《巴克禮普世版聖經「漢羅+Ruby」試讀本》

 | | | 轉寄

第廿章

作者 巴克禮普世版小組 2012.09.30

葡萄 園(phû-tô-hn̂g) ê 工 人(kang-lâng)

1 「天 國(thian-kok) 親 像(tshin-tshiūⁿ) 一個(tsi̍t-ê) 葡萄 園(phû-tô-hn̂g) ê 主 人(tsú-lâng) 透 早(thàu-tsá) 出 去(tshut-khì) 倩 工(tshiàⁿ-kang) 入去(ji̍p-khì) 伊(i) ê 園(hn̂g) 做 工(tsò-kang)。

2 伊(i) kah 工 人(kang-lâng) 約 定(iok-tēng) 一日(tsi̍t-ji̍t) 一 錢 銀(tsi̍t tsiⁿ-gîn)，就(tsiū) 差(tshe) in 入去(ji̍p-khì) 伊(i) ê 園(hn̂g) 做 工(tsò-kang)。

3 早起時(tsá-khí-sî) 九 點(káu-tiám) ê時(sî) 伊(i) koh 出 去(tshut-khì)，看(khòaⁿ)tio̍h 有人(ū lâng) 閒 閒(êng-êng) khiā tī 街路裡(ke-lō͘-ni̍h)。

4 就(tsiū) kā in 講(kóng)：「Lín mā 去(khì) 葡萄 園(phû-tô-hn̂g) 做 工(tsò-kang)。我(góa) 會(ē) 照(tsiàu) 公 道(kong-tō) ê 工 錢(kang-tsîⁿ) hō͘ lín。

5 In 就 入去(tsiū ji̍p-khì)。中 晝(tiong-tàu) 十 二 點(tsa̍p-jī-tiám) kah 三 點(saⁿ-tiám) ê時(sî) 園 主(hn̂g-tsú) koh 出 去(tshut-khì)，mā án-ne 做(tsò)。

6 下晡(ē-po͘) 五 點(gō͘-tiám) ê時(sî) 園 主(hn̂g-tsú) 出 去(tshut-khì)，koh tú-tio̍h 有人(ū lâng) khiā tī hia，就(tsiū) kā in 講(kóng)：「Lín 是(sī) án怎(tsóaⁿ) kui日(ji̍t) 閒 閒(êng-êng) khiā tī tsia 無(bô) teh 做 啥 物(tsò siáⁿ-mi̍h)？」

7 In kā 園 主(hn̂g-tsú) 講(kóng)：「因為(in-ūi) 無 人(bô-lâng) 倩(tshiàⁿ) 阮(goán)。」園 主(hn̂g-tsú) kā in 講(kóng)：「Lín mā 來去(lâi-khì) 葡萄 園(phû-tô-hn̂g) 做 工(tsò-kang)。」

8 到(kàu) beh暗(àm)á 時(sî)，園 主(hn̂g-tsú) kā 伊(i) ê 管 家(koán-ke) 講(kóng)：「叫(kiò) 工 人(kang-lâng) 來(lâi)，發(huat) 工 錢(kang-tsîⁿ) hō͘ in。Tùi 路尾(lō͘-bóe) 來(lâi) ê 開始(khai-sí) 發(huat)，到(kàu) tāi先(sing) 來( lâi) ê 為止(ûi-tsí)。」

9 Hiah-ê 下晡(ē-po͘) 五 點(gō͘-tiám) tsiah 來(lâi) ê，ta̍k-ê 人(lâng) lóng 領(niá)tio̍h 一 錢 銀(tsi̍t tsiⁿ-gîn)。

10 tāi先(sing) 入來(ji̍p-lâi) 做 工(tsò-kang) ê 人(lâng) 想 講(siūⁿ-kóng) 會(ē) 領(niá)khah tsē 錢(tsîⁿ)。M̄-koh ta̍k-ê 人(lâng) lóng 領(niá) 一 錢 銀(tsi̍t tsiⁿ-gîn)。
11 In 領(niá)tio̍h 錢(tsîⁿ) 了 後(liáu-āu) 就 對(tsiū tùi) 園 主(hn̂g-tsú) nga̍uh-nga̍uh念(liām)。

12 In 埋 怨(bâi-oàn) 講(kóng)：「阮(goán) kui 日(ji̍t) 做 工(tsò-kang) hō͘ 日 頭(ji̍t-thâu) 曝(pha̍k)。Hiah-ê 路尾(lō͘-bóe) 來(lâi) ê 人(lâng) 做 工(tsò-kang) 一點 鐘(tsi̍t-tiám-tsing) 久(kú)，你(lí) 竟 然(kèng-jiân) hō͘ in kah 阮(goán) 平(pêⁿ) tsē 錢(tsîⁿ)。」

