巴克禮普世版（試讀本） 啟示錄第十二章
婦人 人Kah龍
1 Tī天 頂koh有一個大 兆 頭出 現：一個婦人 人身 軀穿日頭，腳 踏月 娘，頭 殼戴十二 粒星ê冕 旒。2她有懷孕teh-beh生kiáⁿ，催 陣ê艱 苦kah痛 疼hō͘伊大 聲叫 苦。3 Tī天 頂koh有另 外一個兆 頭出 現：一 尾赤 色ê大 尾 龍，有七個頭，十 支 角，頭 殼戴七 頂王 冠。4 Hit尾龍用 尾溜，kā天 頂三 份 之一ê星掃 落去地 上；龍khiā tī teh-beh生kiáⁿ ê婦人 人面 前，thìng候她生了thang吞 食她ê kiáⁿ。5 Hit-ê婦人 人生一個tsa-po͘-kiáⁿ，就是將 來beh用 鐵 枴統 治萬 國.ê，m̄-koh她ê kiáⁿ hō͘人接 去上 主ê面 前，來到祂ê寶座hia。6婦人 人逃 走 去曠 野，上 主tī hia有為tio̍h她準 備一個所 在，thang hō͘她tī hia受 照 顧一 千兩 百六 十日。7 Tī天 頂就 發 生戰 爭：Bí-ka-li̍k帶伊ê使者去kah龍交 戰，龍mā帶伊ê使者起來應 戰。8龍戰 輸，伊kah伊ê使者tī天 頂就無所 在thang tuà。9 Hit尾大 尾 龍就hō͘人hiat出 來；伊就是hit尾老 蛇，叫 做魔 鬼，mā叫 做撒旦，全 世界受伊迷惑。伊hō͘人hiat落來地 上，伊ê使者mā kah伊做伙hiat落來。10 Hit時我 聽tio̍h tī天 頂有大聲，講：「咱上 主ê拯 救、權 能kah國度已經實 現à。祂設立ê基督mā teh顯 示祂ê權 柄，因為暝日tī咱ê上 主面 前teh控 告咱ê兄弟 姊 妹hit-ê，taⁿ已經hō͘人hiat落去à。11 In靠羊羔ê血kah in所 見 證ê信息，已經贏 過hit尾龍。In甚 至願意犧 牲in ê性 命。12所以tsiah-ê天kah tuà tī hit中 間ê人，lín lóng tio̍h歡 喜！M̄-koh地kah海有災禍，因為魔 鬼已經大 受氣落去到lín hia，伊知 影家己ê時無juā久à。13 Hit尾龍一下 知 影家己hō͘人hiat落去地 上，就 去jiok hit-ê生tsa-po͘-kiáⁿ ê婦人 人。14 Hit-ê婦人 人有得tio̍h大 鷹 鳥ê兩支翼，thang hō͘她飛 去 曠 野，到她家己ê所 在，tī hia得tio̍h照 顧，一直到上 主看 做適 當ê時期，無koh受hit尾老 蛇ê攻 擊。15 Hit尾蛇tī婦人 人ê後面，tuì嘴吐 出親 像大河ê水，beh kā婦人 人沖 去。16大地來 幫 助婦人 人，開 嘴kā龍吐 出ê河 水吞 落去。17龍對婦人 人發 受 氣，就 去kah婦人 人其他ê kiáⁿ孫，就是遵 守上 主ê誡 命kah為耶穌做 見 證ê人交 戰。Hit時，龍就khiā tī海邊ê沙 頂。
|
|
|
轉寄