巴克禮普世版（試讀本） 啟示錄第十三章
兩 隻猛 獸
1我koh看tio̍h一 隻猛 獸tuì海裡起來，有十 支 角，七 個 頭；ta̍k支角lóng有戴一 頂王 冠，頭 殼 頂有譭 謗上 主ê名 號。2我所 看tio̍h ê hit隻猛 獸親 像豹，伊ê腳親 像熊ê腳，嘴親 像獅ê嘴。Hit尾龍用伊ê才 能、座位kah大 權 柄hō͘ hit隻猛 獸。3 Hit隻猛 獸ê一個頭 殼，ná親 像有受過致 命 傷，m̄-koh伊ê致 命 傷有得tio̍h醫好；全 世界ê人lóng感 覺奇怪，就 來tuè hit隻猛 獸行。4眾 人本底to̍h teh拜hit尾龍，因為龍kā權 柄交hō͘猛 獸，in mā拜猛 獸，講：「啥 人ē-tàng kah tsit隻猛 獸相 比 並？啥 人ē-tàng kah牠交 戰？」5 Hit隻猛 獸有得tio̍h一個講 大 話kah譭 謗ê嘴，koh得tio̍h允 准tī四十二月 日中 間來做tsiah-ê tāi-tsì。6牠就 開 嘴講 出譭 謗上 主ê話，來褻 瀆祂ê名kah祂ê會 幕，以及hiah-ê tiàm tī天 頂.ê。7牠mā有得tio̍h權 柄thang kah信徒交 戰，來kā in征 服，mā有得tio̍h權 柄來治理ta̍k-ê族 群，ta̍k-ê人民，ta̍k種語 言ê人kah ta̍k-e邦 國。8所有tuà tī地 面 上ê人，就是創 世以來in ê名無記載tī受殺 害ê羊羔ê活 命 冊.ê，lóng beh拜hit隻猛 獸。9有 耳 孔ê人lóng tio̍h聽：10 Hiah-ê註 定受 掠ê人，lóng會hō͘人掠 去；hiah-ê註 定受殺 害ê人，lóng會受to thâi死。因為án-ne，信徒lóng tio̍h有耐 心kah信 心。11我koh看tio̍h另 外一 隻猛 獸tuì地 上起來，有兩支親 像羊ê角，講 話親 像龍。12牠tī頭 一 隻猛 獸ê面 前，執 行頭 一 隻猛 獸ê權 柄；牠叫地kah tuà地 上ê人，去拜頭 一 隻猛 獸，就是hit隻受tio̍h致 命 傷，koh得tio̍h醫好ê hit隻猛 獸。13 Tsit第二 隻猛 獸koh行大 神 跡，tī人ê面 前叫 火tuì天降 落地 上。14 Koh用得tio̍h允 准tī頭 一 隻猛 獸面 前所行ê神 跡，來迷惑tuà tī地 上ê人，叫in tio̍h kā hit隻tio̍h傷猶 原活teh ê猛 獸造 偶 像。15牠koh得tio̍h允 准，thang用活 氣pûn入去猛 獸ê偶 像，hō͘猛 獸ê像會講話，koh殺 害所有無拜猛 獸偶 像ê人。16牠 koh強 迫眾 人，無論大細，好 額á是sàn-tshiah，自由.ê á是做 奴僕.ê，lóng tio̍h tī正 手á是頭 額蓋 印 做記號。17蓋 印做記號，就是猛 獸ê名á是代 表牠ê名ê數字，若無，就bē-tàng做買賣。18 Tī tsia需要有智慧，聰 明ê人ē-tàng算 出hit隻猛 獸ê數字，因為hit-ê數字代 表一個 人。Hit-ê數字就是六 百六 十六。
|
|
|
轉寄