《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第十六章

作者 巴克禮普世版小組 2017.04.24

上 主(siōng-tsú)大 受氣(tuā siū-khì)ê碗(uáⁿ)
1後來(āu-lâi)我(guá)koh聽(thiaⁿ)tio̍h有大聲(ū tuā-siaⁿ)tuì聖 殿(sìng-tiān)出 來(tshut-lâi)，kā七個(tshit-ê)天使(thiⁿ-sài)講(kóng)：「Lín去(khì)，將(tsiong)hit七 碗(tshit uáⁿ)上 主(siōng-tsú)ê大 受氣(tuā siū-khì)，piàⁿ落去(lo̍h-khì)地 上(tē-tsiūⁿ)。」2頭 一個(thâu-tsi̍t-ê)天使(thiⁿ-sài)就 去(tsiū khì)，將(tsiong)伊(i)hit碗(uáⁿ)piàⁿ落去(lo̍h-khì)地 上(tē-tsiūⁿ)，hiah-ê有(ū)猛 獸(bíng-siù)ê記號(kì-hō)kah拜(pài)牠(i)ê造 像(tsō-siōng)ê人(lâng)，就 生(tsiū seⁿ)臭(tshàu)koh毒(to̍k)ê瘡(tshng)。3第二個(tē-jī-ê)天使(thiⁿ-sài)將(tsiong)伊(i)ê碗(uáⁿ)piàⁿ落去(lo̍h-khì)海裡(hái-ni̍h)，海(hái)就 變 做(tsiū piàn-tsò)親 像(tshin-tshiūⁿ)死人(sí-lâng)ê血(hueh)，海 中(hái-tiong)ê活 物(ua̍h-mi̍h)lóng死去(sí-khì)。4第三個(tē-saⁿ-ê)天使(thiⁿ-sài)將(tsiong)伊(i)ê碗(uáⁿ)piàⁿ落去(lo̍h-khì)江 河(kang-hô)kah水 泉(tsuí-tsuâⁿ)，水(tsuí)就 變 做(tsiū piàn-tsò)血(hueh)。5我 聽(guá thiaⁿ)tio̍h掌 管(tsiáng-kuán)tsiah-ê水(tsuí)ê天使(thiⁿ-sài)講(kóng)：「現 在(hiān-tsāi)存 在(tsûn-tsāi)，早(tsá)存 在(tsûn-tsāi)，至 聖(tsì-sìng)ê上 主(siōng-tsú)，祢(lí)是(sī)公 義(kong-gī)，祢(lí)ê審 判(sím-phuàⁿ)公 正(kong-tsìng)。6因為(in-uī)in有流(ū lâu)信徒(sìn-tô͘)kah先知(sian-ti)ê血(hueh)，taⁿ祢(lí)用 血(īng hueh)hō͘ in lim，這是(tse sī)in應 該受(ing-kai siū)ê報應(pò-ìng)。」7然 後(jiân-āu)我(guá)koh聽(thiaⁿ)tio̍h祭 壇(tsè-tuâⁿ)有聲(iú-siaⁿ)講(kóng)：「是(sī)ah，主(tsú)，全 能(tsuân-lîng)ê上 主(siōng-tsú)，祢(lí)ê審 判(sím-phuàⁿ)真實(tsin-si̍t)koh公 義(kong-gī)。」8 第四個(tē-sì-ê)天使(thiⁿ-sài)將(tsiong)伊(i)hit-ê碗(uáⁿ)piàⁿ落去(lo̍h-khì)日頭(ji̍t-thâu)，日頭(ji̍t-thâu)就得(tsiū tit)tio̍h權 柄(kuân-pìng)，用 火(īng hué)燒 人(sio lâng)。9人(lâng)hō͘大 炎 熱(tuā iām-jia̍t)ê火 燒(hué-sio)tio̍h，就 褻 瀆(tsiū siat-to̍k)hit-ê有權(ū kuân)掌 管(tsiáng-kuán)tsiah-ê災 禍(tsai-hō)ê上 主(siōng-tsú)ê名(miâ)，猶 原(iû-guân)m̄肯(khíng)悔 改(hué-kái)來(lâi)歸 榮 光(kui îng-kng)hō͘上 主(siōng-tsú)。10第五個(tē-gō͘-ê)天使(thiⁿ-sài)將(tsiong)伊(i)hit-ê碗(uáⁿ)piàⁿ落去(lo̍h-khì)猛 獸(bíng-siù)ê座位(tsō-uī)，猛 獸(bíng-siù)ê國度(kok-tō͘)隨時(suî-sî)變 烏暗(piàn o͘-àm)，人 就(lâng tsiū)艱 苦(kan-khó͘)kah咬 舌(kā-tsi̍h)。11 Koh因為(in-uī)in ê艱 苦(kan-khó͘)kah瘡 毒(tshng-to̍k)，就 褻 瀆(tsiū siat-to̍k)天 頂(thiⁿ-tíng)ê上 主(siōng-tsú)，猶 原(iû-guân)無悔 改(bô hué-kái)來改 變(lâi kái-piàn)in ê行 踏(kiâⁿ-ta̍h)。