《巴克禮普世版聖經「漢羅+Ruby」試讀本》

 | | | 轉寄

第十八章

作者 巴克禮普世版小組 2012.09.16

Tī 天 國(thian-kok) 啥 人(siáⁿ-lâng) siōng 大(tōa)
(Mk 9：33-37；Lk 9：46-48)
1 Hit 時(sî)，門徒(bûn-tô͘) 來(lâi) 問(mn̄g) 耶穌(iâ-so͘) 講(kóng)：「Tī 天 國(thian-kok) 啥 人(siáⁿ-lâng) siōng 大(tōa)？」

2 耶穌(iâ-so͘) 就(tsiū) 叫(kiò) 一個(tsi̍t-ê) gín-á 來(lâi)，hō͘ 伊(i) khiā 帶(tòa) in 中 間(tiong-kan)。

3 講(kóng)：「我(góa) 實 在(si̍t-tsāi) kā lín 講(kóng)，lín 若無(nā-bô) 改 變(kái-piàn) 成 做(tsiâⁿ-tsò) 親 像(tshin-tshiūⁿ) gín-á，絕 對(tsua̍t-tùi) bē-tàng 入(ji̍p) 天 國(thian-kok)。

4 所以(só͘-í) 人(lâng) 若(nā) 家己(ka-kī) 謙 卑(khiam-pi) 親 像(tshin-tshiūⁿ) tsit-ê gín-á，伊(i) tī 天 國(thian-kok) 就是(tsiū-sī) siōng 大(tōa)。

5 人(lâng) 若(nā) 為(ūi)tio̍h 我(góa) ê 名(miâ) 來(lâi) 接 納(tsiap-la̍p) tsit 種(tsióng) gín-á，就是(tsiū-sī) 接 納(tsiap-la̍p) 我(góa)。」

引起(ín-khí) 人(lâng) 犯 罪(hoān-tsōe) (Mk 9：42-48；Lk 17：1-2)

6 若(nā) 有人(ū lâng) hō͘ 信(sìn) 我(góa) ê 人(lâng) 中 間(tiong-kan) 微細(bî-sè) ê 一個 人(tsi̍t-ê-lâng) 犯 罪(hoān-tsōe)，寧 可(lêng-khó) hō͘ 人(lâng) 用(ēng) 大(tōa) 石 磨(tsio̍h-bō) 縛(pa̍k)tòa 頷 頸(ām-kún)，kā 伊(i) thiām 落去(lo̍h-khì) 深(tshim) 海(hái)。

7 Tsit 世間(sè-kan) 慘(tshám) ah，因為(in-ūi) 有人(ū lâng) 引起(ín-khí) 犯 罪(hoān-tsōe) ê tāi-tsì。難 免(lân-bián) 有(ū) 引起(ín-khí) 人(lâng) 犯 罪(hoān-tsōe) ê tāi-tsì，m̄-koh 引起(ín-khí) 人(lâng) 犯 罪(hoān-tsōe) ê hit 人(lâng) 有(ū) 災 禍(tsai-hō)。

8 若是(nā-sī) 你(lí) 一支(tsi̍t-ki) 手(tshiú) á是(sī) 一支(tsi̍t-ki) 腳(kha) hō͘ 你(lí) 犯 罪(hoān-tsōe)，tio̍h kā 伊(i) 斬(tsám)hiat-ka̍k。寧 可(lêng-khó) 破 相(phòa-siùⁿ) á是(sī) 跛 腳(pái-kha) 進 入(tsìn-ji̍p) 永 遠(éng-oán) ê 活 命(ua̍h-miā)，比(pí) 雙 手(siang-tshiú) 雙 腳(siang-kha) hiat 落(lo̍h) 永 遠(éng-oán) ê 火(hóe) khah 好(hó)。

