巴克禮普世版（試讀本） 路加福音第二十二章
陷 害耶穌ê陰謀 (太26：1-5，14-16；可14：1-2，10-11；約11：45-53)
1除 酵 節，mā叫 做Puâⁿ過 節，teh-beh到。2祭司長kah經 學 教 師因為驚人民反 彈，所以tshuē看有甚 麼辦 法thang害死耶穌。
猶大同意出-賣耶穌 (太26：14-16；可14：10-11)
3撒旦入tī hit-ê叫 做加略ê猶大，伊是十二使徒ê一個；4就 去kah tsiah-ê祭司長以及聖 殿ê守衛 官做伙參 詳，看beh用 甚 麼方 法將耶穌交hō͘ in。5 In真 歡 喜，約 定beh hō͘伊錢。6猶大同意，就tshuē機會當人民無tī in中 間ê時，將耶穌交hō͘ in。
準 備Puâⁿ過 節ê晚 餐 (太26：17-25；可14：12-21；約13：21-30)
7除 酵 節到à，hit日tio̍h thâi Puâⁿ過 節ê羊羔。8耶穌差彼得kah約 翰講：「Lín去準 備Puâⁿ過 節ê晚 餐。」9 In兩個問 講：「祢ài阮去甚 麼所 在準 備？」10耶穌應 講：「Lín入去城內就會tú-tio̍h一個 人kuāⁿ水 瓶。Lín tuè伊入去hit間厝，11 kā hit間厝ê主 人講：『老師teh問，祂beh kah使徒食Puâⁿ過 節晚 餐ê客 廳tī tó位？。』12 Hit-ê人會報lín看 樓 頂一 間已經布置好勢ê大 廳。Lín tio̍h tī hia準 備。」13 In去，果 然ta̍k項lóng照耶穌所kā in講ê。In就tī hia準 備Puâⁿ過 節ê晚 餐。
主ê晚 餐 (太26：26-30；可14：22-26；約11：23-25)
14晚 餐ê時間到，耶穌就kah使徒做伙坐 桌。15耶穌對in講：「Tī受害tsìn前，我真意愛kah lín食tsit-ê Puâⁿ過 節ê晚 餐。16我kā lín講，tī上 主ê國度實 現以 前，我bē koh食tsit款ê晚 餐。」17耶穌kā杯接 過 來，祝 謝了 後，講：「Lín phâng tsit-ê杯去 分hō͘ ta̍k家lim。18我kā lín講，tuì tsit-má起直到上 主ê國度來臨，我絕 對bē koh lim tsit款ê葡萄 汁。」19然 後耶穌the̍h餅祝 謝了 後peh開the̍h hō͘ in，講：「Tsit-ê是我ê身 軀，為tio̍h lín來 獻ê，lín tio̍h án-ne做來記 念我。」20食了 後koh phâng杯祝 謝，講：「Tsit-ê杯是新約，用我為tio̍h lín流ê血來設立ê盟 約。21 Lín看！beh出 賣我hit-ê人kah我做伙伸 手tī桌 頂。22因為人 子會 照上 主所定tio̍h ê來離開世間，m̄-koh出 賣人 子hit-ê人有災禍！」23 In就 互 相問 來問 去，ài beh知in中 間啥 人會做tsit-ê tāi-tsì。
啥 人Siōng大ê爭 論
24 In有teh爭 論，看in中 間啥 人算siōng大。25耶穌就kā in講：「外 邦 人ê君 王做 主來治理人民；統 治 者叫 做恩 主。26 M̄-koh lín就m̄是án-ne，lín中 間做 大ê tio̍h親 像序細，做 頭 人ê tio̍h親 像差 用ê。27甚 麼 人做 大？是坐 桌ê人 客，á是服務ê人？Kám m̄是坐 桌ê人 客？M̄-koh我tī lín中 間親 像teh做服務ê人。28 Lín tī試 探 中常 常kah我做伙。29我ê天父用王ê權 柄hō͘我，我mā beh án-ne將王ê權 柄hō͘ lín。30 Hō͘ lín thang tī我ê國度kah我做伙坐 桌lim食，koh坐tuà寶座來 審 判以色列十二個支 族。」
預言彼得M̄認主 (太26：31-35；可14：27-31；約13：36-38)
31耶穌koh講：「西門，西門ah，你 看，撒旦已經得tio̍h允 准，beh親 像簸麥án-ne kā lín簸。32 M̄-koh我有替你祈禱，hō͘你bē失去信 心。你回 心 轉意了 後，tio̍h堅 固你兄弟ê信 心。」33彼得應 講：「主ah，我準 備便 便beh kah祢去 坐監，kah祢做伙死。」34耶穌kā伊講：「彼得ah，我kā你講，今á日雞Iáu未啼以 前，你會三pái m̄認我。」
錢袋kah刀 劍