12第六個(tē-la̍k-ê)天使(thiⁿ-sài)將(tsiong)伊(i)hit-ê碗(uáⁿ)piàⁿ落去(lo̍h-khì)幼發拉底(iù-huat-la̍h-tí)大河(tuā-hô)，河 水(hô-tsuí)隨時(suî-sî)乾去(ta-khì)，為(uī)tio̍h tuì東 方(tang-hng)來(lâi)ê列 王(lia̍t-ông)準 備(tsún-pī)一 條路(tsi̍t-tiâu lō͘)。13我(guá)koh看(khuàⁿ)tio̍h有(ū)三個(saⁿ-ê)無 清 氣(bô tshing-khì)ê神 靈(sîn-lîng)，親 像(tshin-tshiūⁿ)田 蛤(tshân-kap)á tuì龍(liông)ê嘴(tshuì)，猛 獸(bíng-siù)ê嘴(tshuì)kah假先知(ké-sian-ti)ê嘴(tshuì)出 來(tshut-lâi)。14 In就是(tsiū-sī)會(ē)行 奇 蹟(kiâⁿ kî-tsik)ê惡 魔(ok-mô͘)ê邪神(siâ-sîn)，出 去(tshut-khì)招 集(tsio-tsi̍p)全 世界(tsuân sè-kài)ê君 王(kun-ông)，tī全 能(tsuân-lîng)上 主(siōng-tsú)所定(só͘ tiāⁿ)tio̍h hit-ê大日子(tuā ji̍t-tsí)出 來(tshut-lâi) 交 戰(kau-tsiàn)。15「你(lí)tio̍h注意(tsù-ì)！我會(guá ē)親 像(tshin-tshiūⁿ)賊(tsha̍t)來(lâi)。Hit-ê隨時(suî-sî)警 醒(kíng-síng)kā衫(saⁿ)穿(tshīng)便 便(piān-piān)ê人(lâng)，實 在(si̍t-tsāi)有福 氣(ū hok-khì)，因為(in-uī)伊(i)m̄免(bián)hō͘眾 人(tsìng-lâng)看(khuàⁿ)tio̍h伊(i)thǹg-pak-theh ê見 笑(kiàn-siàu)。」16 Hiah-ê邪 魔(siâ-mô͘)就 招 集(tsiū tsio-tsi̍p)列 王(lia̍t-ông)tī一個(tsi̍t-ê)希伯來話(hi-pik-lâi-uē)叫 做(kiò-tsò)A-má-gi̍k-tùn ê所(só͘) 在(tsāi)。17第七個(tē tshit-ê)天使(thiⁿ-sài)將(tsiong)伊(i)hit-ê碗(uáⁿ)piàⁿ落去(lo̍h-khì)空 中(khong-tiong)，就(tsiū)有大聲(ū tuā-siaⁿ)tuì聖 殿(sìng-tiān)ê寶座(pó-tsō)出 來(tshut-lâi)，講(kóng)：「完 成(uân-sîng)à！」18 Hit時(sî)有閃電(ū sih-nà)，有 響 聲(ū hiáng-siaⁿ)，有雷(ū luî)tân kah大 地動(tuā tē-tāng)，地 上(tē-tsiūⁿ)有人類(ū jîn-luī)以來(í-lâi)，m̄-bat有(ū)tsiah-ni̍h大(tuā)ê地動(tē-tāng)。19 Hit-ê巴比倫(pa-pí-lûn)大 城(tuā-siâⁿ)就裂做(tsiū li̍h tsò)三塊(saⁿ-tè)，列 國(lia̍t-kok)ê城 市(siâⁿ-tshī)mā lóng倒壞(tó-huāi)。上 主(siōng-tsú)mā會記得(ē-kì-tit)巴比倫(pa-pí-lûn)大 城(tuā-siâⁿ)ê tāi-tsì，就(tsiū)hō͘伊(i)lim貯滿(té-muá)上 主(siōng-tsú)極 大(ki̍k-tuā) 受氣(siū-khì)ê酒(tsiú)。20所有(só͘ ū)ê海島(hái-tó)kah山(suaⁿ)，lóng消 失去(siau-sit-khì)。21然 後(jiân-āu)tuì天 頂(thiⁿ-tíng)降 落(kàng-lo̍h)大 粒(tuā-lia̍p)雹(pha̍uh)，ta̍k粒(lia̍p)ê重 量(tāng-liōng)lóng有(ū)幾(kuí)nā十(tsa̍p)公 斤(kong-kin)。人(lâng) 為(uī)tio̍h雹(pha̍uh)ê災 禍(tsai-hō)就 褻 瀆(tsiū siat-to̍k)上 主(siōng-tsú)，因為(in-uī)hit-ê災 禍(tsai-hō)非 常(hui-siông)嚴 重(giâm-tiōng)。