巴克禮普世版（試讀本） 路加福音第十五章
迷羊ê譬喻 (太18：12-14)
1有一pái，真tsē抽 稅ê kah pháiⁿ人，來耶穌hia beh聽祂講 道理。2法 利賽 派ê人kah經 學 教 師ka̍uh-ka̍uh念講：「Tsit-ê人接 納pháiⁿ人koh kah in做伙食 飯！」3耶穌用 一個譬喻對in講，4「Lín中 間啥 人有一 百 隻羊，phah-m̄見一 隻，kám bē暫 且放九 十 九隻tī山 裡，去tshuē hit隻phah-m̄見ê，一直到tshuē-tio̍h為止？5 Tshuē-tio̍h了 後就 歡 喜，kā hit隻羊phāiⁿ tuà肩 胛 頭。6 Tńg到厝就 叫厝 邊ê朋 友來，kā in講：「來kah我tàu歡 喜，因為我tshuē-tio̍h phah-m̄見hit隻羊。』7我kā lín講，tī天 頂mā親 像án-ne，為tio̍h pháiⁿ人中 間有一個人悔 改來歡 喜，比為tio̍h m̄免悔 改ê九 十 九個義 人koh-khah歡 喜。」
Phah-m̄見錢ê譬喻
8「Á是有一個婦人 人有十個銀á，nā phah-m̄見一個，kám bē點 燈，拚 掃厝 內，phah拚tshuē，到tshuē-tio̍h為止？9伊一下tshuē-tio̍h就 叫朋 友kah厝 邊來，kā in講：『來kah我tàu歡 喜，因為我phah-m̄見ê銀á已經tshuē-tio̍h。』 10我kā lín講，親 像án-ne，上 主ê天使會為tio̍h pháiⁿ人中 間有一個人悔 改，來歡 喜。」
放 蕩Kiáⁿ ê譬喻
11耶穌koh講：「有一個人有兩個kiáⁿ。12 Hit-ê細漢-kiáⁿ kā老父講：「阿爸，請kā我應 該得ê財 產分hō͘我。」老父就 分家伙hō͘兩個kiáⁿ。13隔無幾日，hit-ê細漢kiáⁿ kā所 得tio̍h ê財 產全 部換 做現 金，就 出 外去真 遠ê所 在。伊tī hia放 蕩亂開 錢。14伊kā所有ê錢開 了 了ê時，hit所 在tú-tio̍h大 飢荒，伊tsiah覺悟欠 缺ê艱 苦。15伊就 去hō͘ hit所 在ê一個 人倩。Hit-ê人差伊去 山 裡ê園飼豬。16伊iau kah想beh the̍h豬teh食ê豆 粕來止iau，m̄-koh lóng無 人beh hō͘伊食。17後來伊覺 醒講：『我ê老父有hiah-tsē長 工，米糧食kah有tshun，m̄-koh我tī tsia teh-beh iau死去。18我beh tńg來去tshuē我ê老父，kā伊講：『阿爸，我有得 罪天，mā有得 罪你。19 Taⁿ我無資 格koh做你ê kiáⁿ。請hō͘我做你ê長 工to̍h好。』20伊就 出 發tńg去tshuē伊ê老父。離in老父iáu-koh真 遠，老父to̍h看tio̍h伊，感 覺真m̄甘，走uá去kā伊攬teh，直直kā伊tsim。21 Kiáⁿ kā老父講：『阿爸，我有得 罪天，mā有得 罪你，taⁿ我無資 格koh做你ê kiáⁿ。』22 M̄-koh老父對hiah-ê奴僕講：『緊hiaⁿh siōng好ê衫來kā伊穿，kā伊掛手 指，koh kā伊穿鞋。23續牽hit隻肥ê牛á-kiáⁿ來thâi，來 辦 桌歡 喜慶 祝。24因為我tsit-ê kiáⁿ死去有koh活，phah-m̄見有koh tshuē-tio̍h。』 In就 做伙歡 喜慶 祝。」
25 Hit時，大kiáⁿ tuì園 裡tńg來，beh到厝ê時，聽tio̍h奏 樂kah跳 舞ê聲。26伊叫一個奴僕來，問伊看teh做 啥 物tāi-tsì。27 Hit-ê奴僕kā伊講：『Lín小弟tńg來à，lín老父因為伊平 安無事tńg來，所以thâi hit隻肥ê牛á-kiáⁿ。』28大kiáⁿ真 受氣，m̄入去。老父出 來kā伊苦 勸。29 M̄-koh伊應老父講：『你 看，我服 事你hiah-tsē年，lóng m̄ bat違背你ê命 令。你mā m̄ bat hō͘我一 隻羊á-kiáⁿ，thang kah我ê朋 友做伙歡 喜lim食。30 M̄-koh你tsit-ê kiáⁿ，交 陪娼 妓，kā你分hō͘伊ê財 產全 部開 了 了。伊一下tńg來，你就 為tio̍h伊thâi肥ê牛á-kiáⁿ。』 31老父kā伊講：『我ê kiáⁿ ah，你常 常kah我做伙，我所有ê財 產lóng是你ê。32 M̄-koh你ê小弟死有koh活，phah-m̄見koh tshuē-tio̍h，咱應 該tio̍h來歡 喜慶 祝！』」
|
|
|
轉寄