13 園 主(hn̂g-tsú) 對(tùi) in 其 中(kî-tiong) 一個 人(tsi̍t-ê lâng) 講(kóng)：「朋 友(pêng-iú) ah，我(góa) m̄是(sī) 對你(tùi lí) 無公 道(bô kong-tō)。你(lí) kám m̄是(sī) kah 我(góa) 約 定(iok-tēng) 工 錢(kang-tsîⁿ)一 錢 銀(tsi̍t tsiⁿ-gîn)？

14 The̍h 你(lí) ê 工 錢(kang-tsîⁿ) 做(tsò) 你(lí) tńg去(khì)。我(góa) beh hō͘ tsit-ê 路尾(lō͘-bóe) 來(lâi) ê 人(lâng) kah 你(lí) 領(niá) 平(pêⁿ)tsē。

15 我(góa) 用(ēng) 家己(ka-kī) ê 錢(tsîⁿ) 做(tsò) 我(góa) ài 做(tsò) ê kám bē 做(tsò) 得(tit)？我(góa) 對(tùi) in 慷 慨(khóng-khài)，你(lí) suah teh 目 孔(ba̍k-khang) 赤(tshiah) 是無(sī-bô)？」

16 親 像(tshin-tshiūⁿ) án-ne，路尾(lō͘-bóe) ê beh 做(tsò) tāi先(sing)，tāi先(sing) ê beh 做(tsò) 路尾(lō͘-bóe)。」

耶穌(iâ-so͘) 第三(tē-saⁿ) pái 預言(ī-giân) 家己(ka-kī) ê 死 亡(sí-bông) kah koh活(ua̍h)

(Mk 10：32-34；Lk 18：31-34)

17 耶穌(iâ-so͘) tī 上(tsiūⁿ) 耶路撒 冷(iâ-lō͘-sat-léng) ê 路 中(lō͘-tiong)，叫(kiò) 十 二(tsa̍p-jī) 使徒(sù-tô͘) 來(lâi) 邊(piⁿ)á kā in 講(kóng)：

18「Taⁿ 咱(lán)beh 上(tsiūⁿ) 耶路撒 冷(iâ-lō͘-sat-léng) 去(khì)。人 子(jîn-tsú) beh 受 出 賣(siū tshut-bē) hō͘ hiah-ê 祭司長(tsè-si-tiúⁿ) kah 經 學 教 師(king-ha̍k kàu-su)。In 會(ē) kā 祂(i) 定(tēng) 死 罪(sí-tsōe)。

19 後來(āu-lâi) 將(tsiong) 祂(i) 交(kau) hō͘ 外 邦 人(gōa-pang-lâng)，kā 祂(i) 戲弄(hì-lāng)、鞭(piⁿ)phah、釘(tèng) 十字架(si̍p-jī-kè)。第三(tē-saⁿ) 日(ji̍t) 上 主(siōng-tsú) 會(ē) hō͘ 祂(i) koh活(ua̍h)。」

老母(lāu-bú) ê 請 求(tshéng-kiû)
(Mk 10：35-45)

20 Hit時(sî) Se-pí-thài ê bó͘ tshōa 兩個(nn̄g-ê) kiáⁿ 來見(lâi kìⁿ) 耶穌(iâ-so͘)，跪(kūi) teh 求(kiû) 一 項(tsi̍t-hāng) 事(sū)。

21 耶穌(iâ-so͘) 問(mn̄g) 她(i) 講(kóng)：「你(lí) ài 甚 麼(sím-mi̍h)？」應 講(ìn-kóng)：「祢(lí) 做 王(tsò-ông) ê時(sî) hō͘ 我(góa) tsit 兩個(nn̄g-ê) kiáⁿ，一個(tsi̍t-ê) 坐(tsē) 帶(tòa) 祢(lí) ê 正(tsiàⁿ)pêng，一個(tsi̍t-ê) 坐(tsē) 帶(tòa) 祢(lí) ê 倒(tò)pêng。」

22 耶穌(iâ-so͘) 應 講(ìn-kóng)：「Lín m̄知(tsai) 家己(ka-kī) teh 求(kiû) 甚 麼(sím-mi̍h)。我(góa) 所(só͘)tio̍h lim ê 苦 杯(khó͘-pue)，lín kám ē-tàng lim？」In 應 講(ìn-kóng)：「會(ē)。」

