《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 帖撒羅尼迦前書第五章

作者 巴克禮普世版小組 2016.01.10

準 備(tsún-pī)迎 接(gîng-tsiap)主(tsú)再 臨(tsài-lîm)
1兄弟 姊 妹(hiaⁿ-tī tsí-muē)ah，關 係(kuan-hē)主(tsú)再 臨(tsài-lîm)ê時(sî)kah期(kî)，我(guá)無需要(bô su-iàu)寫(siá)tī phue內(lāi)。2因為(in-uī)lín家己(ka-kī)知(tsai)，主(tsú)再 臨(tsài-lîm)ê日(ji̍t)會(ē)親 像(tshin-tshiūⁿ)賊(tsha̍t)á，tī暗時(àm-sî)無意中(bô ì-tiong)來到(lâi-kàu)。3人(lâng)當(tng)teh講(kóng)：「一 切(it-tshè)平 安(pîng-an)ê時(sî)」，災 禍(tsai-hō)會(ē)親 像(tshin-tshiūⁿ)生(seⁿ)kiáⁿ ê艱 苦(kan-khó͘)，臨 到(lîm-kàu)teh-beh生 產(sing-sán)ê婦人 人(hū-jîn-lâng)，in bē-tàng逃 避(tô-phiah)tsit-ê難 關(lân-kuan)。4 M̄-koh兄弟 姊 妹(hiaⁿ-tī tsí-muē)ah，lín m̄是(sī)tī烏暗 中(o͘-àm-tiong)teh過 日(kuè-ji̍t)，hit-ê日(ji̍t)bē親 像(tshin-tshiūⁿ)賊(tsha̍t)á忽 然 間(hut-jiân-kan)來到(lâi-kàu)lín tau。5因為(in-uī)lín lóng是(sī)光 明(kng-bîng)ê人(lâng)，是(sī)日時(ji̍t-sî)ê人(lâng)；咱(lán)m̄是屬(sī sio̍k)tī暗時(àm-sî)，mā m̄是(sī)屬烏暗(sio̍k o͘-àm)。6所以(só͘-í)咱(lán)m̄-thang親 像(tshin-tshiūⁿ)其他(kî-tha)ê人(lâng)teh睏(khùn)，tio̍h警 醒(kíng-síng)謹慎(kín-sīn)。7因為(in-uī)睏(khùn)ê人(lâng)lóng是(sī)暗時(àm-sî)teh睏(khùn)，酒 醉(tsiú-tsuì)ê人(lâng)lóng是(sī)暗時(àm-sî)teh醉(tsuì)。8 M̄-koh咱(lán)屬日時(sio̍k ji̍t-sî)ê tio̍h謹慎(kín-sīn)，用信 心(īng sìn-sim)kah疼 心(thiàⁿ-sim)做 戰 甲(tsò tsiàn-kah)穿(tshīng)，用 得救(īng tit-kiù)ê ǹg望(bāng)做 頭 盔(tsò thâu-khue)戴(tì)。9上 主(siōng-tsú)m̄是(sī)揀 選(kíng-suán)咱(lán)來受(lâi siū)祂(i)ê刑 罰(hîng-hua̍t)，是(sī)beh hō͘咱(lán)通 過(thong-kuè)主(tsú)耶穌基督(iâ-so͘ ki-tok)來得救(lâi tit-kiù)。10基督(ki-tok)替(thè)咱(lán)死(sí)是(sī)beh hō͘咱(lán)無論(bô-lūn)teh活(ua̍h)á是(sī)死去(sí-khì)，lóng ē-tàng tī祂(i)再 臨(tsài-lîm)ê時(sî)，kah祂(i)做(tsò)伙(hué)活(ua̍h)teh。11所以(só͘-í)tio̍h照(tsiàu)lín tsit-má teh做(tsò)ê án-ne互 相(hō͘-siōng)鼓勵(kó͘-lē)，互 相(hō͘-siōng)幫 助(pang-tsō͘)。