9 若是(nā-sī) 你(lí) ê 一 蕊(tsi̍t-lúi) 目 睭(ba̍k-tsiu) hō͘ 你(lí) 犯 罪(hoān-tsōe)，tio̍h kā 伊(i) 挖(ó͘) hiat-ka̍k。寧 可(lêng-khó) 一 目(tsi̍t-ba̍k) 進 入(tsìn-ji̍p) 永 遠(éng-oán) ê 活 命(ua̍h-miā)，比(pí) 雙(siang) 目(ba̍k) hō͘ 人(lâng) hiat 落(lo̍h) 地獄(tē-ga̍k) ê 火 中(hóe-tiong) khah 好(hó)。」

迷羊(bê-iûⁿ) ê 譬喻(phì-jū)(Lk 15：3-7)
10 「Lín tio̍h謹慎(kín-sīn)，m̄-thang 看 輕(khòaⁿ-khin) 微細(bî-sè) 中 間(tiong-kan) ê 一個(tsi̍t-ê)；因為(in-ūi) 我(góa) kā lín 講(kóng)：in ê 天使(thiⁿ-sài) 常 常(siông-siông) tī 我(góa) ê 天父(thiⁿ-pē) 面 前(bīn-tsêng)。

11 人 子(jîn-tsú) 來(lâi) 世間(sè-kan) 是(sī) beh 拯 救(tsín-kiù) 失迷(sit-bê) ê 人(lâng)。

12 Lín 想 講(siūⁿ-kóng) án怎(tsóaⁿ)？人(lâng) 有(ū) 一 百(tsi̍t-pah) 隻(tsiah) 羊(iûⁿ)。若(nā) phah-m̄見(kìⁿ) 其 中(kî-tiong) 一 隻(tsi̍t-tsiah)，kám bē 將(tsiong) 九 十 九(káu-tsa̍p-káu) 隻(tsiah) 暫 且(tsiām-tshiáⁿ) 放(pàng) tòa 山 坪(suaⁿ-phiâⁿ)，去(khì) tshōe hit 隻(tsiah) phah-m̄-見(kìⁿ) ê 羊(iûⁿ)？

13 我(góa) 實 在(si̍t-tsāi) kā lín 講(kóng)，伊(i) 若(nā) tshōe-tio̍h hit 隻(tsiah) 失迷(sit-bê) ê 羊(iûⁿ)，一定(it-tēng) 比(pí) 有(ū) 九 十 九(káu-tsa̍p-káu) 隻(tsiah) 無(bô) phah-m̄見(kìⁿ) koh-khah 歡 喜(huaⁿ-hí)。

14 Lín ê 天父(thiⁿ-pē) 仝 款(kāng-khoán) m̄甘(kam) tsiah-ê 微細(bî-sè) 中(tiong) ê 一個(tsi̍t-ê) 失落(sit-lo̍h) 去(khì)。」

對 待(tùi-thāi) 得 罪(tik-tsōe) 你(lí) ê 兄弟(hiaⁿ-tī)
15 「你(lí) ê 兄弟(hiaⁿ-tī) 若有(nā ū) 得 罪(tik-tsōe) 你(lí)，tio̍h去(khì) tshōe 伊(i)。Kan-taⁿ 你(lí) kah 伊(i) tī-teh ê時(sî)，指 明(tsí-bêng) 伊(i) ê m̄-tio̍h。伊(i) 若(nā) beh 聽(thiaⁿ) 你(lí) ê 話(ōe)，就會(tsiū-ē) 回 復(hôe-ho̍k) lín ê 兄弟(hiaⁿ-tī) 關 係(kuan-hē)。

16 伊(i) 若(nā) m̄聽(thiaⁿ)，tio̍h tshōa 一 兩 人(tsi̍t-nn̄g lâng) 作 伙(tsò-hóe) 去(khì)，án-ne 有(ū) 照(tsiàu) 律 法(lu̍t-huat) ê 規 定(kui-tēng)：用(ēng) 兩 三 人(nn̄g-saⁿ lâng) ê 嘴(tshùi) 做(tsò) 見 證(kiàn-tsèng)。