35 耶穌koh kā十二使徒講：「我前差lín出 去，叫lín m̄-thang帶 錢袋、行 李袋kah鞋。Lín kám有欠甚 麼？」使徒應 講：「無。」36耶穌kā in講：「M̄-koh taⁿ有 錢袋ê tio̍h帶 去，有行 李袋ê mā tio̍h帶 去。無刀ê人tio̍h賣伊ê外衫去買刀來帶 去。37聖 經有記載：祂hō͘人算 做不 法ê人。(註：賽53：12) Tsit句話一定會 應 驗tī我ê身 軀。事實 上，聖 經所記載關 係我ê tāi-tsì已經teh-beh應 驗ā。」38使徒講：「主ah，祢看，tī tsia有兩支刀。」耶穌應 講：「Án-ne有夠 額à。」
耶穌Tī橄欖 山祈禱 (太26：36-46；可14：32-42)
39耶穌照 常出 去橄欖 山，使徒mā tuè祂去。40到hit所 在耶穌就kā in講：「Lín tio̍h祈禱，tsiah bē受 試 探ê迷惑。」41然 後耶穌離開in差 不多有hiat石 頭ê遠，跪 落去祈禱，講：42「天父ah，祢若 肯，求你將tsit-ê苦 杯phâng離開我，m̄-koh m̄-thang照我ê意思，tio̍h照祢ê旨意來實 現。」43有一個天使tuì天出 現來加添祂ê氣 力。44耶穌非 常痛 苦，祈禱jú迫 切。祂ê汗親 像大 點血teh滴落地。45耶穌祈禱suah khiā起來，去 到使徒hia，看tio̍h in因為憂悶suah睏 去。46耶穌kā in講：「Lín ná會teh睏？起來祈禱tsiah bē受 試 探ê迷惑。」
耶穌Hông掠 去 (太26：47-56；可14：43-50；約18：3-11)
47 Iáu teh講ê時，有kui陣人到。十二使徒ê一個，就是hit-ê叫 做猶大ê做頭 前tshuā路。猶大行uá耶穌beh kā伊tsim。48 M̄-koh耶穌kā祂講：「猶大，你用tsim嘴來 出 賣人 子是無？」49耶穌身邊ê使徒看tio̍h所beh發 生ê tāi-tsì就 講：「主ah，阮用刀來kā in thâi好無？」50其 中一個 人kā祭司長ê奴僕phut落去，kā伊正pîng ê耳á削 起來。51耶穌講：「Suah去！Án-ne好à！」祂就 摸hit-ê奴僕ê耳á，來kā伊醫好。52耶穌對hiah-ê來beh掠祂ê祭司長、聖 殿ê守衛 官kah長老講：「Lín kám tio̍h gia̍h刀kah槌出 來？Bē輸teh-beh掠土 匪leh？53我ta̍k日kah lín tī聖 殿，lín無 下 手kā我掠。M̄-koh tsit-má是lín tng紅ê時，mā是烏暗teh掌 權。」
彼得M̄認耶穌 (太26：57-58，69-75；可14：53-54，66-72；約18：12-18，25-27)
54 In就掠耶穌，kā祂押去祭司長ê公 館。彼得離遠 遠teh tuè耶穌。55有人tī埕裡起 火，做伙圍teh坐，彼得mā坐tī in中 間。56有一個女婢 女婢看tio̍h彼得坐tī hia teh烘 火，就目 睭金 金kā伊siòng，講：「Tsit-ê人mā是kah耶穌teh做 陣。」57彼得m̄承 認，講：「婦人 人ah，我m̄-bat祂。」58 Koh過無juā久，另 外一個 人看tio̍h彼得就 講：「你mā是kah in tàu陣ê人。」彼得應 講：「朋 友ah，我m̄是。」59差 不多過一-點 鐘久，koh有一個人堅 持講：「Tsit-ê人真 正kah耶穌做 陣。因為伊mā是加利利人。」60 M̄-koh彼得講：「朋 友ah，你teh講甚 麼，我m̄知。」Iáu teh講ê時，雞隨時啼。61 Hit時主ua̍t頭看彼得，彼得就 想 起主對伊講ê話：「今á日雞啼以 前，你會三pái m̄認我。」62彼得就 出 去外 面，大 聲啼 哭。
耶穌受戲弄鞭Phah (太26：67-68；可14：65)
63 Hiah-ê顧守耶穌ê人kā祂戲弄，koh kā祂鞭phah。64 In掩耶穌ê面，問祂講：「祢若是先知，ioh看 啥 人kā祢phah？」65 In koh講真tsē話來kā祂侮 辱。
耶穌Tī議會受 審 問 (太26：59-66；可14：55-64；約18：19-24)
66天一下 光，猶 太 人ê祭司長kah經 學 教 師聚 集開 會，決 定kā耶穌押去in ê議會。67 In問耶穌講：「祢若是基督tio̍h kā阮 講。」68耶穌kā in講：「我kā lín講，lín mā m̄信。我若 問lín，lín mā m̄應。69 M̄-koh tuì tsit-má起，人 子會坐tī權 能上 主ê正pîng。」(註：詩110：1) 70眾 人lóng講：「Án-ne，祢就是上 主ê Kiáⁿ是無？」耶穌應 講：「照lín所 講ê，我就是。」71 In講：「咱ná-tio̍h koh需要甚 麼證 據？咱已經有聽tio̍h祂親 嘴講à。」
|
|
|
轉寄