《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 提多書第三章

作者 巴克禮普世版小組 2016.05.01

基督徒(ki-tok-tô͘)ê行 為(hîng-uî)
1 Tio̍h提 醒(thê-tshéⁿ)大家(tāi-ke)服 從(ho̍k-tsiông)執 政 者(tsip-tsìng-tsiá)kah政 府(tsìng-hú)官 員(kuaⁿ-uân)，ài順 服(sūn-ho̍k)tsiah ē-tàng隨時(suî-sî)便 便(piān-piān)來做(lâi tsò)ta̍k項(hāng)好事(hó-sū)。2 Tio̍h勸(khǹg)in m̄-thang譭 謗(huí-pòng)，m̄-thang冤家(uan-ke)，tio̍h溫和(un-hô)友善(iú-siān)，用 溫柔(īng un-jiû)來對 待(lâi tuì-thāi)所有(só͘ ū)ê人(lâng)。3因為(in-uī)咱家己(lán ka-kī)以 前(í-tsîng)mā是(sī)無知(bû-ti)、悖 逆(puē-gi̍k)、受迷惑(siū bê-hi̍k)，做(tsò)各 種(kok-tsióng)私慾(su-io̍k)kah享 樂(hióng-lo̍k)ê奴隸(lô͘-lē)，tī惡毒(ok-to̍k)kah怨妒(uàn-tò͘)ê中 間(tiong-kan)teh生 活(sing-ua̍h)，互 相(hō͘-siōng)怨 恨(uàn-hūn)，彼 此(pí-tshú)討厭(thó-ià)。4 M̄-koh咱(lán)ê救 主(kiù-tsú)上 主(siōng-tsú)ê慈悲(tsû-pi)kah仁愛(jîn-ài)顯 明(hián-bîng)出 來(tshut-lâi)ê時(sî)，5祂(i)就 拯 救(tsiū tsín-kiù)咱(lán)，m̄是因為(sī in-uī)咱家己(lán ka-kī)ê好行 為(hó hîng-uî)，是因為(sī in-uī)祂(i)ê憐 憫(liân-bín)，通 過(thong-kuè)重 頭 生(tîng-thâu-seⁿ)ê洗禮(sé-lé)kah聖 神(sìng-sîn)ê更 新(king-sin)來拯 救(lâi tsín-kiù)咱(lán)。6聖 神(sìng-sîn)就是(tsiū-sī)上 主(siōng-tsú)通 過(thong-kuè)咱(lán)ê救 主(kiù-tsú)耶穌基督(iâ-so͘ ki-tok)，豐 豐 富富(hong-hong hù-hù)賞賜(siúⁿ-sù)hō͘咱(lán)。7 Hō͘咱(lán)thang通 過(thong-kuè)祂(i)ê恩 典(un-tián)來(lâi)叫 做(kiò-tsò)義 人(gī-lâng)，來 承 受(lâi sîng-siū)咱(lán)所(só͘)ǹg望(bāng)ê永 遠(íng-uán) 活 命(ua̍h-miā)。8 Tsit-ê話(uē)實 在(si̍t-tsāi)講 了(kóng-liáu)真(tsin)tio̍h。我(guá)ài你(lí)特 別(ti̍k-pia̍t)強 調(kiông-tiāu)tsiah-ê tāi-tsì，hō͘信(sìn)上 主(siōng-tsú)ê人(lâng)專 心(tsuan-sim)做好事(tsò hó-sū)。Tsiah-ê tāi-tsì lóng是好(sī hó)，koh對 人(tuì lâng)有利益(ū lī-ik)。9 M̄-koh你(lí)tio̍h閃 避(siám-phiah)愚 戇(gû-gōng)ê爭 論(tsing-lūn)，族 譜(tso̍k-phó͘)ê紛 爭(hun-tsing)kah律 法(lu̍t-huat)ê爭 執(tsing-tsip)，因為(in-uī)tsiah-ê tāi-tsì lóng是(sī)無利益(bô lī-ik)koh無價值(bô kè-ta̍t)。10製 造(tsè-tsō)紛 爭(hun-tsing)ê人(lâng)，kā伊(i)警 戒(kíng-kài)一 兩(tsi̍t-niú)pái了 後(liáu-āu)，就(tsiū)m̄-thang koh kah伊(i)往 來(óng-lâi)。11你知(lí tsai)tsit種(tsióng)人(lâng)已經(í-king)敗 壞(pāi-huāi)，伊(i)án-ne繼 續(kè-sio̍k)犯 罪(huān-tsuē)是(sī)teh擬定(gí-tīng)家己(ka-kī)ê罪(tsuē)。

最 後(tsuè-āu)ê教示(kà-sī)
12我(guá)差 派(tshe-phài)A-thê-má á是(sī)推(thui)基古去(khì)你(lí)hia ê時(sî)，你(lí)tio̍h趕 緊(kuáⁿ-kín)來(lâi)Ni-ko-pho-li̍p tshuē我(guá)，因為(in-uī)我 已經(guá í-king)決 定(kuat-tīng)beh去(khì)hia過(kuè)冬 天(tang-thiⁿ)。13你(lí)tio̍h盡 量(tsīn-liōng)幫 助(pang-tsō͘)法律教師(kàu-su)Se-la̍p kah亞波羅(a-pho-lô)旅行(lí-hîng)ê需要(su-iàu)，hō͘ in thang安心(an-sim)出 發(tshut-huat)。14 Mā tio̍h吩 咐(huan-hù)咱家己(lán ka-kī)ê人(lâng)，tio̍h學 習(ha̍k-si̍p)做好事(tsò hó-sū)，來 供 給(lâi kiong-kip)hiah-ê實 在(si̍t-tsāi)需要(su-iàu)ê人(lâng)，tsiah免 得(bián-tit)無結 果 子(bô kiat kué-tsí)。15 Kah我(guá)tī tsia ê人(lâng)lóng beh kā你(lí)請 安(tshíng-an)，請(tshiáⁿ)替(thè)阮(guán)kā hiah-ê同 信(tâng-sìn)ê好朋 友(hó pîng-iú)請 安(tshíng-an)。16願(guān)上 主(siōng-tsú)ê恩 典(un-tián)kah lín大家(tāi-ke)同 在(tông-tsāi)！