《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 雅各書第三章

作者 巴克禮普世版小組 2016.08.28

控 制(khòng-tsè)嘴 舌(tshuì-tsi̍h)
1親 愛(tshin-ài)ê兄弟 姊 妹(hiaⁿ-tī tsí-muē)，lín中 間(tiong-kan)m̄-thang真(tsin)tsē人(lâng)做 教師(tsò kàu-su)，因為(in-uī)lín知(tsai)做 教師(tsò kàu-su)ê人(lâng)，會受(ē siū)khah嚴 格(giâm-keh)ê審 判(sím-phuàⁿ)。2因為(in-uī)咱大家(lán tāi-ke)定 定(tiāⁿ-tiāⁿ)犯(huān)真(tsin)tsē錯 誤(tshò-ngō͘)，tī講 話(kóng-uē)無 錯 誤(bô tshò-ngō͘)，就是(tsiū-sī)完 全(uân-tsuân)ê人(lâng)，mā會曉(ē-hiáu)控 制(khòng-tsè)家己(ka-kī)。3咱(lán)用(īng)馬咬韁(bé-kā-kiuⁿ)，tàu tī馬(bé)ê嘴(tshuì)hō͘ in順 服(sūn-ho̍k)，就(tsiū)ē-tàng控 制(khòng-tsè)kui隻(tsiah)馬(bé)。4 Koh看(khuàⁿ)，船(tsûn)雖 然(sui-jiân)hiah大 隻(tuā-tsiah)，hō͘大 風(tuā-hong)掃(sàu)，kan-taⁿ用(īng)一支(tsi̍t-ki)細細(sè-sè)ê舵(tuā)來(lâi)控 制(khòng-tsè)，駛 船(sái-tsûn)ê船 長(tsûn-tiúⁿ)就(tsiū)ē-tàng照 家己(tsiàu ka-kī)ê意思(ì-sù)，駛 到(sái kàu)目 的地(bo̍k-tik-tē)。5親 像(tshin-tshiūⁿ)án-ne，嘴 舌(tshuì-tsi̍h)是(sī)細細(sè-sè)ê器 官(khì-kuan)iáu-koh講 大 話(kóng tuā-uē)，你 看(lí khuàⁿ)，一 點(tsi̍t-tiám)á ê火(hué)星(tsheⁿ)會(ē)hō͘ kui個(ê)樹 林(tshiū-nâ)lóng燒去(sio-khì)。6舌 頭(tsi̍h-thâu)kah-ná一 把(tsi̍t-pé)火(hué)，tī咱(lán)百 體(pah-thé)中 間(tiong-kan)是(sī)邪惡(siâ-ok)ê世界(sè-kài)，kā kui身 軀(sing-khu)污染(ù-jiám)；tsit-ê tuì地獄(tē-ga̍k)發 出(huat-tshut)ê火(hué)，會(ē)kā咱(lán)一 生(it-sing)ê前 途(tsiân-tô͘)毀 滅(huí-bia̍t)。7人類(jîn-luī)ē-tàng制壓(tsè-ap)ta̍k種(tsióng)ê走 獸(tsáu-siù)、飛 鳥(pue-tsiáu)、蟲(thâng)thuā kah水 族(tsuí-tso̍k)，其實(kî-si̍t)mā已經(í-king)lóng hō͘人類(jîn-luī)制壓(tsè-ap)。8 M̄-koh無 人(bô-lâng)ē-tàng制壓(tsè-ap)舌 頭(tsi̍h-thâu)，舌 頭(tsi̍h-thâu)是(sī) 無 人(bô-lâng)制壓(tsè-ap)會(ē)tiâu ê邪惡(siâ-ok)，充 滿(tshiong-muá)致命(tì-miā)ê毒(to̍k)。9咱(lán)用 嘴 舌(īng tshuì-tsi̍h)o-ló咱(lán)ê天父(thiⁿ-pē)上 主(siōng-tsú)，mā用 嘴 舌(īng tshuì-tsi̍h)咒 詛(tsiù-tsó͘)照(tsiàu)上 主(siōng-tsú)ê形 象(hîng-siōng)來 創 造(lâi tshòng-tsō)ê人(lâng)。10 O-ló kah咒 詛(tsiù-tsó͘)tuì仝 一個(kāng tsi̍t-ê)嘴 舌(tshuì-tsi̍h)出(tshut)，親 愛(tshin-ài)ê兄弟 姊 妹(hiaⁿ-tī tsí-muē)，這是(tse sī)無應 該(bô ing-kai)。11 Tuì仝 一個(kāng tsi̍t-ê)水 泉(tsuí-tsuâⁿ)kám會(ē)流 出(lâu-tshut)甜(tiⁿ)ê kah苦(khó͘)ê水(tsuí)？12親 愛(tshin-ài)ê兄弟 姊 妹(hiaⁿ-tī tsí-muē)，無 花 果 樹(bû-hua-kó-tshiū)kám會生(ē seⁿ)橄欖(kan-ná)？葡萄 樹(phû-tô-tshiū)kám會生(ē seⁿ)無花果(bû-hua-kó)？Án-ne鹹(kiâm)-ê水 源(tsuí-guân)mā bē流 出(lâu-tshut)tsiáⁿ水(tsuí)！

Tuì上 主(siōng-tsú)來(lâi)ê智慧(tì-huī)
13 Lín中 間(tiong-kan)啥 人(siáⁿ-lâng)有智慧(ū tì-huī)kah見 識(kiàn-sik)？若有(nā ū)，tio̍h用(īng)充 滿(tshiong-muá)智慧(tì-huī)ê溫柔(un-jiû)，tī生 活 中(sing-ua̍h tiong)表 現(piáu-hiān)好 品 行(hó phín-hīng)。14 Lín心 內(sim-lāi)若有(nā ū)惡毒(ok-to̍k)ê怨妒(uàn-tò͘)kah相 爭(sio-tseⁿ)，就(tsiū)m̄-thang誇 口(khua-kháu)，m̄-thang講 白 賊(kóng pe̍h-tsha̍t)來違背(lâi uî-puē)真理(tsin-lí)。15 Tsit款(khuán)ê智慧(tì-huī)m̄是(sī)tuì天 頂(thiⁿ-tíng)來(lâi).ê，是屬(sī sio̍k)tī世間(sè-kan)，屬(sio̍k)tī血 氣(hiat-khì)，屬(sio̍k)tī魔 鬼(mô͘-kuí).ê。16因為(in-uī)有(ū)怨妒(uàn-tò͘)kah相 爭(sio-tseⁿ)ê所 在(só͘-tsāi)，就有(tsiū-ū)擾 亂(jiáu-luān)kah一 切(it-tshè)ê邪惡(siâ-ok)。17 Tuì頂 面(tíng-bīn)來(lâi)ê智慧(tì-huī)，第一(tē-it)是(sī)純 潔(sûn-kiat)，koh來(lâi)是(sī)和 平(hô-pîng)、溫柔(un-jiû)、友善(iú-siān)、慈悲(tsû-pi)，結(kiat)好 德 行(hó tik-hīng)ê果 子(kué-tsí)，無 偏 見(bô phian-kiàn)mā無 偽 善(bô guī-siān)。18公 義(kong-gī)是(sī)和 平(hô-pîng)所結(só͘ kiat)ê果 子(kué-tsí)，是(sī)促 進(tshiok-tsìn)和 平(hô-pîng)ê人(lâng)掖(iā)ê種 子(tsíng-tsí)所產 生(só͘ sán-sing).ê。