 Tio̍h hō͘眾 人(tsìng-lâng)看 出(khuàⁿ-tshut)lín ê純 良(sûn-liông)，主(tsú)teh-beh再 臨(tsài-lîm)ā。6 Lóng m̄-thang操 煩(tshau-huân)甚 麼(sím-mi̍h)，萬事(bān-sū)tio̍h用 感 謝(īng kám-siā)ê心(sim)祈禱(kî-tó)來 懇 求(lâi khún-kiû)，將(tsiong)lín所求(só͘ kiû)ê hō͘上 主(siōng-tsú)知(tsai)。7 Án-ne，人(lâng)所 料 想(só͘ liāu-sióng)未(bī)到(kàu)ê上 主(siōng-tsú)ê平 安(pîng-an)，會(ē)通 過(thong-kuè)基督耶穌(ki-tok iâ-so͘)來保守(lâi pó-siú)lín ê心思意念(sim-su ì-liām)。8兄弟 姊 妹(hiaⁿ-tī tsí-muē)ah，總 講(tsóng-kóng)一 句(tsi̍t-kù)，hiah-ê真實(tsin-si̍t).ê，可 敬(khó-kìng).ê，公 義(kong-gī).ê，清 潔(tshing-kiat).ê，thang疼(thiàⁿ).ê，好名 聲(hó miâ-siaⁿ).ê，好 德 行(hó tik-hīng).ê，thang o-ló-.ê，lín lóng tio̍h時時(sî-sî)刻 刻(khik-khik)致意(tì-ì)tī心 內(sim-lāi)。9 Lín對我(tuì guá)所學習(só͘ ha̍k-si̍p)，所領受(só͘ niá-siū)，所聽(só͘ thiaⁿ)tio̍h，所 看(só͘ khuàⁿ)tio̍h-.ê，lóng tio̍h繼 續(kè-sio̍k)來實 現(lâi si̍t-hiān)。賞賜(siúⁿ-sù)平 安(pîng-an)ê上 主(siōng-tsú)就(tsiū)kah lín同 在(tông-tsāi)。

感 謝(kám-siā)ê話(uē)
10我(guá)tī主(tsú)ê內面(lāi-bīn)大(tuā)大歡 喜(tuā huaⁿ-hí)，因為(in-uī)lín數 念(siàu-liām)我(guá)ê心 志(sim-tsì)taⁿ有(ū)koh puh-íⁿ。其實(kî-si̍t)lín有(ū)teh數 念(siàu-liām)我(guá)，m̄-koh lín無機會(bô ki-huē)thang表示(piáu-sī)。11 Án-ne m̄是 講(sī kóng)我(guá)無夠 用(bô kàu-īng)，因為(in-uī)我 已經(guá í-king)學 習(ha̍k-si̍p)會曉(ē-hiáu)，無論(bô-lūn)甚 麼(sím-mi̍h)境 遇(kíng-gū)lóng知 足(ti-tsiok)。12我(guá)知 影(tsai-iáⁿ)án怎(tsuáⁿ)過(kuè)卑 賤(pi-tsiān)ê生 活(sing-ua̍h)，mā知 影(tsai-iáⁿ)án怎(tsuáⁿ)過(kuè)富裕(hù-jū)ê生 活(sing-ua̍h)。無論是(bô-lūn sī)飽(pá)á是(sī)iau，是(sī)富裕(hù-jū)á是(sī)欠 缺(khiàm-khueh)，我(guá)ê祕訣(pì-kuat)就是(tsiū-sī)ta̍k項(hāng)知 足(ti-tsiok)。13我(guá)uá靠(khò)賞賜(siúⁿ-sù)我(guá)氣 力(khuì-la̍t)ê基督(ki-tok)，我(guá)有氣 力(ū khuì-la̍t)thang應付(ìng-hù)各 種(kok-tsióng)境 遇(kíng-gū)。14 M̄-koh lín有(ū)來分 擔(lâi hun-tam)我(guá)ê困 境(khùn-kíng)，án-ne實 在(si̍t-tsāi)真 好(tsin-hó)。15腓立比 人(hui-li̍p-pí-lâng)ah，lín家己(ka-kī)mā lóng知(tsai)，tī我(guá)傳 福 音(thuân hok-im)ê起 頭(khí-thâu)，我(guá)離開(lī-khui)馬其頓(má-kî-tùn)ê時(sî)，kan-taⁿ lín ê教 會(kàu-huē)有支援(ū tsi-uân)我(guá)ê生 活 費(sing-ua̍h-huì)用(īng)。16連(liân)我(guá)tī帖 撒羅尼迦(thiap-sat-lô-nî-ka)ê時(sî)，lín mā幾(kuí)nā pái差 人(tshe lâng)來 供 給(lâi kiong-kip)我(guá)ê需要(su-iàu)。17 M̄是我(sī guá)teh求(kiû)人(lâng)送(sàng)物 件(mi̍h-kiāⁿ)，是(sī)teh求(kiû)lín結(kiat)khah-tsē果 子(kué-tsí)，來(lâi)記(kì)落去(lo̍h-khì)lín tī天 頂(thiⁿ-tíng)ê賬 簿(siàu-phō͘)。18 Lín hō͘我(guá)ê物(mi̍h)已經(í-king)夠 額(kàu-gia̍h)koh有(ū)tshun，我有(guá ū)tuì以巴弗提(í-pa-hut-thê)收(siu)tio̍h lín寄來(kià-lâi)ê物(mi̍h)，親 像(tshin-tshiūⁿ)發 出(huat-tshut)芳 芳(phang-phang)ê味(bī)，成 做(tsiâⁿ-tsò)上 主(siōng-tsú)所歡喜(só͘ huaⁿ-hí)ê祭 物(tsè-mi̍h)。19我(guá)ê上 主(siōng-tsú)會 照(ē tsiàu)祂(i)榮 耀(îng-iāu)ê豐 富(hong-hù)，通 過(thong-kuè)基督耶穌(ki-tok iâ-so͘)來補 足(lâi pó͘-tsiok)lín一 切(it-tshè)ê需要(su-iàu)。20願(guān)榮 耀(îng-iāu)歸(kui)tī咱(lán)ê上 主(siōng-tsú)咱(lán)ê天父(thiⁿ-pē)，到(kàu)代代(tāi-tāi)無 盡(bô-tsīn)。阿們(a-men)。

最 後(tsuè-āu)ê請 安(tshíng-an)
21請(tshiáⁿ)替 我(thè guá)kā屬(sio̍k)基督耶穌(ki-tok iâ-so͘)所有(só͘ ū)ê信徒(sìn-tô͘)請 安(tshíng-an)，kah我(guá)tī-tsia ê兄弟 姊 妹(hiaⁿ-tī tsí-muē)mā beh kā lín請 安(tshíng-an)。22 Tī tsia所有(só͘ ū)ê信徒(sìn-tô͘)，特 別是(ti̍k-pia̍t sī)羅馬(lô-má)皇 宮 內(hông-kiong lāi)ê信徒(sìn-tô͘)，lóng beh kā lín請 安(tshíng-an)。23願(guān)主(tsú)耶穌基督(iâ-so͘ ki-tok)ê恩 典(un-tián)kah lín同 在(tông-tsāi)！