17 若(nā) iáu m̄肯(khéng) 聽(thiaⁿ)，tio̍h報告(pò-kò) 教 會(kàu-hōe)。若(nā) 連(liân) 教 會(kàu-hōe) 都(to) m̄聽(thiaⁿ)，就(tsiū) kā 伊(i) 看 做(khòaⁿ-tsò) 親 像(tshin-tshiūⁿ) 外 邦 人(gōa-pang-lâng) á是(sī) 抽 稅(thiu-sòe) ê 人(lâng)。」

禁 止(kìm-tsí) Kah 允 准(ín-tsún)

18 「我(góa) 實 在(si̍t-tsāi) kā lín 講(kóng)，lín tī 地 上(tē-tsiūⁿ) 所(só͘) 禁 止(kìm-tsí)ê，tī 天 頂(thiⁿ-téng) mā 會(ē) kā 伊(i) 禁 止(kìm-tsí)。Lín tī 地 上(tē-tsiūⁿ) 允 准(ín-tsún) ê，tī 天 頂(thiⁿ-téng) mā 會(ē) kā 伊(i) 允 准(ín-tsún)。

19 我(góa) koh kā lín 講(kóng)，lín 中 間(tiong-kan) 若有(nā ū) 兩 人(nn̄g-lâng) tī 地 上(tē-tsiūⁿ) 同 心(tâng-sim) 合意(kah-ì) 來(lâi) 祈求(kî-kiû)，我(góa) ê 天父(thiⁿ-pē) 一定(it-tēng) 會(ē) kā in 成 全(sêng-tsoân)。

20 因為(in-ūi) 無論(bô-lūn) 甚 麼(sím-mi̍h) 所 在(só͘-tsāi) 有(ū) 兩 三 人(nn̄g-saⁿ lâng) 奉(hōng) 我(góa) ê 名(miâ) 聚 集(tsū-tsi̍p)，我(góa) mā 會(ē) kah in 同 在(tông-tsāi)。」

刻 薄(khik-po̍k) ê 奴僕(lô͘-po̍k) ê 譬喻(phì-jū)

21 彼得(pí-tik) óa來(lâi) kā 耶穌(iâ-so͘) 講(kóng)：「主(tsú) ah，我(góa) ê 兄弟(hiaⁿ-tī) 得 罪(tik-tsōe) 我(góa)，我(góa) tio̍h赦 免(sià-bián) 伊(i) 幾(kúi)pái？Kám tio̍h七(tshit) pái？」

22 耶穌(iâ-so͘) kā 伊(i) 講(kóng)：「我(góa) 無(bô) kā 你(lí) 講(kóng) tio̍h到(kàu) 七(tshit) pái，tio̍h到(kàu) 七 十(tshit-tsa̍p) ê 七(tshit) pái。

23 因為(in-ūi) 天 國(thian-kok) ná親 像(tshin-tshiūⁿ) 君 王(kun-ông) beh kah 伊(i) ê 奴僕(lô͘-po̍k) 結 賬(kiat-siàu)。

24 起 頭(khí-thâu) 算(sǹg) ê時(sî)，有人(ū lâng) tshōa 一個(tsi̍t-ê) 欠(khiàm) 伊(i) 千 萬(tshian-bān) 銀(gîn) ê 人(lâng) 來(lâi)。

25 因為(in-ūi) 還(hêng) bē 起(khí)，主 人(tsú-lâng) 就(tsiū) 命 令(bēng-lēng) tio̍h賣(bē) 伊(i) 本 身(pún-sin)，kah 伊(i) ê bó͘-kiáⁿ，連(liân) 伊(i) 一 切(it-tshè) 所有(só͘ ū) ê lóng 賣(bē) 來(lâi) 還 債(hêng-tsè)。