23 耶穌(iâ-so͘) kā in 講(kóng)：「Lín 真 正(tsin-tsiàⁿ) 會(ē) lim 我(góa) ê 杯(pue)，m̄-koh 坐(tsē) 我(góa) ê 正(tsiàⁿ)pêng 倒(tò) pêng，m̄是(sī) 我(góa) ē-tàng hō͘ 人(lâng) ê，只有(tsí-ū) 我(góa) ê 天父(thiⁿ-pē) tsiah ē-tàng 決 定(kuat-tēng) beh hō͘ 啥 人(siáⁿ-lâng)。」

24 其他(kî-tha) 十個(tsa̍p-ê) 門徒(bûn-tô͘) 聽(thiaⁿ)tio̍h，就 對(tsiū tùi) hit 兩個(nn̄g-ê) 兄弟(hiaⁿ-tī) 受氣(siū-khì)。

25 耶穌(iâ-so͘) 叫(kiò) in 來 講(lâi kóng)：「Lín 知(tsai) 外 邦(gōa-pang) ê 君 王(kun-ông)< ruby>來 統 治(lâi thóng-tī) in，mā 有(ū) 派(phài) 領 袖(léng-siù) teh 管 轄(koán-hat) in。

26 M̄-koh lín 無應 該(bô ing-kai) án-ne。Lín 中 間(tiong-kan) ài 做(tsò) 大(tōa) ê 人(lâng) tio̍h做(tsò) lín ê 序細(sī-sè)。

27 Ài 做(tsò) 頭 人(thâu-lâng) ê 人(lâng) tio̍h做(tsò) lín ê 奴僕(lô͘-po̍k)。

28 Tú 親 像(tshin-tshiūⁿ) 人 子(jîn-tsú) 來(lâi)，m̄是(sī) beh hō͘ 人(lâng) 服 事(ho̍k-sāi)，是(sī) beh kā 人(lâng) 服 事(ho̍k-sāi)。Koh 甚 至(sīm-tsì) 犧 牲(hi-sing) 家己(ka-kī) ê 性 命(sèⁿ-miā) 來 贖 回(lâi sio̍k-hôe) 真(tsin)tsē 人(lâng)。」

耶穌(iâ-so͘) 醫好(i-hó) 兩個(nn̄g-ê) Tsheⁿ-mê人(lâng)
(Mk 10：46-52；Lk 18：35-43)
29 In 離開(lī-khui) 耶利哥城(iâ-lī-ko-siâⁿ) ê時(sî)，有(ū) 真 大 陣(tsin tōa-tīn) ê 人(lâng) tòe 耶穌(iâ-so͘) 去(khì)。

30 Tú 好(hó) 有兩個(ū nn̄g-ê) tsheⁿ-mê 人(lâng) 坐(tsē) tī 路邊(lō͘-piⁿ)，聽(thiaⁿ)tio̍h 耶穌(iâ-so͘) tùi hia 經 過(king-kòe)，就(tsiū) 大 聲(tōa-siaⁿ) huah 講(kóng)：「主(tsú)，大衛(tāi-pi̍t) ê Kiáⁿ 孫(sun) ah，憐 憫(liân-bín) 阮(goán)。」

31 眾 人(tsèng-lâng) kā in 責 備(tsik-pī)，叫(kiò) in tio̍h恬 靜(tiām-tsēng)。M̄-koh in koh-khah 大 聲(tōa-siaⁿ) huah 講(kóng)：「主(tsú)，大衛(tāi-pi̍t) ê Kiáⁿ孫(sun)ah，憐 憫(liân-bín) 阮(goán)。」

32 耶穌(iâ-so͘) 停 落 來(thêng lo̍h-lâi)，叫(kiò) in 來 講 (lâi kóng)：「Lín ài 我(góa) kā lín 做 甚 麼(tsò sím-mi̍h)？」

33 In 應 講(ìn-kóng)：「主(tsú) ah，求祢(kiû lí) 開(khui) 阮(goán) ê 目 睭(ba̍k-tsiu)，hō͘ 阮(goán) 會看 見(ē khòaⁿ-kìⁿ)。」

34 耶穌(iâ-so͘) 可 憐(khó-liân) in，摸(bong) in ê 目 睭(ba̍k-tsiu)。In 隨時(sûi-sî) 會看 見(ē khòaⁿ-kìⁿ)，就(tsiū) tòe 耶穌(iâ-so͘) 去(khì)。