巴克禮普世版（試讀本） 馬可福音第十五章
耶穌Tī彼拉多面 前受 審 問 (M̄t：1-2，11-14；Lk23：1-5；Ih18：28-38)
1到 天 光，hiah-ê祭司長、長老、經 學 教 師kah全 議 會，做伙討論好勢，kā耶穌縛 起來，押祂去 交hō͘彼拉多。 2彼拉多問耶穌講：「祢是猶 太 人ê王，是無？」耶穌應 講：「照你講án-ne。」 3祭司長告耶穌真tsē項。 4彼拉多koh問耶穌講：「祢ná會lóng無應？祢看，in告祢hiah-tsē項！」 5耶穌猶 原無應半 句。彼拉多suah感 覺真 奇 怪。
耶穌Hông判 死 刑 (太27：15-26；路23：13-25；約18：39-19：16)
6 Tī ta̍k年ê盤過 節，總 督lóng有 照人民所求ê，來 放一個犯 人hō͘ in，。 7 Hit時有一個kah hiah-ê作 亂ê人做伙關 監，名 叫巴拉巴ê犯 人， 8群 眾聚 集uá去，要求彼拉多照 慣 例來 放一個犯 人。 9彼拉多問in講：「Lín ài我放猶 太 人ê王hō͘ lín，是無？」 10 因為伊知hiah-ê祭司長，是為tio̍h怨妒tsiah kā耶穌交hō͘伊。 11 M̄-koh hiah-ê祭司長煽 動群 眾，顛倒要求彼拉多放巴拉巴hō͘ in。 12彼拉多koh應 講：「Án-ne lín叫 做猶 太 人ê王Hit位，我tio̍h án怎kā祂辦？」 13 In koh大 聲huah講：「Kā祂釘十字架！」 14彼拉多kā in講：「是án怎lè，祂kám有 犯啥 物罪？」M̄-koh群 眾ná大 聲huah講：「Kā祂釘十字架！」 15彼拉多為tio̍h beh hō͘群 眾歡 喜，就 放巴拉巴hō͘ in。伊koh命 令人鞭phah耶穌，然 後kā耶穌交hō͘ in去 釘十字架。
兵á戲弄耶穌 (太27：27-31；約19：2-3)
16 兵á拖耶穌入去總 督 府ê院內，koh召全 隊ê兵á來。 17 In kā耶穌穿一 領紫 色ê袍，koh辮刺á ê冕 旒kā祂戴。 18然 後kā耶穌請 安講：「猶 太 人ê王，平 安！」 19 In koh用 蘆竹sut耶穌ê頭 殼，kā祂phuì嘴 瀾，跪 落去kā祂拜。 20 In戲弄suah，kā hit領紫 色ê長 袍thǹg起來，koh將耶穌家己ê衫kā伊穿 落去。然 後押祂去 釘十字架。
耶穌受 釘十字架 (太27：32-44；路23：26-43；約19：17-27)
21 有一個古利奈 人西門，就是亞力山大kah Ló͘-hu ê老父，tuì庄 腳來，àn hia經 過。In就強 迫伊來giâ耶穌ê十字架。 22 In kā耶穌帶 到各 各 他ê所 在，hit-ê地名翻 譯就是「頭 殼 碗ê所 在」。 23 In用攪 沒 藥ê酒hō͘耶穌lim。祂m̄ lim。 24 In kā耶穌釘十字架了 後，分祂ê衫 褲，liam-khau來看 啥 人得tio̍h啥 物。 25 In kā耶穌釘tī十字架 頂，是早起時九 點。 26祂ê罪 狀ê牌á寫 講：「猶 太 人ê王」。 27有兩個賊犯kah耶穌同 齊釘十字架，一個tī正pîng，一個tī倒pîng。 28 Án-ne來應 驗聖 經所記載：「祂mā hō͘人kā祂算 做罪 犯。」(有ê抄 本無tsit節) 29 Tuì hia經 過ê人kā祂侮 辱，搖頭講：「Ai-ah，祢tsit-ê講beh毀 壞聖 殿，三日內beh koh起 起來ê人！ 30 Taⁿ tio̍h救祢家己，tuì十字架落來！」 31 Hiah-ê祭司長kah經 學 教 師mā是án-ne kā祂恥 笑，互 相講 來講 去，「祂bat救別 人，taⁿ bē-tàng 救家己！ 32以色列ê王基督，taⁿ tio̍h tuì十字架落來hō͘阮看，阮tsiah beh信。」同 齊釘tī十字架ê兩個賊 頭mā kā祂侮 辱。
耶穌ê死 亡 (太27：45-56；路23：44-49；約19：28-30)
33 中 晝ê時，全 地烏暗，續 到下晡三 點。 34三 點ê時，耶穌大 聲huah講：「Í-lô-i，Í-lô-i，la̍h-má sat-pak-tāi-nî」，tsit句ê意思是「我ê上 主，我ê上 主，祢ná會放sak我？」 35有一個tī邊á teh khiā ê有人聽tio̍h，就 講：「你 看，祂teh叫以利亞。」 36有一個人走uá去，用海綿浸酸 酒，縛tī蘆竹á尾，tu去hō͘耶穌suh，講：「慢 且lè，咱來 看以利亞會來kā祂救 落來á bē？」 37耶穌大 聲喉叫 一 聲，就 斷 氣。 38聖 殿 內ê帳籬，tuì頂 到下裂做兩pîng。 39 Khiā tī耶穌對面ê連 長，看tio̍h祂án-ne斷 氣，就 講：「Tsit-ê人真 正是上 主ê Kiáⁿ！」 40 Koh有幾nā個婦人 人tuì遠 遠teh看，其 中有抹 大 拉ê馬利亞，kah小 雅 各約 瑟ê老母馬利亞，以及Sat-lô-bí， 41 In就是耶穌tī加利利省ê時，跟tuè來服 事耶穌ê婦人 人。Mā有真tsē婦人 人kah耶穌同 齊上 耶路撒 冷ê，in lóng tuì遠 遠teh看。
耶穌ê埋 葬 (太27：57-61；路23：50-56；約19：38-42)
42 時已經暗，因為hit日是Puâⁿ過 節ê備 辦 日，就是安息 日ê前 一 日。 43有A-lī-má-thài ê約 瑟來，好膽入去見彼拉多，請 求hō͘伊收耶穌ê身屍。約 瑟是尊 貴ê議員，本 身mā是欣 慕上 主 國 度ê人。 44彼拉多聽tio̍h耶穌已經死，感 覺奇怪。伊叫 連 長來 問 看耶穌死去á buē。 45伊tuì hit-ê連 長知 影耶穌已經死去，就 允 准kā身屍交hō͘約 瑟。 46約 瑟買一塊幼苧布來，kā耶穌tuì十字架 頂收 落來。伊用幼苧布包身屍，kā祂安 葬tī石 磐所phah ê墓。伊mā kō一塊 石頭來 塞tī墓 口。 47抹 大 拉ê馬利亞，kah約 瑟ê老母馬利亞，有 看tio̍h埋 葬耶穌ê所 在。
|
|
|
轉寄