26 Hit-ê 奴僕(lô͘-po̍k) 就(tsiū) 跪(kūi) 落來(lo̍h-lâi) 求(kiû) 講(kóng)：「主(tsú) ah，請(tshiáⁿ) hō͘ 我(góa) ān一下(tsi̍t-ē)，我(góa) 會(ē) 還(hêng) 你(lí) lóng總(tsóng)。」

27 Hit-ê 主 人(tsú-lâng) 就(tsiū) 憐 憫(liân-bín) 伊(i) 來(lâi) 赦 免(sià-bián) 伊(i) ê 債(tsè)，放(pàng) 伊(i) 去(khì)。

28 Hit-ê 奴僕(lô͘-po̍k) 出 去(tshut-khì)，tú-tio̍h 一個(tsi̍t-ê) 平 平(pêⁿ-pêⁿ) 做(tsò) 奴僕(lô͘-po̍k) ê，hit 人(lâng) 欠(khiàm) 伊(i) 一 百(tsi̍t-pah) 個(ê) 銀(gîn)á，就(tsiū) kā 伊(i) 掠(lia̍h) teh，tēⁿ 伊(i) ê 頷 頸(ām-kún)，講(kóng)：『你(lí) 所(só͘) 欠(khiàm) ê lóng tio̍h還(hêng)。』

29 Hit-ê 奴僕(lô͘-po̍k) 就(tsiū) 仆(phak) 落去(lo̍h-khì) 求(kiû) 講(kóng)：『請(tshiáⁿ) 寬 容(khuan-iông) 我(góa)，我(góa) 會(ē) 全 部(tsoân-pō͘) 還(hêng) 你(lí)。』

30 M̄-koh 伊(i) m̄肯(khéng)，顛倒(tian-tò) kā hit-ê 奴僕(lô͘-po̍k) 關 落 監(kuaiⁿ lo̍h-kaⁿ)，關(kuaiⁿ) 到(kàu) 所(só͘) 欠(khiàm) ê 還 清(hêng-tshing) 為止(ûi-tsí)。

31 其他(kî-tha) ê 奴僕(lô͘-po̍k) 看(khòaⁿ)tio̍h tsit-ê tāi-tsì，非 常(hui-siông) 憤 慨(hùn-khài)，將(tsiong) lóng總(tsóng) ê tāi-tsì 去(khì) 對(tùi) 主 人(tsú-lâng) 講(kóng)。

32 主 人(tsú-lâng) 就(tsiū) 召(tiàu) hit-ê 奴僕(lô͘-po̍k) 來(lâi)，kā 伊(i) 講(kóng)：「你(lí) tsit-ê pháiⁿ 奴僕(lô͘-po̍k)ah，因為(in-ūi) 你(lí) 對(tùi) 我(góa) 求(kiû)，我(góa) 就(tsiū) 赦 免(sià-bián) 你(lí) 所(só͘) 欠(khiàm) ê 債(tsè)。

33 我(góa) 有(ū) 憐 憫(liân-bín) 你(lí)。你(lí) kám 無(bô) beh 憐 憫(liân-bín) hit-ê 平 平(pêⁿ-pêⁿ) 做(tsò) 奴僕(lô͘-po̍k) ê？」

34 主 人(tsú-lâng) 大(tōa) 受氣(siū-khì)，將(tsiong) 伊(i) 關 落 監(kuaiⁿ lo̍h-kaⁿ) 受(siū) 刑 罰(hêng-hua̍t)，直到(ti̍t-kàu) 伊(i) 全 部(tsoân-pō͘) ê 債(tsè) 還 清(hêng-tshing)。

35 Án-ne lín ta̍k 人(lâng) 若無(nā-bô) 真 心(tsin-sim) 赦 免(sià-bián) lín ê 兄弟(hiaⁿ-tī)，我(góa) ê 天父(thiⁿ-pē) mā 無(bô) beh án-ne 款 待(khoán-thāi) lín。」