《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 彼得後書第三章

作者 巴克禮普世版小組 2016.11.07

主(tsú)再 臨(tsài-lîm)ê應允(ìng-ún)
1親 愛(tshin-ài)ê兄弟 姊 妹(hiaⁿ-tī tsí-muē)，我(guá)tsit-má寫(siá)hō͘ lín ê是(sī)第二張(tē-jī tiuⁿ)phue。Tsit兩 張(nn̄g tiuⁿ)phue lóng是(sī)beh kā lín提 醒(thê-tshéⁿ)，激勵(kik-lē)lín純 潔(sûn-kiat)ê心 志(sim-tsì)。2我(guá)ài lín會記得(ē-kì-tit)神 聖(sîn-sìng) 先知(sian-ti)預言(ī-giân)ê話(uē)，以及(í-ki̍p)救 主(kiù-tsú)通 過(thong-kuè)使徒(sù-tô͘)傳(thuân)hō͘ lín ê命 令(bīng-līng)。3 Siōng要緊(iàu-kín)lín tio̍h知(tsai)，tī末 日(bua̍t-ji̍t)有(ū)一(tsi̍t)kuá放 縱(hòng-tshiòng)私慾(su-io̍k)ê人(lâng)出 現(tshut-hiān)，kā lín恥 笑(thí-tshiò)，4講(kóng)：「主(tsú)應允(ìng-ún)beh再 臨(tsài-lîm)，taⁿ tī tó位(uī)？咱(lán)ê祖 先(tsó͘-sian)lóng死去(sí-khì)à，m̄-koh tuì創 造(tshòng-tsō)宇宙(ú-tiū)以來(í-lâi)一 切(it-tshè)lóng仝 款(kāng-khuán)。」5 Hiah-ê人(lâng)刁故意(tiau-kò͘-ì)bē記得(kì-tit)tsit-ê事實(sū-si̍t)，就是(tsiū-sī)自 早(tsū-tsá)tuì上 主(siōng-tsú)ê話(uē)創 造(tshòng-tsō)天(thiⁿ)，地(tē)是(sī)tuì水(tsuí)出 來(tshut-lâi)，mā用 水(īng tsuí)來 形 成(lâi hîng-sîng)。6當 時(tong-sî)ê世界(sè-kài)hō͘大 水(tuā-tsuí)消 滅(siau-bia̍t)。7 M̄-koh tsiah-ê天(thiⁿ)kah地(tē)，mā是(sī)tuì上 主(siōng-tsú)ê話(uē)保留 落來(lâu lo̍h-lâi)，直到(ti̍t-kàu)hiah-ê無 敬 虔(bô kìng-khiân)ê人(lâng)受 審 判(siū sím-phuàⁿ)kah hō͘火(hué) 燒 滅(sio-bia̍t)亡ê日子(ji̍t-tsí)。8親 愛(tshin-ài)ê兄弟 姊 妹(hiaⁿ-tī tsí-muē)，有一 項(ū tsi̍t-hāng)tāi-tsì請(tshiáⁿ)lín m̄-thang bē記得(kì-tit)，就是(tsiū-sī)tī主(tsú)ê眼 中(gán-tiong)，一日(tsi̍t-ji̍t)kah-ná一 千(tsi̍t-tshing) 年(nî)，一 千(tsi̍t-tshing) 年(nî)kah-ná一日(tsi̍t-ji̍t)。9有人(ū lâng)想 講(siūⁿ-kóng)主(tsú)teh延(iân)tshiân祂(i)ê應允(ìng-ún)，其實是(kî-si̍t sī)teh寬 容(khuan-iông)lín，祂(i)無(bô)ài有人(ū lâng)滅 亡(bia̍t-bông)，是(sī)ài ta̍k人(lâng)lóng悔 改(hué-kái)。10 M̄-koh主(tsú)再 臨(tsài-lîm)ê日(ji̍t)，會(ē)親 像(tshin-tshiūⁿ)賊(tsha̍t)á忽 然(hut-jiân)臨 到(lîm-kàu)，hit日(ji̍t)hiah-ê天(thiⁿ)會(ē)tī大(tuā)ê響 聲 中(hiáng-siaⁿ tiong)消 滅(siau-bia̍t)，hiah-ê天體(thian-thé)hō͘火(hué)燒熔去(sio-iûⁿ khì)，地(tē)kah其 中(kî-tiong)ê萬 物(bān-bu̍t)mā lóng毀 滅 去(huí-bia̍t khì)。