最 後(tsuè-āu)ê勸 勉(khuàn-bián)Kah請 安(tshíng-an)
12兄弟 姊 妹(hiaⁿ-tī tsí-muē)ah，請(tshiáⁿ)lín tio̍h敬 重(kìng-tiōng)hiah-ê tī lín中 間(tiong-kan)teh勞苦(lô-khó͘)工 作(kang-tsok)，mā是(sī)主(tsú)所 揀 選(só͘ kíng-suán)來(lâi)kā lín指導(tsí-tō)kah勸 勉(khuàn-bián)ê人(lâng)。13為(uī)tio̍h in teh做(tsò)ê工 作(kang-tsok)，lín tio̍h用(īng)siōng大(tuā)ê疼 心(thiàⁿ-sim)kah敬意(kìng-ì)來對 待(lâi tuì-thāi)in。Lín大家(tāi-ke)mā tio̍h和睦(hô-bo̍k)做(tsò)伙(hué)。14兄弟 姊 妹(hiaⁿ-tī tsí-muē)ah，阮(guán)苦 勸(khó͘-khǹg)lín tio̍h警 戒(kíng-kài)pîn-tuāⁿ ê人(lâng)，鼓舞(kó͘-bú)失志(sit-tsì)ê人(lâng)，扶 持(hû-tshî)軟 弱(luán-jio̍k)ê人(lâng)，用 寬 容(īng khuan-iông)對 待(tuì-thāi)每(muí)一個 人(tsi̍t-ê lâng)。15 Lín tio̍h謹慎(kín-sīn)，m̄-thang用(īng)pháiⁿ報(pò)pháiⁿ，tio̍h不時(put-sî)互 相(hō͘-siōng)好 款 待(hó-khuán-thāi)，koh好 款 待(hó-khuán-thāi)每(muí)一個 人(tsi̍t-ê lâng)。16 Tio̍h常 常(siông-siông)歡 喜(huaⁿ-hí)。17 Tio̍h不時(put-sî)祈禱(kî-tó)。18無論(bô-lūn)甚 麼(sím-mi̍h)境 遇(kíng-gū)lóng tio̍h感 謝(kám-siā)，因為(in-uī)這是(tse sī)上 主(siōng-tsú)ê旨意(tsí-ì)，ài lín tsiah-ê屬(sio̍k)基督耶穌(ki-tok iâ-so͘)ê人(lâng)án-ne做(tsò)。19 M̄-thang phah-hua聖 神(sìng-sîn)ê火(hué)。20 M̄-thang藐視(biáu-sī)先知(sian-ti)ê話(uē)。21 Ta̍k項(hāng)tāi-tsì tio̍h詳 細(siông-sè)檢 驗(kiám-giām)，好(hó).ê tio̍h繼 續(kè-sio̍k)做 落去(tsò lo̍h-khì)。22 Tio̍h閃 避(siám-phiah)ta̍k種(tsióng)ê邪惡(siâ-ok)。23願(guān)賞賜(siúⁿ-sù)平 安(pîng-an)ê上 主(siōng-tsú)親 自(tshin-tsū)kā lín聖 化(sìng-huà)，koh願(guān)祂(i)保守(pó-siú)lín ê靈(lîng)、魂(hûn)、體(thé)，tī咱(lán)ê主(tsú)耶穌基督(iâ-so͘ ki-tok)再 臨(tsài-lîm)ê時(sî)，lóng得(tit)tio̍h保 全(pó-tsuán)，無(bô)thang嫌(hiâm)！24呼 召(ho͘-tiàu)lín-.ê是(sī)信實(sìn-si̍t)ê上 主(siōng-tsú)，祂(i)一定會(it-tīng ē)照(tsiàu)án-ne kā lín成 全(sîng-tsuân)。25兄弟 姊 妹(hiaⁿ-tī tsí-muē)ah，請(tshiáⁿ)為 阮(uī guán)祈禱(kî-tó)。26 Tio̍h用(īng)神 聖(sîn-sìng)ê相(sio)tsim，來(lâi)kā所有(só͘ ū)ê兄弟 姊 妹(hiaⁿ-tī tsí-muē)請 安(tshíng-an)。27我(guá)奉 主(hōng tsú)ê名(miâ)來吩 咐(lâi huan-hù)lín，tio̍h讀(tha̍k)tsit張(tiuⁿ)phue hō͘所有(só͘ ū)ê兄弟 姊 妹(hiaⁿ-tī tsí-muē)聽(thiaⁿ)。28願(guān)咱(lán)ê主(tsú)耶穌基督(iâ-so͘ ki-tok)ê恩 典(un-tián)kah lín同 在(tông-tsāi)！