11萬 物(bān-bu̍t)既然(kì-jiân)會(ē)án-ne消 滅(siau-bia̍t)，lín tio̍h án怎(tsuáⁿ)做 人(tsò-lâng)？Lín ê生 活(sing-ua̍h)tio̍h聖 潔(sìng-kiat)koh敬 虔(kìng-khiân)，12來(lâi)thìng候(hāu)上 主(siōng-tsú)ê日(ji̍t)趕 緊(kuáⁿ-kín)到(kàu)。Tī hit日(ji̍t)，tsiah-ê天(thiⁿ)會(ē)hō͘火(hué)消 滅(siau-bia̍t)，天體(thian-thé) 會(ē)hō͘火(hué)燒熔去(sio-iûⁿ khì)。13 M̄-koh咱(lán)teh thìng候(hāu).ê是(sī)上 主(siōng-tsú)所應允(só͘ ìng-ún)ê新 天(sin thiⁿ)kah新地(sin tē)，tī hia有(ū)永 遠(íng-uán)ê公 義(kong-gī)。14所以(só͘-í)，親 愛(tshin-ài)ê兄弟 姊 妹(hiaⁿ-tī tsí-muē)，lín既然(kì-jiân)teh thìng候(hāu)tsiah-ê tāi-tsì，tio̍h tī上 主(siōng-tsú)ê面 前(bīn-tsîng)盡 力(tsīn-la̍t)追求(tui-kiû)聖 潔(sìng-kiat)，過(kuè)無 缺 點(bô khuat-tiám)ê生 活(sing-ua̍h)，thang kah祂(i)和好(hô-hó)。15 Tio̍h將(tsiong)咱(lán)ê主(tsú)ê寬 容(khuan-iông)，看 做(khuàⁿ-tsò)拯 救(tsín-kiù)ê機會(ki-huē)。咱(lán)親 愛(tshin-ài)ê兄弟(hiaⁿ-tī)保羅(pó-lô)，用(īng)上 主(siōng-tsú)賞賜(siúⁿ-sù)hō͘伊(i)ê智慧(tì-huī)，寫(siá)phue hō͘ lín mā有(ū)án-ne講(kóng)。16伊(i)所有(só͘ ū)ê phue lóng有提起(ū thê-khí)tsiah-ê tāi-tsì，伊(i)ê phue有(ū)一(tsi̍t)kuá oh得(tit)了 解(liáu-kái)ê所 在(só͘-tsāi)，hō͘ hiah-ê無學 問(bô ha̍k-būn)kah無 定 性(bô tīng-sìng)ê人(lâng)曲 解(khiok-kái)，親 像(tshin-tshiūⁿ)in曲 解(khiok-kái)其他(kî-tha)ê經 文(king-bûn)，結 果(kiat-kó)in家己(ka-kī)自 討(tsū-thó)滅 亡(bia̍t-bông)。17親 愛(tshin-ài)ê兄弟 姊 妹(hiaⁿ-tī tsí-muē)，án-ne lín既然(kì-jiân)tāi先 知(sing-tsai)tsiah-ê tāi-tsì，tio̍h警 戒(kíng-kài)tsiah免 得(bián-tit)hō͘ hiah-ê pháiⁿ人(lâng)，用(īng)錯 誤(tshò-ngō͘)ê言 論(giân-lūn) tshuā lín行入(kiâⁿ-ji̍p)迷路(bê-lō͘)，來(lâi)失落(sit-lo̍h)lín堅 固(kian-kò͘)ê信 仰(sìn-gióng)。18 Tio̍h uá靠(khò)咱(lán)ê救 主(kiù-tsú)耶穌基督(iâ-so͘ ki-tok)ê恩 典(un-tián)，來(lâi)hō͘咱(lán)對祂(tuì i)ê認(jīn)bat繼 續(kè-sio̍k)進 步(tsìn-pō͘)。願(guān)榮 光(îng-kng)歸(kui)hō͘祂(i)，tuì tsit-má直到(ti̍t-kàu)永 遠(íng-uán)！阿們(a-men)！